Esdras 6:4 - La'aqtaqa Ñim Lo'onatac 'Enauacna 2013

⁴ Qataq tres qanqoỹen caua qaỹauaxaỹana't coma' lta'al da qalapaxayiñi, qataq 'oonolec ca dalaxaicolec ca no'on qo'oipaq da qalapaxauo. Qaq 'enauac aca ivi' lasheue ca lo'oxonaxatpi, nache qaisheetenaxana qome aca nsheetenaqte ca nta'a.

Toba del Oeste

⁴ Nale tres gaa'me ladico jogaa'me qadi da'me qo'noĝojeguem, qama'le qonacot ga'me epaq jo'ne dalaĝaic. Ga'me laicaua lae't jena'me jenjo' nejaliaĝaiqui male mach'e yema yejeten qomle.

Esdras 6:4 Referans Kwoze

1 Reyes 6:36

Qataq no'oxoosheguem so lapoxot so pa'aỹauo nqasoxoc aso atamnaxaqui, tres naqa'en da no'oxoosheguem so nchiiguishecpi coma'pi, qataq mpa'aỹasheguem naqa'en da qalapaxalec somaye so nchiiguishec 'epaq cedro.

Salmos 68:29

Qaq souaxat añi 'aralamaqte atamnaxaqui maye naña ye Jerusalén, añim taỹa naxa na nta'alpi da 'am iroua'a na lachetaqtaxanaxatpi,

Apocalipsis 12:16

Qalaxaye ana 'alhua itauan asa'aso 'alo: nache huo'o so lauac anamaye, 'eeta'am da alap, nache iuoxonañi 'enauac se'eso 'etaxat maye iquetetec so shiguiỹac leguemaxaic.

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Esdras 6:8

Qaq nataqa'en qami' samaxaleguete da qautauañi ca lataxala'pi na judiopi, da qano'oxoosheguem aca atamnaxaqui. Qataq qaushichiiñi da ỹoltaq qano'oxoosheguem acamaye, qausheetenaxañiỹa aca nsheetenaqte ca nta'a maye ỹacootapeeguet da ilotague' ye 'alhua, maye pa'aỹa'ague da avit so tala Éufrates, yaqto' saishet da vi'iiguet da no'onataxanaxac.

Esdras 3:7

Ime, nache qoỹanem aso nsheetenaqte so nỹec lo'opi qataq so qo'oipaq lo'opi. Qaq so lma' ye Sidón qataq ye Tiro qalaq qoỹanem so nallec, qataq so nỹomaxat lataxa qataq so aceite, da yaqto' ndoi' so qo'oipaqpi cedro da ỹachangui aso nnotaxaquipi da quetangui aso auaxai, ỹachegoxotchiguiña ye Líbano, nache nvitta'ata naqa'en so notaqa' maye le'enaxat da Jope, cha'aye nachera da la'aqtac so Ciro, maye nta'a ye Persia.

Esdras 5:8

'Am sa'aqtaxanaxam da qomi' mashe souaqta'a ye 'alhua Judá, qataq seviraqa'a añi atamnaxaqui maye lalamaqte Ñim 'Amaqtaqaic Lo'onatac 'Enauacna, maye qano'oxootapiguisheguem, lo'oxonaxat qanqa'en na lta'araic coma', qataq qalapaxaua'alo naua laỹel na ỹataqta no'on qo'oipaq. Qataq ỹataqta qaiỹalapegue' de'era no'onataxanaxac da saqaỹaỹaloxon da qaimat.