Esdras 6:10 - La'aqtaqa Ñim Lo'onatac 'Enauacna 2013

¹⁰ Cha'aye sauotaique da camayepi qom ỹavigaxat ca lachetaqtaxanaxat nache ỹataqta ỹaỹamaxareeta Ñim Lo'onatac 'Enauacna maye neto'ot na piguem, qataq da nqouagaxaueelec da ñachaalataxac qataq na ỹalaqpi.

Toba del Oeste

¹⁰ Jepaquetapega gaa'me najaqae's jo'ne uo'oe yataqata yiyamaĝade'n joñe'me Dios jo'ne na'ague di'me piyem, nataq'aen qaedi jayem qodajelaĝalegue, da'me jayem nataq'aen naa'me yalaqa.

Esdras 6:10 Referans Kwoze

Jeremías 29:7

Qataq qauo'onataxañi da yaqto' qautauañi nam huaqta'a't nỹecpi maye qami' sauegalo co'ollaxa, qataq Aỹem qauỹaxañiỹot da qauỹaxañiilec namaye, cha'aye da l-lagaxayec namaye nache chegoqchigui da qal-lagaxayequi.

Esdras 7:23

Qaq 'enauac na damaxasoxoolec Ñim Lo'onatac 'Enauacna da qoỹaneua'a aca atamnaxaqui, nache sa qaỹaỹaloxon qome da qoỹaneuo, yaqto' saishet da huo'o ca talec nhuaxanaguec na ỹalaqpi qataq 'enauac ne'ena selotague'pi.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Levítico 1:13

Ime, nache que'eca ỹaneuo ca lachetaqtaxanaxat, camaye nacheca ca iỹo ca lauel le'ecpi, qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec nache ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Esdras 6:9

Qataq 'enauaque caua na'axa'te, da saishet da huo'o ca qanapacalec na'a'q da qoỹanem camayepi ca iuen, huaca llalec, qagueta lhuaraic, huo'otaq qagueta llalec da ỹauo'o lachetaqtaxanaxat da ỹavigaxat da ỹanot Ñim Lo'onatac 'Enauacna maye neto'ot na piguem, nataqa'en ca ala na trigo, toue, lataxa, qataq ca aceite.

Daniel 2:46

Qaq huaña nache so nta'a Nabucodonosor, ỹa'aroto naua l-llectel so Daniel, qataq nqollemñi nache iviraxata'aguet na latap na 'alhua, ime nache damaxasoxoolec da qoỹaneuo aca nachetaqtaxanaqte qataq ca nchenaxanaxat maye ama na laita.

Éxodo 12:32

Qauache nataqa'en ana qareloi qaguetapi qataq ana huacapi maye qauquiquiitegueua'a. Nache qoqui da yaqto' qanqouagaxauñiỹot Ñim Lo'onatac 'Enauacna da aỹem qanqouagaxauñiilec».

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.