Esdras 4:4 - La'aqtaqa Ñim Lo'onatac 'Enauacna 2013

⁴ Qaq huaña, nache som netalecpi se'eso 'alhuapi, taỹa da ỹaqalhuaqchet qataq da icolanaqchet se'eso Judá le'ecpi, da yaqto' ỹaxaañi da no'oxoosheguem aso atamnaxaqui.

Toba del Oeste

⁴ Jogaa'me jiyaĝadipi jo'ne 'lachaqa'tedi e'n lichiguilo jogaa'me jiyaĝa'u jo'ne chiyoĝotegue di'me Judá, nataq'aen jetaque yoqolanaqate't qaedi ja t'onaĝa'n.

Esdras 4:4 Referans Kwoze

Esdras 3:3

Qaq na'aictaxa da so Israel le'ecpi ñe'etapeeguet co'ollaxa so shiỹaxauapi maye netaña yemaye, qalaxaye no'oxoosheguem aso nca'atoxonaxalate maye lalamaqte Ñim Nataxala', ỹe'eguelaxatchiguiña so toguishec lma', qataq ỹataqta ỹaỹamaxatchiguiñi. Nache 'enauaque soua na'axa'tesa'ache, ye nte'eta qataq ye avit da ỹo'ot so lachetaqtaxanaxat da ỹanot Ñim Nataxala'.

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Nehemías 6:9

Cha'aye namayepi ỹauotaique da choche qomi' icolanaqche't, da yaqto' saxanaxañi da qaro'onataxanaxac, qalaxaye aỹem seỹaxanot Ñim Lo'onatac 'Enauacna, da aỹem ỹa'añaqchet da yaqto' nache shecto'ot da ỹo'onataxanaxac.

Nehemías 4:11

Qaq qomi' saỹatenaq da so qampa'aguenaxauapi lhuennataxa da huenoxotaua'a se'eso huaqta'a't nỹecpi nache qomi' ique'elaxa't da qomi' ỹalaua't, yaqto' vi'iiguet som so'otaqtac.

2 Samuel 4:1

Qaq so Isboset som llalec so Saúl, co'ollaq ỹaỹaten da ileu so Abner huaña ye Hebrón. Nache qaica ca la'añaxac qataq 'enauac so netaña ye Israel ỹataqta ñi'i.

Esdras 4:5

Nataqa'en ivira'a da huo'o so desheenaxana so ltauapi so nataxala', da nqanaxat da qano'oxootapiguisheguem aso atamnaxaqui. Qaq se'eso nache huetoiguilo soua vi'iye da lo'onataxanaxac so Ciro, nache ivitta'a da lo'onataxanaxac so Darío, maye nta'al ye Persia.

Nehemías 4:2

Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Daniel 10:13

Qaq ñim namaxashec maye ilotague' da no'onataxanaxac ye Persia, aỹem dataỹa'aguet ivittre'c soua veintiun na'axa'te, qalaxaye so Miguel, som 'oonolec nam namaxashecpi maye ỹataqta 'amaqtaqaicpi, somaye anac da aỹem itauan, cha'aye aỹem 'oonolec da soota'aguet na nta'alpi ye Persia.

Daniel 10:20

Nache somaye aỹem 'enapega, 'eeta': ¿'Auaỹaten peta'a da ta'ainco' da 'am ñanaỹa? Cha'aye nagui she'eguelaxa da qaltaq selogui' ñim namaxashec maye ilotague' da no'onataxanaxac ye Persia. Qaq qom ime da selogui' ñimaye, nache anac qome ñi namaxashec maye ilotague' da no'onataxanaxac ye Grecia.