Esdras 5:3 - La'aqtaqa Ñim Lo'onatac 'Enauacna 2013

³ Qalaxaye so Tatenay, maye ilotague' so netaña ye pa'aỹa'ague da avit so tala Éufrates, qataq so Setar Bosnay, qataq so ltauapi, nqo'ona co'ollaxa somayepi nache inat, 'eeta': «¿Negue't ca qami' ỹamaxaleguete da qaltaq qavi'iguelaqailec da qano'oxoñiisheguem ana atamnaxaqui, qataq na lpaqtaxat?»

Toba del Oeste

³ Qalaĝaja yovideta ca'li di'me Jerusalén ñe'me Tatenai, jo'ne yelolegue joga'me aleua lae jo'ne ua'ague ga'me chauo'o di'me ñache Éufrates, nataq'aen ñe'me Setar-boznai choqogaa'me lecochaĝa'u laqaya', qama'le paja'a yena't jogaa'me judiopi: «¿Jach'e joga'me ami yamaĝalo'te qaedi a'noĝoñijeguem jena'me jenjo' tamenaĝaiqui, nataq'aen qaedi gaa'me qadi qoye'n couelo naa'me e'epa?

Esdras 5:3 Referans Kwoze

Esdras 6:6

Qaq huaña nache so nta'a Darío, ỹanem da la'aqtac so Tatenay maye ilotague' so 'alhua maye pa'aỹa'ague da avit so tala Éufrates, qataq so Setar Bosnay, qataq so ltauapi maye ilotague' se'eso 'alhua nache, 'eeta': «Qoquiỹa'ai qome na Jerusalén,

Esdras 6:13

Huaña nache so Tatenay, maye ilotague' so 'alhua maye pa'aỹa'ague da avit so tala Éufrates, qataq so Setar, Bosnay qataq so ltauapi somaye, ỹataqta ipacchiguilo naua lamaxasoxonaxaco so nta'a Darío.

Esdras 5:9

Nache senataqtac ye nataxala'pi judiopi, da chaq negue't ca ỹamaxalec da qaỹe'eguelaxalec da qano'oxoosheguem añi atamnaxaqui, qataq da qalapaxaua'a na no'on qo'oipaq.

Esdras 1:3

Ỹoqo'oye da qoñeeta da huo'o ca camachaqca da chegoqchiguiña ye 'alhua Judá da jec, da taỹa ye Jerusalén da no'oxoosheguem aca atamnaxaqui maye lalamaqte Ñim Nataxala' maye Natamnaxala' ye Israel le'ecpi maye netaña ye Jerusalén, nache Ñim Lo'onatac 'Enauac hueta'aguet qome.

Hechos 4:7

Nache qaỹamaxasoxonalo da qanaueguereuo so Pedro qataq so Juan. Nache qanachaalataxanguilo na laiñi, nache qainatta'ape, qoỹeeta': –¿Negue't cam la'añaxac, qataq cam le'enaxat cam qauo'onataxañiitega da qauo'oche de'era?

Mateo 21:23

Nache So Jesús huenoxoneua'a aso no'onaxanaxaqui late'erai. Qaq co'ollaq ña dapaxaguenataxaatac, nache nqo'oneua'a Somaye som lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som nqueroxonecpi maye lataxala'pi so judiopi. Nache inattac Somaye, 'eeta': –¿Negue't cam 'am ỹanem da 'ara'añaxac da huo'omshe 'auo'ot 'enauac de'era?

Esdras 7:21

Qaq aỹem nta'a Artajerjes, samaxalec 'enauac na netaña ye 'alhua maye pa'aỹa'ague da avit so tala Éufrates maye ilotague' aca anom, da saỹaỹaloxon da ỹami' da huo'o aca iỹaxanaique, nam ntaxaỹaxanaxanec qataq napaxaguenataxanaq Esdras, maye ỹaỹate'n naua lleco naua lqataxaco Ñim Lo'onatac 'Enauacna maye ilotague' na piguem.

Esdras 5:6

Huaña nache so Tatenay maye ilotague' som netaña ye pa'aỹa'ague da avit so tala Éufrates, qataq so Setar Bosnay qataq so ltauapi somaye, maye ilotague' se'eso 'alhua maye qanayeetaña, qaỹamaxa aso nere so nta'a Darío,

Esdras 4:12

Qomi' sauoqtaique da 'am sa'aqtaxanaxam, da yi'iye judiopi maye chegaqa'a ye Babilonia yemayepi mashe nvita ye Jerusalén, qataq mashe no'oxootapiguisheguem ye huaqta'a't nỹecpi da yaqto' naigui nam qaica ca ỹalaxaguet, qataq qauemaicpi. Qataq mashe lapaqtegueñi na lo'oxonaxala'pi da lpaqtaxat da qanauaxaỹaxasheguem yemaye.

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Esdras 4:9

Qaq asa'aso lere so lataxala' so huataxanaq lta'alpi, Rejún qataq so neraxanaxanec Simey, nataqa'en huaxaiguet so nataxala'pi qataq so nmit qataq ỹaỹamaxaañi ca nasouaxashet, qataq so chegoqtacot na nqataxacpi ye Persia, Érec, Babilonia qataq ye Susa maye da lỹa le'enaxat Elam.