Esdras 5:5 - La'aqtaqa Ñim Lo'onatac 'Enauacna 2013

⁵ Qalaxaye Ñim Lo'onatac 'Enauacna ỹataqta npaxattalec so nataxala'pi judiopi, nache se'eso nta'a saishet da nqanaxat da lo'onataxanaxac somayepi, choche ivitta'a da qaỹamaxa so na'aqtac so nta'a Darío, qataq da qaỹaỹateeta ca lereguishec la'aqtac somaye.

Toba del Oeste

⁵ Qalaĝaja joda'me Dios ue'tajopa jogaa'me lajoĝola'te naa'me naajo' judiopi, qama'le qoyaje'tema da'me e'n 'noĝodijeguem jogaa'me, chayovida'a qom ga'me ua'a da'me qoya'uo nediije jo'ne qoyamaĝa joñe'me jaliaĝanec Darío da'me qot'aqataĝanem, nataq'aen da'me yovita joga'me 'lataĝac joñe'me.

Esdras 5:5 Referans Kwoze

Salmos 33:18

Qaq Ñim Nataxala' qalaq ntela'a nam huo'o naq 'enec naqa'en Ñimaye, qataq na pi'iỹa'a da lsoxoyec,

Esdras 7:28

Qaq souaxat da lauotaxanaqtaic Ñim Lo'onatac 'Enauacna maye qaica ca loga't, Ñimaye ỹo'otec qome ñi nta'a qataq na chegoqtacot na nqataxacpi qataq 'enauac na ltauapi maye ỹataqta 'amaqtaqaicpi da huo'o naqa'en da lqouagaxanaqtaic da sheeta. Qataq Ñim Lo'onatac 'Enauacna ỹataqta aỹem hueta'aguet, ỹoqo'oye huo'o da ỹa'añaxac da sataxana't 'enauac na lataxala'pi na Israel le'ecpi, da yaqto' nasauaxat da aỹem nca'ategue da ñe'eguelaxasaxa na Jerusalén.»

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

1 Pedro 3:12

Cha'aye Ñim Nataxala' ỹataqta ntela'a nam ỹo'ot ca ỹaỹamaqchiguiñi, qataq hua'axaỹa da nqouagaxaunaxac, qalaxaye Ñimaye ỹataqta npa'aguene' na ỹo'ottac na qauem.»

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

Salmos 32:8

Qaq Ñim Nataxala', 'eeta': «Aỹem 'am sanem qome na ỹapaxaguenataxanaxacpi, qataq na iqataxacpi qataq 'am sachaxana so nqa'aic maye ishet da qoquetegue. Qataq nache 'am salletagui qome.

Esdras 8:22

Cha'aye ỹataqta huo'o caillaye da icoxo da seỹaxanot ñi nta'a da ỹauo'o ca qomi' namaxaguelo nalleppi, maye huota'a lalopi caipi da qomi' nauanaleguete na qanqa'aic souaxat na qampa'aguenaxauapi. Cha'aye mashe sa'aqtaxanaxam ñi nta'a da lhuaqỹaxac Ñim Qatamnaxala' da npaxattalec ca pi'iỹa'a Ñimaye, qalaxaye da huo'otaq huo'o ca ỹaxanec Ñimaye, nache maiche nque'etaxangui ca nhuaxanaguec.

Filipenses 1:28

Qataq saishet qome da qami' icolanaqche't nam qami' ipa'agueeta'ape. Cha'aye da saishet da leetapigui ye qarvilli, nache qauauañiichigui qome namayepi da qailaxachigui, qaq qami' qalaq qami' qanca'alaxatre'c, cha'aye Ñim Lo'onatac 'Enauacna qami' ỹanema da qauauegaxañi.

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»