Esdras 6:3 - La'aqtaqa Ñim Lo'onatac 'Enauacna 2013

³ «Qaq so la'auaxanec vi'i da nta'a so Ciro, nache somaye ỹan de'era lamaxasoxonaxac, 'eeta': ‹Ñaq qano'oxoosheguem aca atamnaxaqui acam lalamaqte Ñim Lo'onatac 'Enauacna, maye naña ye Jerusalén da yaqto' qaỹavigaxat aca nachetaqtaxanaqte. Qaq aca'aca atamnaxaqui ivi' qome ye veintisiete metros ye lshequitcheguema, qataq veintisiete metros ye lcategue.

Toba del Oeste

³ «Joñe'me Ciro, joga'me 'uaeñe uo'e ga'me lejaliaĝa, male damaĝajoĝolegue da'me qo'noĝojeguem joga'me tamenaĝaiqui jo'ne Dios loĝot, na'ña di'me noic jo'ne Jerusalén, qaedi ua'a nale qoya'uo najaqaje. Joga'me tamenaĝaiqui nalo'taguet da'me veintisiete metros da'me qayaje'mec nataq'aen veintisiete metros gaa'me lael.

Esdras 6:3 Referans Kwoze

2 Crónicas 36:22

Qaq so la'auaxanec vi'i da lo'onataxanaxac so Ciro maye nta'a ye Persia, qataq da yaqto' ipacchigui so la'aqtac Ñim Nataxala' maye ỹa'axat co'ollaxa so Jeremías, nache Ñim Nataxala' ỹamaxalec co'ollaxa so Ciro da 'enauac som ilotague'pi da ỹa'axatem, ỹauota'aisalo naua la'aqtaqa, qataq ỹereñi de'era lapaxañi lataxac maye, 'eeta':

Apocalipsis 21:16

Qaq se'eso nỹecpi, somaye cuatro naua laỹel. Qaq ye lalogaxa nache 'eeta'am ye lcachiguiñi. Nache se'eso namaxashec naloqten se'eso nỹecpi daloqnaxana so laloqnaxanaxat maye chegaqaigui na oro. Qaq ivi' dos mil doscientos kilómetros ye locta, qataq ye lcachiguiñi, qataq ye lalogaxa na pa'asheguem.

Salmos 122:4

'Am, nache 'am natapegueua'a na maiche nhuo' le'ecpi maye lalamaxatpi Ñim Nataxala', da yaqto' ỹo'oxoren da le'enaxat Ñimaye, cha'aye nachera da ỹamaxalec co'ollaxa so Israel.

2 Crónicas 2:6

Qaq ỹoqo'oye ¿negue'tom ca ishet da no'oxoosheguem aca atamnaxaqui da lma' Ñimaye ye nam piguem, qataq 'enauac dam la'amaqchec, sa ivi' ye lcachiguiñi Ñimaye? ¿Qaq negue'to' aỹem da ño'oxoosheguem aca atamnaxaqui da lma' Ñimaye, qalaxaye na'aictoxo' da nacherata da savigaxat ca ichenaxanaxat da sho'oxoren Ñimaye?

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Esdras 3:7

Ime, nache qoỹanem aso nsheetenaqte so nỹec lo'opi qataq so qo'oipaq lo'opi. Qaq so lma' ye Sidón qataq ye Tiro qalaq qoỹanem so nallec, qataq so nỹomaxat lataxa qataq so aceite, da yaqto' ndoi' so qo'oipaqpi cedro da ỹachangui aso nnotaxaquipi da quetangui aso auaxai, ỹachegoxotchiguiña ye Líbano, nache nvitta'ata naqa'en so notaqa' maye le'enaxat da Jope, cha'aye nachera da la'aqtac so Ciro, maye nta'a ye Persia.

2 Crónicas 2:3

Ime nache so Salomón ỹamaxa da la'aqtac so Jirán, maye nta'a ye Tiro, 'eeta': «Aỹem 'auo'otec qome dam 'auo'otec co'ollaxa so ita'a David, da 'auamaqtega co'ollaxa na qo'oipaqpi cedro da yaqto' ỹo'ot so lma' lta'araic.

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.