Esdras 6:8 - La'aqtaqa Ñim Lo'onatac 'Enauacna 2013

⁸ Qaq nataqa'en qami' samaxaleguete da qautauañi ca lataxala'pi na judiopi, da qano'oxoosheguem aca atamnaxaqui. Qataq qaushichiiñi da ỹoltaq qano'oxoosheguem acamaye, qausheetenaxañiỹa aca nsheetenaqte ca nta'a maye ỹacootapeeguet da ilotague' ye 'alhua, maye pa'aỹa'ague da avit so tala Éufrates, yaqto' saishet da vi'iiguet da no'onataxanaxac.

Toba del Oeste

⁸ Nataq'aen da'me ami, 'noota qom alecochiyalo jogaa'me judiopi jo'ne t'onataĝa'tape, qaedi yataqata qo'noĝojeguem qomle ga'me tamenaĝaiqui. Auachiyoĝochiyaue jaga'me qanaicaua jo'ne lejetenaĝanaĝa'j jogaa'me 'lachaqa't joga'me aleua jo'ne lajego di'me ñache Éufrates, qaedi auejechiñiyeque qomle jogaa'me onataĝanaĝayaqa yema joga'me qoyouetaque, qaedi ja 'viguet da'me 'nonataĝanaĝac.

Esdras 6:8 Referans Kwoze

Esdras 6:4

Qataq tres qanqoỹen caua qaỹauaxaỹana't coma' lta'al da qalapaxayiñi, qataq 'oonolec ca dalaxaicolec ca no'on qo'oipaq da qalapaxauo. Qaq 'enauac aca ivi' lasheue ca lo'oxonaxatpi, nache qaisheetenaxana qome aca nsheetenaqte ca nta'a.

Hageo 2:8

«Aỹem ỹalamaxat na lcat plata qataq na oro.

Esdras 5:5

Qalaxaye Ñim Lo'onatac 'Enauacna ỹataqta npaxattalec so nataxala'pi judiopi, nache se'eso nta'a saishet da nqanaxat da lo'onataxanaxac somayepi, choche ivitta'a da qaỹamaxa so na'aqtac so nta'a Darío, qataq da qaỹaỹateeta ca lereguishec la'aqtac somaye.

Esdras 4:23

Nache co'ollaq qaitaxaỹaxaatac aso lere so nta'a Artajerjes, hua'aqchigui so Rejún maye lataxala' so huataxanaq lta'alpi, qataq so neraxanaxanec Simey qataq so ltauapi soomaye, nache 'enauac somayepi sanaỹaloxon da nqo'ona ye Jerusalén, nache ỹataqta 'enapega so judiopi da ỹa'axaneguet da lo'onataxanaxac.

Esdras 4:16

Ỹoqo'oye sauoqtaique da 'am sa'aqtaxanaqtem, da ỹoltaq qano'oxoosheguem yi'iye huaqta'a't nỹecpi qataq so lpaqtaxat, nache 'am saishet da 'auañoxot qome da 'aulo'ogue 'enauac yi'iye huaqta'a't nỹecpi maye pa'aỹa'ague da avit na tala Éufrates.»

Esdras 6:7

qauauaqaita'a ca nta'a, qataq ca ỹa'axaiquipi maye lataxala'pi na judiopi, da maiche huapegue' da qaltaq no'oxootapiguisheguem aca atamnaxaqui maye lalamaqte Ñim Lo'onatac 'Enauacna, da ipagaqchiichiguiña ca toguishec lma'.

Esdras 6:9

Qataq 'enauaque caua na'axa'te, da saishet da huo'o ca qanapacalec na'a'q da qoỹanem camayepi ca iuen, huaca llalec, qagueta lhuaraic, huo'otaq qagueta llalec da ỹauo'o lachetaqtaxanaxat da ỹavigaxat da ỹanot Ñim Lo'onatac 'Enauacna maye neto'ot na piguem, nataqa'en ca ala na trigo, toue, lataxa, qataq ca aceite.

Esdras 7:14

Cha'aye aỹem maye aỹem nta'a, qataq naua siete chegoqtracot na nqataxacpi, 'am samaxasoq da yaqto' 'anmit da lataxac na netaña ye Jerusalén qataq ye Judá, da ỹoqta 'eesa da qaipacchiguilo naua lqataxaco Ñim 'Anatamnaxala' maye 'auauattoote'.

Nehemías 11:23

Cha'aye so nta'a mashe ỹapaxaguenec co'ollaxa somayepi da lataxac da lo'onataxanaxac se'eso no'onaxanaxanecpi ye na'a'q.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

Nehemías 2:8

nataqa'en seỹaxanot da ỹo'ot aca lỹa lere da taỹa'a so Asaf, maye ilotague' so aviaq da yaqto' aỹem ỹanem ca qo'oipaqpi da yaqto' so'ot ca lasompi se'eso lpaqtaxanaxat aso nalloxolate, maye netaña so saqaỹapeque aso atamnaxaqui, nataqa'en so lpaqtaxat so huaqta'a't nỹecpi qataq ca ima' da yaqto' sonaigui. Nache se'eso nta'a aỹem ỹanem 'enauac so seỹaxanaiquepi, cha'aye aỹem hueta'aguet da lqouagaxanaqtaic Ñim Lo'onatac 'Enauacna.