Esdras 5:11 - La'aqtaqa Ñim Lo'onatac 'Enauacna 2013

¹¹ Nache qomi' ỹasategueta, 'eeta': ‹Qomi' lamaxa'she Ñim Lo'onatac 'Enauacna maye ilotague' na piguem qataq ana 'alhua, qaltaq ño'oxonaqtapiguisheguem ana atamnaxaqui maye mashe qaỹoqtegue so vi'i da no'oxoosheguem co'ollaxa so ỹataqta 'amaqtaqaic lta'a so Israel le'ecpi.

Toba del Oeste

¹¹ Qama'le jogaa'me male qo'mi 'yategueta: “Da'me qo'mi jep'iyaq'a joñe'me Dios jo'ne 'netoqo't jodi'me piyem choqona'me aleua, qama'le nayi 'ñoĝonaĝajeguem jenjo' tamenaĝaiqui jo'ne joote 'nonatac ca'li jalcote jaa'me 'uoidi, ca'li cha'li 'uo jodi'me jaliaĝanec let'adaic jena'me jenjo' Israel.

Esdras 5:11 Referans Kwoze

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

Romanos 6:16

Qami' qauaỹachiñiita da ca nache 'eetai' da ỹalaqtapeeguet ca lỹa shiỹaxaua, nache ivira'a da l-latac camaye. Qaq nache 'eeteque qomi' seshetaq da salaxasoxoguet da ñe'etaxaloxo, nache seviraqa'a da seleuaq. Qaq da huo'otaq salaxasoxoguet Ñim Lo'onatac 'Enauacna, nache qomi' ỹaỹamaxareete' qataq saconaxaguet da lchoxonnataxanaxa.

Romanos 1:16

Cha'aye aỹem saishet da she'etac qataq saishet da ñecoqtac da sa'axattac da no'on na'axaỹaxac, cha'aye damaye la'añaxac Ñim Lo'onatac 'Enauacna maye ishet da nca'alaxatec 'enauac nam ỹa'amaqten So Jesús, na'aictaxa da judiopi huo'otaq saishet.

Hechos 27:23

Shecpe aỹem nachaxana so chegaqasheguem lamaxashec Ñim Lo'onatac 'Enauacna maye sooto'ot qataq so'onataxaatacot.

Lucas 12:8

Da qami' qaua'aqtaxañim na laỹepi shiỹaxauapi da Aỹem qoquiitague', nache Aỹem Shiỹaxaua Llalec, sa'aqtaxanem na lamaxashecpi Ñim Lo'onatac 'Enauacna da 'eesa da Aỹem qoquiitague'.

Mateo 10:32

Qaq qami', da qaua'aqtaxañim na laỹepi shiỹaxauapi da Aỹem qoquiitague', nache Aỹem nataqa'en sa'aqtaxanem Ñim Ita'a da 'eesa da Aỹem qoquiitague'.

Jonás 1:9

Nache so Jonás, 'enapeco': «Aỹem hebreo le'ec, qaq huo'o naq 'enec ñaqa'en Ñim Nataxala', maye lo'onatac na piguem, auaxai qataq ana 'alhua.»

Daniel 3:26

Qaq co'ollaq ime da nasaxauec de'era so Nabucodonosor, nache nquigueua'a so lasom aso nqatelaxanaxaqui, nache na'axannec da lỹaxanaxac, 'eeta': ¡Sadrac, Mesac, Abednego, maye qami' lamaxa'she Ñim Lo'onatac 'Enauacna maye Nataỹaña 'Enauacna, ña qampa'aiuec qome nache qananaiuecna'a! Nache se'esoua tres, nnoxoorec chegoqtroigui so le'eraxa so norec,

Salmos 119:46

Qataq sa'axatem qome naua 'aramaxasoxonaxaco na nta'alpi, qaq saishet qome da ña'aloxootac,

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

1 Reyes 6:38

Qaq co'ollaq mashe ivi' once vi'iye da nta'a so Salomón, nache ime 'enauac som iuen da qalapaqtañi lataxac asa'aso atamnaxaqui, huetoigui so ca'agoxoic Bul som ca'agoxoic ocho se'eso vi'i, qaq ivi' soua siete vi'iye da so Salomón ỹo'ottac asa'aso atamnaxaqui nache ime.

Esdras 5:10

Qataq ca 'eetec ca le'enaxat cam qaỹatatalecpi de'era no'onataxanaxac, da yaqto' 'am sa'aqtaxanaxam.

Salmos 136:26

Qaỹa'añiỹot qome da qana'achecỹaxaqui Ñim Lo'onatac 'Enauacna maye neto'ot na piguem, cha'aye da lauotaxanaqtaic chochaq tatec.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

1 Reyes 9:10

Qaq ivi' soua veinte vi'iye co'ollaxa, da so Salomón no'oxootapiguisheguem aso atamnaxaqui maye lalamaqte Ñim Nataxala', qataq so lma' lta'araic maye lo'onataxanaqa' somaye,