Esdras 5:2 - La'aqtaqa Ñim Lo'onatac 'Enauacna 2013

² Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.

Toba del Oeste

² Qama'le ñe'me Zorobabel, c'oĝot di'me Salatiel, nataq'aen ñe'me Josué, c'oĝot di'me Josadac, male yitaĝa ye't da'me 'noĝodijeguem joga'me tamenaĝaiqui jo'ne Dios loĝot, qama'le naa'me Dios 'laqatanaĝanaĝanaqa lecochiyalo ca'li.

Esdras 5:2 Referans Kwoze

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

2 Corintios 1:24

Qomi' saishet da sauoqtaique da qami' sa'aqtaxanaxama cam iuen da qaua'amaqchiñi, cha'aye qami' mashe qauaỹaañita da lataxac. Nachaqrata da qomi' sauoqtaique da qami' setauana'q da yaqto' ỹataqta qauamaichiguiñi.

Zacarías 6:11

Qaq cam lcat plata, qataq cam lcat oro, maye 'alapoñiguishec, nache 'auo'onataxana qome da 'auo'ot aca aro'o, qaq qom ime, nache 'aỹa'anaxanaxangui ñim Josué maye lataxala' nam ntaxaỹaxanaxanecpi, ñim llalec so Josadac.

Esdras 10:18

Qaq 'ana ana lmalate so llalaqpi so ntaxaỹaxanaxanecpi maye huaroneguet co'ollaxa so 'alpi maye chegaqauec: So chegoxoguetpi so Josué, som llalec so Josadac, qataq soua lauo' lashe': Maseías, Eliezer, Jarib qataq so Gedalías,

Hageo 2:18

Qaq ne'ena na'a'q, veinticuatro na ca'agoxoic nueve, nache qalapaxañi na lo'oxonaxala' añim atamnaxaqui.

Esdras 1:8

Ime, nache so Ciro ỹanem so Mitríades, maye ilotague' aso alom so nta'a. Qaq somaye co'ollaq imat da naloqteetega't, nache ỹanem so Sesbasar, som lataxala' so lma' ye Judá.

Esdras 3:8

Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Zacarías 4:4

Nache senat so namaxashec piguem le'ec maye aỹem na'aqtaxaatague': «'Am Ỹataxala', ¿negue't ca naigui de'era?»

Zacarías 4:14

Nache somaye aỹem ỹasateguet, 'eeta': «De'eraua dos, nacheraua daua nca'agui'she, da yaqto' huapegueto da lo'onataxanaxac Ñim Nataxala' maye lalamaqte 'enauac ana 'alhua.»

Zacarías 8:9

Qaq 'era da la'aqtac, Ñim Nataxala' maye Qaica ca Ỹaqalanapec: «Qana'añaxache qome, qami' maye qaua'aqaichigui se'esoua na'axa'te, da la'aqtaxanaxac so na'aqtaxanaxanecpi, chegoqchiguiña so na'a'q co'ollaq qalapaxañi so lo'oxonaxala', da yaqto' qaltaq qano'oxoosheguem añi atamnaxaqui, maye lalamaqte Ñim Nataxala' maye Qaica ca Ỹaqalanapec.