Esdras 4:7 - La'aqtaqa Ñim Lo'onatac 'Enauacna 2013

⁷ Nataqa'en co'ollaq huaigui da lo'onataxanaxac so Artajerjes, maye nta'a ye Persia, nache so Bislán, Mitrídates, Tabel qataq so laỹepi ltauapi, ỹamaxa aso lere so nta'a Artajerjes, qaq asa'aso nere nanettaleguete naua na'aqtaqa arameo, ime, nache taiguilo qanqoỹen naua la'aqtaqa so lma' ye Persia da qaỹa'axategue 'enauac na huetalec asomaye.

Toba del Oeste

⁷ Gaa'me noloqo'ote ca'li di'me Artajerjes jaliaĝanec di'me Persia, qama'le Bislam, Mitrídates, Tabeel nataq'aen jogaa'me lecochaĝa'u yauote lediije', yamaĝata ga'me Artajerjes. Jaga'me nediije uedaye naa'me nedii's jo'ne Aram le'ec 'laqatac, nach'e ena'am uedaye gaa'me nedii's joga'me 'naqatac laqaya.

Esdras 4:7 Referans Kwoze

2 Reyes 18:26

Nache so Eliaquín, Sebna, qataq so Yoaj ỹasategueta co'ollaxa so 'amaqtaqai nataxala' maye Asiria le'ec, 'eeta': Ña qomi' 'anqouagueeque da 'auauota'a na arameo la'aqtac da qomi' 'autaxaỹapegueto, cha'aye saỹatenaqtegueta naamaye. Qaq saishet da 'auauota'a na hebreo la'aqtac da 'autaqa, cha'aye 'enauac ne'ena shiỹaxauapi maye netasheguema na npaqtaxanaxat hua'aqtac.

Daniel 2:4

Nache so ỹaanaxanaxaicpi ỹauota'aisalo naua la'aqtaqa na arameo da 'enapega so nta'a, 'eeta': ¡Nache 'eetai' qome da 'anca'altauec 'am nta'a! 'Am nta'a ñaq 'aua'aqtaxanem ne'ena 'aramaxashecpi cam 'archoxonaxac, nache qomi' 'am sa'aqtaxanaxam qome ca naigui.

Isaías 36:11

Nache so Eliaquín, Sebna qataq so Joah, ỹasatreguet so 'amaqtaqaic lataxala' na alleppi Asiria le'ecpi, 'eetra': –Ña qomi' 'anqouagueque da 'auota'aisalo naua na'aqtaqa arameo da qomi' 'autaxaỹoto, cha'aye qomi' saỹatena'q naamaye. Qaq saishet da 'auota'aisalo naua hebreo la'aqtaqa, cha'aye 'enauac nam shiỹaxauapi maye netalec na npaqtaxanaxat na'axaỹaxaatac.

Esdras 4:17

Huaña nache so nta'a Artajerjes, ỹamaq so la'aqtac 'eeta': «'Am Rejún, maye 'am lataxala' na huataxanaq lta'alpi, qataq 'am neraxanaxanec Simey, qataq 'enauac na qartauaipi maye netaña ye Samaria qataq ye laỹepi huaqta'a't nỹecpi maye pa'aỹa'ague da avit ye tala Éufrates: Qami' taỹa'alo da iquinaxanaxac.

Esdras 4:9

Qaq asa'aso lere so lataxala' so huataxanaq lta'alpi, Rejún qataq so neraxanaxanec Simey, nataqa'en huaxaiguet so nataxala'pi qataq so nmit qataq ỹaỹamaxaañi ca nasouaxashet, qataq so chegoqtacot na nqataxacpi ye Persia, Érec, Babilonia qataq ye Susa maye da lỹa le'enaxat Elam.

Esdras 5:6

Huaña nache so Tatenay maye ilotague' som netaña ye pa'aỹa'ague da avit so tala Éufrates, qataq so Setar Bosnay qataq so ltauapi somaye, maye ilotague' se'eso 'alhua maye qanayeetaña, qaỹamaxa aso nere so nta'a Darío,

Esdras 4:1

Qaq so npa'aguenaxauapi so nhuo' le'ecpi maye chegoxoguetpi so Judá qataq so Benjamín, co'ollaq la'axaỹaxac da se'eso noxonecpi co'ollaxa, mashe ñe'eguelaxa ye Jerusalén, chegoqchiguiña ye Babilonia da qaltaq ỹe'eguelaxalec da no'oxoosheguem, aso atamnaxaqui maye lalamaqte Ñim Nataxala' maye Natamnaxala' so Israel le'ecpi,

Esdras 4:8

Qaq nataqa'en so lataxala' so huataxanaq lta'alpi le'enaxat Rejún, qataq so neraxanaxanec Simey, ỹamaxara aso lere so nta'a Artajerjes, nache ỹachetralec asomaye nam 'eetega lasouaxashetpi so netaña ye Jerusalén.

Esdras 8:36

Ime, nache qoỹanem so la'aqtac so nta'a, so nta'alpi qataq 'enauac so nataxala'pi maye ilotague' ye 'alhua maye pa'aỹa'ague da avit so tala Éufrates, nache somayepi 'enauac da itauan se'eso nhuo' le'ecpi, qataq da qaỹo'ot aso atamnaxaqui maye lalamaqte Ñim Lo'onatac 'Enauacna.

Esdras 7:1

Qaq huetoigui da lo'onataxanaxac so Artajerjes, maye nta'a ye Persia, nache nvita ye Jerusalén so shiỹaxaua le'enaxat Esdras, qaq somaye nache llalec so Serarías, maye nataqa'en chegoxoguet so ntaxaỹaxanaxanec Aarón, Azarías, qataq so Hilcías,

Nehemías 2:1

Qaq huo'o so na'a'q, huetoigui so ca'agoxoic Nisán, so mashe ivi' naua veinte vi'iye da lo'onataxanaxac so nta'a Artajerjes, nache cai sanem se'eso nta'a aso nỹomaxaqui huetagui so lataxa, nache somaye aỹem ỹauatton da ỹataqta saquico, saq 'ena'ama soua lỹa't na'axa'te,

Daniel 11:2

Qaq nagui 'am sa'aqtaxanem dam ỹataqta 'eesa lataxac. Ye Persia huo'oi qome caua tres nta'al, qaq qom ime nache huo'o qome ca lỹa nta'a, qaq camaye sallaxanec qome napacaleguete caua lỹa't tres nta'al, qaq qom huo'o da la'añaxac souaxat da lsallaxa, nache naỹamaxat qome da dataỹa'aguet da lo'onataxanaxac na lta'alpi ye Grecia.