Esdras 7:1 - La'aqtaqa Ñim Lo'onatac 'Enauacna 2013

¹ Qaq huetoigui da lo'onataxanaxac so Artajerjes, maye nta'a ye Persia, nache nvita ye Jerusalén so shiỹaxaua le'enaxat Esdras, qaq somaye nache llalec so Serarías, maye nataqa'en chegoxoguet so ntaxaỹaxanaxanec Aarón, Azarías, qataq so Hilcías,

Toba del Oeste

¹ Yenoĝodegue jaa'me 'uoidi, ca'li 'uo da'me lejaliaĝa di'me Artajerjes, 'uo joga'me novi' jiyaĝaua jo'ne lenaĝat Esdras, mach'e chiyoĝogueta di'me Seraías, Azarías, Hilquías,

Esdras 7:1 Referans Kwoze

Nehemías 2:1

Qaq huo'o so na'a'q, huetoigui so ca'agoxoic Nisán, so mashe ivi' naua veinte vi'iye da lo'onataxanaxac so nta'a Artajerjes, nache cai sanem se'eso nta'a aso nỹomaxaqui huetagui so lataxa, nache somaye aỹem ỹauatton da ỹataqta saquico, saq 'ena'ama soua lỹa't na'axa'te,

Esdras 7:21

Qaq aỹem nta'a Artajerjes, samaxalec 'enauac na netaña ye 'alhua maye pa'aỹa'ague da avit so tala Éufrates maye ilotague' aca anom, da saỹaỹaloxon da ỹami' da huo'o aca iỹaxanaique, nam ntaxaỹaxanaxanec qataq napaxaguenataxanaq Esdras, maye ỹaỹate'n naua lleco naua lqataxaco Ñim Lo'onatac 'Enauacna maye ilotague' na piguem.

Esdras 7:12

«Aỹem Artajerjes, maye lta'a na nta'alpi, aỹem sanem da ỹa'aqtac na Esdras, maye ntaxaỹaxanaxanec qataq napaxaguenataxanaq, maye ỹaỹate'n naua lleco na lqataxacpi Ñim Lo'onatac 'Enauacna maye ilotague' na piguem:

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

2 Reyes 22:4

«'Anqo'ona ca Hilcías, cam lataxala' na ntaxaỹaxanaxanecpi, nache qonapega da lapona't qome aca anom maye qairoua'a co'ollaxa añi atamnaxaqui maye lalamaqte Ñim Nataxala', acam ỹaconeguet co'ollaxa ca lasom lo'opi,

Nehemías 11:11

qataq so Seraías, som llalec so Hilcías, maye chegoxoguet so Mesulán, Sadoc, Merayot, qataq so Ajitob maye lataxala' so ilotague' aso atamnaxaqui maye lalamaqte Ñim Lo'onatac 'Enauacna,

Esdras 7:10

Qaq so Esdras, ye ỹataqta lquiyaqteỹaxac da napaxaguena nam lqataxacpi Ñim Nataxala', qataq da ỹataqta ipactelec da ỹapaxaguenec so Israel le'ecpi nam qalapaxañi lataxacpi qataq nam namaxasoxonaxacpi.

2 Crónicas 34:15

Qaq nache saỹaỹaloxon da da'aqtaxanem so Safán, da somaye ilalec aso nere maye huetalec da nqataxac, huaigui aso atamnaxaqui maye lalamaqte Ñim Nataxala', nache ỹanem asa'aso nere so Safán,

2 Crónicas 34:9

Qaq huaña nache soomaye je'c da nqo'ooreua'a so ntaxaỹaxanaxanec Hilcías, nache ỹanema somaye aso anom maye qoỹaneua'a co'ollaxa aso atamnaxaqui maye lalamaqte Ñim Lo'onatac 'Enauacna, asom lapoñiguishe som leviitapi maye nauaatalec so lasom, ỹachegoxotaigui som netaña ye Manasés, qataq ye Efraín, qataq som shiỹaxauapi maye no'onaña co'ollaxa ye Israel, qataq 'enauac som netaña ye Judá qataq ye Benjamín, qataq 'enauac som netaña ye Jerusalén.

1 Crónicas 9:11

Azarías, som llalec so Hilcías, maye llalec so Mesulán, som llalec so Sadoc, maye llalec so Merayot, som llalec so Ajitob, maye nataxala' aso atamnaxaqui maye lalamaqte Ñim Lo'onatac 'Enauacna,

2 Reyes 25:18

Qaq se'eso 'amaqtaqaic lamaxashec so nta'a, nataqa'en icoñi' co'ollaxa so Seraías, maye lataxala' so ntaxaỹaxanaxanecpi, qataq so Sofonías maye nataqa'en ntaxaỹaxanaxanec, qataq soua tres shiỹaxau' maye nauaatrac naxa soua laso'omi aso atamnaxaqui.

2 Reyes 22:8

Huaña nache so Hilcías, maye lataxala' so ntaxaỹaxanaxanecpi, da'aqtaxanem so neraxanaxanec Safán, 'eeta': «Aỹem, selalec aye nere maye huetalec na nqataxacpi, huetaigui añi atamnaxaqui maye lalamaqte Ñim Nataxala'.» Nache so Hilcías, ỹanem somaye aso nere, nache so Safán itaxaỹaxan co'ollaxa asomaye.

Esdras 7:2

Salún, Sadoc, Ajitob,

Esdras 4:7

Nataqa'en co'ollaq huaigui da lo'onataxanaxac so Artajerjes, maye nta'a ye Persia, nache so Bislán, Mitrídates, Tabel qataq so laỹepi ltauapi, ỹamaxa aso lere so nta'a Artajerjes, qaq asa'aso nere nanettaleguete naua na'aqtaqa arameo, ime, nache taiguilo qanqoỹen naua la'aqtaqa so lma' ye Persia da qaỹa'axategue 'enauac na huetalec asomaye.

Nehemías 8:1

Qaq huaña, nache 'enauac se'eso maiche nhuo' le'ecpi da laỹona't, huaña so naponqa' maye nalotta so lasom, maye qailonec da le'enaxat 'etaxat, nache qaiỹaxanot so napaxaguenataxanaq Esdras da ndouec aso lmalate so lqataxacpi Ñim Nataxala', maye ỹanem co'ollaxa so Israel le'ecpi ỹachegoxotchigui so Moisés.