Esdras 4:6 - La'aqtaqa Ñim Lo'onatac 'Enauacna 2013

⁶ Qaq co'ollaq ỹacoolec da lo'onataxanaxac so Asuero, da nta'a ye Persia, nache so ipa'agueetacpi so Israel le'ecpi ỹamaxa aso lere so nta'a, ỹachetalec nam 'eetega lasouaxashetpi som netaña ye Judá qataq ye Jerusalén.

Toba del Oeste

⁶ Ca'li yemta da'me lejaliaĝa ñe'me Asuero, qama'le gaa'me naute'u dachinataĝalo'te gaa'me 'lachaqa't di'me Judá nataq'aen Jerusalén.

Esdras 4:6 Referans Kwoze

Daniel 9:1

So Darío maye llalec so Asuero, som chegoxoguet na medos, somaye ilotague' co'ollaxa na caldeopi.

Ester 1:1

De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,

Apocalipsis 12:10

Nache sa'axaỹa so na'aqtac ỹataqta alam, chemqot na piguem, 'eeta': «¡Ñim Qarta'a maye Lo'onatac 'Enauacna nca'alaxatec na lalamaxatpi; qataq ỹachaxan da la'añaxac, qataq nachaqñita da Nta'a! Ñi Lca'aguishec Ñimaye, mashe do'onataxan, ilo'ogue 'enauac na huetalec ana 'alhua. Cha'aye so pa'aguenataxanaxaic mashe qaỹamaqauec na piguem, cha'aye ima'ape naua na'axa'te qataq naua pesa'ache, da nachattaua'a Ñi Qarta'a maye Lo'onatac 'Enauacna da ỹa'axattauo na 'eetega lasouaxashetpi na qarqaỹañicpi.

Hechos 25:7

Nache co'ollaq nvireuo so Pablo, nache anac so judiopi maye chegaqa'ague da Jerusalén. Nache ỹataqta qalota na qaỹasaxalec lasouaxashetpi somaye, qalaxaye saishet da huo'o ca ỹataqta 'eesa nam qaỹasaqtapeguelecpi.

Hechos 24:13

Qaq ne'ena shiỹaxauapi saishet da huo'o ca ỹoqta 'eesa 'enauac nam 'eetega da ỹasouaxashet.

Esdras 4:5

Nataqa'en ivira'a da huo'o so desheenaxana so ltauapi so nataxala', da nqanaxat da qano'oxootapiguisheguem aso atamnaxaqui. Qaq se'eso nache huetoiguilo soua vi'iye da lo'onataxanaxac so Ciro, nache ivitta'a da lo'onataxanaxac so Darío, maye nta'al ye Persia.

Ester 1:10

Qaq so ivita so na'a'q siete se'eso nquia'axac qataq so na'ashaxac, nache so nta'a ỹataqta machiguiñi souaxat so lataxa, nache ỹama'q soua siete shiỹaxau' maye ỹataqta lpe'e'te, so Meumán, Bizta, Jarboná, Bigta, Abagta, Zetar qataq so Carcas,

Génesis 26:21

Qaq ime, nache so lamaxashecpi qaltaq nshe' aso lỹa ñi'illoxoqui. Qalaxaye qaltaq qailoctapigui asomaye, nache asa'aso nshere, so Isaac ỹanagui da le'enaxat «Pa'aguenaqa'.»

Ester 2:16

Nache aso Ester, qaỹauegueua'a so nma' lta'araic da yaqto' nachaateua'a qanqa'en so nta'a Asuero, huetoigui so ca'agoxoic diez, maye nataqa'en le'enaxat Tebet, co'ollaq mashe ivi' soua siete vi'iye da lo'onataxanaxac somaye.

Ester 3:8

Qaq huaña nache so Amán 'enapega so nta'a Asuero, 'eeta': 'Enauac na nhuo' le'ecpi maye hueta'a nam 'alhuapi maye 'aulotague' 'am nta'a, huo'o na nhuo' le'ecpi maye saishet da nhuoiguet na laỹepi, huo'o na maiche lalamaxat nqataxacpi maye saishet da nateneguet na nqataxacpi maye lalamaxat na laỹepi nhuo' le'ecpi, qaq namayepi saishet da ỹalaxaguet na 'aramaxasoxonaxacpi 'am nta'a. Qaq saỹaỹamaxañi da ne'ena nhuo' le'ecpi, nache queta da 'aulotague' 'am nta'a.

Daniel 11:2

Qaq nagui 'am sa'aqtaxanem dam ỹataqta 'eesa lataxac. Ye Persia huo'oi qome caua tres nta'al, qaq qom ime nache huo'o qome ca lỹa nta'a, qaq camaye sallaxanec qome napacaleguete caua lỹa't tres nta'al, qaq qom huo'o da la'añaxac souaxat da lsallaxa, nache naỹamaxat qome da dataỹa'aguet da lo'onataxanaxac na lta'alpi ye Grecia.