Esdras 4:9 - La'aqtaqa Ñim Lo'onatac 'Enauacna 2013

⁹ Qaq asa'aso lere so lataxala' so huataxanaq lta'alpi, Rejún qataq so neraxanaxanec Simey, nataqa'en huaxaiguet so nataxala'pi qataq so nmit qataq ỹaỹamaxaañi ca nasouaxashet, qataq so chegoqtacot na nqataxacpi ye Persia, Érec, Babilonia qataq ye Susa maye da lỹa le'enaxat Elam.

Toba del Oeste

⁹ Nach'egaua gaa'me dedaĝa'n ca'li: ñe'me Rehúm, coico le'ec lejaliaĝanec, ñe'me Simsai jo'ne nedaĝanaĝanec, nataq'aen gaa'me lecochaĝa'u, gaa'me yatenaĝanaĝayaqa, necochaĝa'u laqaya' di'me Persia, Érec, Babilonia, nataq'aen Susa, di'me aleua jo'ne Elam,

Esdras 4:9 Referans Kwoze

Esdras 6:6

Qaq huaña nache so nta'a Darío, ỹanem da la'aqtac so Tatenay maye ilotague' so 'alhua maye pa'aỹa'ague da avit so tala Éufrates, qataq so Setar Bosnay, qataq so ltauapi maye ilotague' se'eso 'alhua nache, 'eeta': «Qoquiỹa'ai qome na Jerusalén,

Esdras 5:6

Huaña nache so Tatenay maye ilotague' som netaña ye pa'aỹa'ague da avit so tala Éufrates, qataq so Setar Bosnay qataq so ltauapi somaye, maye ilotague' se'eso 'alhua maye qanayeetaña, qaỹamaxa aso nere so nta'a Darío,

2 Reyes 17:24

Nache so nta'a ye Asiria, ỹauec co'ollaxa so shiỹaxauapi maye lma' ye Babilonia, Cutá, Avá, Jamat, qataq ye Sefarvayin, nache ỹanaigui somayepi ye huaqta'a't nỹecpi ye Samaria, nache nmeneguet naqa'en somayepi so Israel le'ecpi. Qaq 'era da 'eetec da ỹacona co'ollaxa ye Samaria, qataq nache naigui som huaqta'a't nỹecpi.

Hechos 2:9

Ye qomi' huo'o nam chegaqa'a ye 'alhua Partia, qataq ye Media, qataq ye Elam, qataq ye Mesopotamia, qataq ye Judea, qataq ye Capadocia, qataq ye Ponto, qataq ye 'alhua Asia,

Daniel 8:2

Qaq so sootaigui so ỹauanaqchec, nache 'eeta'am ñaqa'en da soota'a ye huaqta'a't nỹecpi ye Susa, maye huaigui ye 'alhua Elam, maye hueto'ot na loigue aso tala Ulay.

Ezequiel 32:24

Qaq 'iye ye Elam, qataq 'enauac ye nalleppi coleesop añi nhuachiqui yemayepi. Qaq 'enauac yemayepi da ileuaigui co'ollaxa so alaataxac, yem ỹaqa'a da la'amqaanataxanaxac huañi nache taigui ana 'alhua. Yemayepi ỹo'ot co'ollaxa da lcolanaxa na ñaq nca'altauecpi, qalaxaye nagui qaica ca la'amaqchec ỹalectaigui nam mashe huetangui ana huachiquipi.

Jeremías 49:34

Co'ollaq cheta'ague da do'onataxan so Sedequías da nta'a ye Judá, nache Ñim Nataxala' ỹanem so la'aqtac so Jeremías da ỹa'axata'a da talec qome ye Elam, 'eeta':

Jeremías 25:25

qataq 'enauac na nta'alpi ye 'alhua Zimri, Elam qataq ye Media,

Isaías 21:2

Qaq aỹem Isaías, ỹataqta huo'o da lchec som ỹauanaqchec maye aỹem ỹachaxana Ñim Lo'onatac 'Enauacna, som que'elaqtaxanaxaic deque'elaqtaxan qataq som laqtaxanaxaic delaqtaxan. ¡Ña 'anachaañi 'am Elam! ¡Qataq 'auloqui 'am Medos! Aỹem, nache tachiguiña ñaqa'en da nachoxoc na shiỹaxauapi.

Ester 2:3

Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,

Ester 1:2

qaq som huaqta'a't nỹecpi ye Susa qalaq nacheso so naña naqa'en so lo'onataxanaqa'.

Génesis 10:22

Qaq soua llalqa so Sem: Elam, Asur, Arfaxad, Lud, qataq so Aram.

Esdras 4:8

Qaq nataqa'en so lataxala' so huataxanaq lta'alpi le'enaxat Rejún, qataq so neraxanaxanec Simey, ỹamaxara aso lere so nta'a Artajerjes, nache ỹachetralec asomaye nam 'eetega lasouaxashetpi so netaña ye Jerusalén.

Nehemías 4:2

Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Esdras 5:3

Qalaxaye so Tatenay, maye ilotague' so netaña ye pa'aỹa'ague da avit so tala Éufrates, qataq so Setar Bosnay, qataq so ltauapi, nqo'ona co'ollaxa somayepi nache inat, 'eeta': «¿Negue't ca qami' ỹamaxaleguete da qaltaq qavi'iguelaqailec da qano'oxoñiisheguem ana atamnaxaqui, qataq na lpaqtaxat?»