Esdras 5:16 - La'aqtaqa Ñim Lo'onatac 'Enauacna 2013

¹⁶ Qaq co'ollaq mashe nvita na Jerusalén so Sesbasar, nache somaye lapaxañi so lo'oxonaxala' ana atamnaxaqui maye lalamaqte Ñim Lo'onatac 'Enauacna. Qaq nache chegoqchiguiña da qano'oxootapiguisheguem anamaye, qalaxaye ñaq saxanaxa da ime.

Toba del Oeste

¹⁶ Chane'eja male novi' joñe'me Sesbasar, nec'ata jena'me Jerusalén, qama'le ye'et jaga'me p'añe jena'me tamenaĝaiqui. Qama'le nach'ena chiyoqotelegue da'me qo'noĝotapijeguem, qalaĝaja maliaĝa ja yem.”

Esdras 5:16 Referans Kwoze

Esdras 6:15

Qaq nache huetoigui so na'a'q tres so ca'agoxoic maye le'enaxat Adar, da qaimat da qano'oxootapiguisheguem aso atamnaxaqui, qataq huetoigui so vi'i seis da nta'a so Darío.

Esdras 3:10

Qaq so nỹec lo'opi so mashe ỹo'ot so lo'oxonaxala' aso atamnaxaqui maye lalamaqte Ñim Nataxala', somayepi nachaateua'a so ntaxaỹaxanaxanecpi, ỹaatrañi soua alogo lo'onataxanaxaqui', qataq ỹauota'a aso lasheerepi. Qaq so leviitapi maye chegoxoguetpi so Asaf, somayepi ỹauota'a aso lasaquiaxanata da qaỹo'oxoren Ñim Nataxala', nache qaipacchigui da lamaxasoxonaxac so nta'a David.

Esdras 3:8

Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Zacarías 4:10

«Cha'aye nam qaica ca ỹanapoigui som saq 'amaqtaq maye chegoqchiguiña de'era no'onataxanaxac, namayepi ntonapigui' qom ila'a so Zorobabel da imatta de'era no'onataxanaxac.» Qaq ime, nache so namaxashec piguem le'ec qaltaq, 'eeta': «Ñe'eñeua siete ncoỹaraxanaxaqui', nache la'aitel Ñim Nataxala', maye imeteetrac 'enauac ana 'alhua.»

Hageo 2:18

Qaq ne'ena na'a'q, veinticuatro na ca'agoxoic nueve, nache qalapaxañi na lo'oxonaxala' añim atamnaxaqui.

Esdras 5:2

Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.

Juan 2:20

Nache som lataxala'pi na judiopi 'enapeco': –Ivi', naua cuarenta y seis vi'iye da qano'oxootapiguisheguem ana'ana no'onaxanaxaqui, nache qaimat. ¿Qalaq 'am qonapec ye tres na'axa'te, nache 'aumat da 'ano'oxoosheguem?

Esdras 5:14

Nataqa'en damaxasoxoolec da qaỹe'eguelaxat 'enauac se'eso nogoxoshetpi oro, qataq lcat plata, maye ỹacona co'ollaxa so nta'a Nabucodonosor, ỹachegoxotaigui aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, da iro'ogue da Babilonia nache ỹanaigui aso natamnaxaqui. Nache nqateeguesop asa'aso natamnaxaqui, som nogoxoshetpi da ỹanem so Sesbasar, maye ilotague' ye 'alhua Judá.

Esdras 5:15

Nache so Ciro ỹamaxalec so Sesbasar da ỹacona 'enauac se'eso nogoxoshetpi da ỹe'eguelaxata añi atamnaxaqui maye naña ye Jerusalén, qataq da qano'oxoosheguem nache qaỹe'eguelaxatchiguiña som togoshec lma' aso atamnaxaqui maye lalamaqte Ñim Lo'onatac 'Enauacna.

Zacarías 4:9

«Ñi Zorobabel lapaxañi qome ca lo'oxonaxala' aca atamnaxaqui, qataq nacheñi ñimaye da iviraxata'a qome da imeta naqa'en.» Qaq 'era qome da 'eetec, da yaqto' qami' qauaỹacheñeeta da nacheñi Ñim Nataxala' maye Qaica ca Ỹaqalanapec ñim aỹem namaq.