Esdras 6:12 - La'aqtaqa Ñim Lo'onatac 'Enauacna 2013

¹² ¡Qaq Ñim Lo'onatac 'Enauacna maye lca'aua'a co'ollaxa ye Jerusalén da lma' naqa'en da le'enaxat Ñimaye, ilaxachigui qome ca camachaqca nta'a, huo'otaq ca ỹotta'a't shiỹaxauapi da ỹauotaique naralaxat de'era ỹamaxasoxonaxac, huo'otaq da nlaxaañi aca atamnaxaqui maye lalamaqte Ñim Lo'onatac 'Enauacna! Aỹem Darío, 'era da ỹamaxasoxonaxac, qaq damaye qaỹa'axatec qome, qataq ỹataqta qaipacchiguilo da qaỹo'o't naua shena'ape.»

Toba del Oeste

¹² Nataq'aen joñe'me Dios, jo'ne na'ña q'aen da'me lenaĝat di'me dijo' noic, yataqata nolaĝachiñe gamachaqaega noic uotaĝa ga'me nejaliaĝanec jo'ne jetaque 'naĝat uotaĝa yolaĝat ga'me tamenaĝaiqui jo'ne na'ña di'me Jerusalén. »Jenjo' yamajoĝonaĝac, 'noota qom yataqata qoque'teguelo yemeda naa'me nedii's. Jayem Darío, jaliaĝanec jenjo' Persia.»

Esdras 6:12 Referans Kwoze

1 Reyes 9:3

nache 'eeta': «Aỹem, sa'aqchigui so 'anqouagaxaunaxac qataq so 'anachoxonnaxac. Qaq ana'ana atamnaxaqui maye 'ano'oxoosheguem, anamaye seỹotauga da yaqto' nache hueta'a qome da ỹe'enaxat, qataq nache 'eetai'salo naua na'axa'te da huetalec da imeenaxanaxac, qataq da iquiyaqteỹaxac.

Deuteronómio 12:5

qaq cha'aye cam nanataqa' maye lca'ateua'a qome Ñim Nataxala' da yaqto' huaña da qanauane' Ñimaye, da ỹalectaigui na maiche nhuo' le'ecpi. Qaq nacheca ca qanmichiỹaique da huaña da qatamñiỹot Ñimaye.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.

Éxodo 20:24

Qauo'oche qome aca nca'atoxonaxalate 'alhua, nache qauachiỹalec acamaye cam Aỹem qaỹa'añiỹot qarachetaqtaxanaxache qaỹavigaxatta, qataq qanhuaachigui chegaqaigui nam shiguiỹacpi maye qaralamaxache, qagueta, huaca. Nache Aỹem ñanac qome da qami' sanema ca ichoxonnataxanaxa da huaña na 'alhuapi maye huaña da qaiuennate da ỹe'enaxat.

Hechos 9:5

Nache so Saulo denataxan, 'eeta': –'Am Ỹataxala', ¿negue't 'am? Nache se'eso nvilỹaxac qataq 'enapeco': –Qomye Nachaỹem Jesús, Nachaỹem maye Aỹem 'aucaatac. ['Am 'eeta'am da maiche 'anque'emaqchettapeguela't, qoneta'am da 'eetec ca nauegaxanaxala' huaca da maiche ỹasottapeeguet aca na'araxanaqte.

Abdías 1:10

Qaq souaxat da ỹataqta sa 'auyacnapec qataq 'aualauat so 'arqaỹa Jacob, nache 'am talec qome da ncoxo, qataq ỹataqta imauec da 'am qailaxachigui.

Isaías 60:12

Qaq cam shiỹaxauapi maye saishet da 'am do'onataxanot qalaq qaỹapalaxat qome, qataq ca ỹotta'a't shiỹaxauapi imauec qome da qailaxachigui.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Salmos 5:10

'Am Ñatamnaxala', ñaq 'auauo'o ca nhuaxanaguec namayepi, qataq saipaigui 'anqa'en nam qauemsat maye lapaqteguiñi, qataq 'auamaqauec souaxat na qalota lasouaxashetpi, cha'aye namayepi 'am dataỹa'aguet.

Ester 8:14

Qaq cha'aye la'aqtac so nta'a, nache so na'axaỹaxac lo'opi jec ỹataqta sancherapec da nelec so caipi maye ỹataqta qayaqaicpi, qaq se'eso qalapaxañi lataxac nataqa'en qaỹa'axatem som hueta'a so huaqta'a't nỹecpi ye Susa.

2 Crónicas 7:16

cha'aye nagui aỹem lleca'ateua'a qataq seỹotauga ana'ana atamnaxaqui da yaqto' chochaq tatec da hueta'a da ỹe'enaxat, nache da imeenaxanaxac qataq da iquiyaqteỹaxac nache 'eetai' qome da hueta'a anamaye.

Deuteronómio 16:2

Qaq que'eca Lapascua, nache huetoigui qome da qaỹa'añiiuo aca huaca, qataq qagueta da qarachetaqtaxanaqche da qaỹa'añiỹot Ñim Nataxala' maye Qanatamnaxala'ai, huaña qanqa'eñi ca lca'ateua'a da lanataqa' Ñimaye.

Esdras 6:13

Huaña nache so Tatenay, maye ilotague' so 'alhua maye pa'aỹa'ague da avit so tala Éufrates, qataq so Setar, Bosnay qataq so ltauapi somaye, ỹataqta ipacchiguilo naua lamaxasoxonaxaco so nta'a Darío.

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

Esdras 7:15

Qataq 'auache ana qarachetaqtaxanaqte oro qataq na lcat plata, maye aỹem qataq na itauapi sanaxam Ñim Natamnaxala' ca Israel le'ecpi maye netaña ye Jerusalén.

Esdras 7:26

Qaq da huo'o ca sa ỹalaxaguet na lqataxacpi Ñim Lo'onatac 'Enauacna, qataq na ỹamaxasoxonaxacpi nache saqaỹaỹaloxon da qanmit, qataq qaỹauo'o ca nhuaxanaguec, qaỹo'orauec, huo'otaq da ỹauo'o qanqa'en aca lsheetenaxanaqte, qaicoñe', huo'otaq qaỹalauat camaye.»

Esdras 7:17

Qaq ana'ana anom plata, nache lasheue 'anqa'en da 'ausheenaxanaique ca huaca llalec, qagueta lhuaraic, qagueta llalec, qataq huaqta'aguet 'anqa'en aca nachetaqtaxanaqte maye ala na trigo, qataq ca lataxa da qaỹachalec aca nca'atoxonaxalate maye lalamaqte Ñim Nataxala' maye huaña aca atamnaxaqui maye lalamaqte Ñim Qanatamnaxala'ai maye naña ye Jerusalén.