Qaq souaxat so lataxa nache so Belsasar damaxasoxoneuga da qandouo aso ỹomaxaquipi oro, qataq plata, maye so lta'a Nabucodonosor ỹachegoxota'a co'ollaxa aso atamnaxaqui maye naña ye Jerusalén, da yaqto' somaye nỹomgui asomayepi, qataq so 'amaqtaqaicpi maye icoyeguen co'ollaxa, qataq aso lhuapi, qataq asom ỹaqauga lhuapi.
Esdras 6:5 - La'aqtaqa Ñim Lo'onatac 'Enauacna 20135 Qaq ca nogoxoshetpi oro, qataq lcat plata maye ỹacona co'ollaxa so nta'a Nabucodonosor, ỹachegoxotaigui aso atamnaxaqui maye naña ye Jerusalén, da yaqto' iro'ogue da Babilonia, camayepi iuen da qaỹe'eguelaxata ye Jerusalén, nache qoỹanaigui aca atamnaxaqui maye lalamaqte Ñim Lo'onatac 'Enauacna, qataq qaỹe'eguelaxatchiguiña ca maiche lma'.›» Gade chapit laToba del Oeste5 Jogaa'me 'nonataĝanaqa'te jo'ne chiyaqayilo jaga'me oro uotaĝa jaga'me plata jo'ne mach'e loqo'te ga'me netamenaĝaiqui joñe'me Dios, ca'li ñe'me Nabucodonosor decachiyalo, yachiyoĝotedayi ga'me tamenaĝaiqui jo'ne ueta'ña di'me Jerusalén qaedi neda'alo jena'me Babilonia, 'noota qom yitaĝa qo'yiyelaĝa't yemeda naa'me naajo' 'nonataĝanaqa'te. 'Noota qom ua'ñalo naa'me mach'e 'lachaqa'te ga'me tamenaĝaiqui.» Gade chapit la |
Esdras 6:5
12 Referans Kwoze
Nataqa'en damaxasoxoolec da qaỹe'eguelaxat 'enauac se'eso nogoxoshetpi oro, qataq lcat plata, maye ỹacona co'ollaxa so nta'a Nabucodonosor, ỹachegoxotaigui aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, da iro'ogue da Babilonia nache ỹanaigui aso natamnaxaqui. Nache nqateeguesop asa'aso natamnaxaqui, som nogoxoshetpi da ỹanem so Sesbasar, maye ilotague' ye 'alhua Judá.
Qaq nataqa'en sa'aqtaxanem de'era na ntaxaỹaxanaxanecpi qataq 'enauac na nhuo' le'ecpi, sheeta': «'Eeta' da la'aqtac Ñim Nataxala': Saishet qome da qaualaqaiguet na na'aqtaxanaxanecpi maye 'eetega saqaỹaloq da qañe'eguelaxat qaỹachegoxotchiguiña ye Babilonia na nogoxoshetpi maye lalamaxat añi atamnaxaqui. Qaq de'era maye qami' ỹa'axatteguema damaye choche ashepegaxanaxac.»
Qaq nataqa'en som lataxala' so nauanaxanaxanecpi, ỹache co'ollaxa 'enauac so nhuenecpi maye chegaqaigui na oro qataq na plata: so nỹoxonaxaquipi qataq so poqo laỹe'pi, qataq aso nemaxanaqte late'eraipi, qataq so laỹe'pi na alo, qataq aso lashe ana ncoỹaraxanaxaquipi, qataq so nemaxanaxatpi, qataq aso ỹomaxaquipi maye laỹe' naxa na lataxa maye nachetaqtaxanaxat.
Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.
Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.
Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,
Nache 'enauac som nhuenecpi maye lalamaxat aso atamnaxaqui maye lalamaqte Ñim Nataxala', so lta'araicpi qataq so qapio'olecpi, qataq so no'on nogoxoshetpi maye huetaigui aso atamnaxaqui, qataq so no'on logoxoshetpi so nta'a qataq so ltauapi, qaq 'enauac somayepi ỹache som lta'a so caldeopi, ira'a ye Babilonia.
Piblisite