Esdras 4:2 - La'aqtaqa Ñim Lo'onatac 'Enauacna 2013

² nache somayepi nqo'ona so Zorobabel qataq so Josué, qataq so lataxala'pi so ñalaqpi. Nache 'enapegalo, 'eeta': Ñaq qomi' qanashiñiitegueta, da qami' setauana'q da qano'oxoñiisheguem aca atamnaxaqui. Cha'aye qomi', nache qami' shenaqta'ama da sho'oxorenaqtac Ñim Qanatamnaxala'ai, qataq mashe sanqot aso qarachetaqtaxanaqte maye qaỹavigaxatta, nache chegoqchiguiña co'ollaq ñaq nta'a so Esarjadón, maye nta'a ye Asiria, som qomi' nauegalo ne'ena 'alhua.

Toba del Oeste

² qama'le dajotegue di'me Zorobabel nataq'aen Josué nataq'aen gaa'me najoĝola'te gaa'me naqaya', qama'le enapega't: «Qo'mi auaje'tema qaedi ami qalecochiyalo da'me qa'noĝojeguem, qa'a da'me qo'mi jenaqa'ama da'me ami joote qauapiyenot joñe'me Anedios, jo'ne joote jauoqo qadajaqajec chiyoqo'tegue ca'li maliaĝa 'uo di'me Esarhadón, jaliaĝanec di'me Asiria, jo'ne naqaeñe qo'mi nauetequena.»

Esdras 4:2 Referans Kwoze

2 Reyes 19:37

Qaq huo'o so na'a'q co'ollaq somaye yo'oxonnataxaatac, huetaua'a aso atamnaxaqui maye lalamaqte som Nisroc maye natamnaxala' somaye. Nache soua llalqa Adramelec, qataq Sarezer, ỹa'arapec co'ollaxa somaye nache ỹalaua't, huaña nache datarec, taỹalo ye 'alhua Ararat. Qaq da lo'onataxanaxac da nta'a, nache talec so llalec Esarjadón.

2 Reyes 17:24

Nache so nta'a ye Asiria, ỹauec co'ollaxa so shiỹaxauapi maye lma' ye Babilonia, Cutá, Avá, Jamat, qataq ye Sefarvayin, nache ỹanaigui somayepi ye huaqta'a't nỹecpi ye Samaria, nache nmeneguet naqa'en somayepi so Israel le'ecpi. Qaq 'era da 'eetec da ỹacona co'ollaxa ye Samaria, qataq nache naigui som huaqta'a't nỹecpi.

2 Timoteo 3:8

Namayepi 'eeta'ama soua huo'o da no'onataxa'c Janes qataq so Jambres maye dataira'aguet co'olloxocheye so Moisés. Nataqa'en ne'ena shiỹaxauapi ỹataqta dataỹa'aguet da 'eesa lataxac maye na'aqtaguec Ñim Lo'onatac 'Enauacna. Namayepi mashe sotaq ỹaỹamaq da lauattonaxanaxac, qataq sa ỹaỹaten da llec da qaipi'iỹa'a Ñim Lo'onatac 'Enauacna.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Isaías 37:37

Qaq huaña nache so Senaquirib maye nta'a ye Asiria, nqat so lpe'l, nache jec ỹe'eguelaxa ye Nínive qaq nache naña yemaye.

Salmos 73:8

Qataq 'enaxanaxaicpi qataq qauema naua la'aqtaqa da ỹo'ot da loquiaxac, qataq ỹe'enai' ca lỹa, qataq ỹareetalec,

Esdras 3:12

Qaq ỹataqta qalota so ntaxaỹaxanaxanecpi, qataq so ltauapi maye chegoxoguetpi so Leví, qataq so lataxala'pi so nalamaxat nhuo' le'ecpi maye mashe ỹataqta ỹa'axaiquipi, qaq somayepi ỹauaachigui co'ollaxa aso hua'auchiguiñi atamnaxaqui, nache somayepi ỹataqta na'alaqtapiguiñi da nnoinaxac, cha'aye ỹauaachigui da qaltaq qano'oxoosheguem aso dalaxai atamnaxaqui. Nataqa'en huo'o so qalota ỹa'alaqtagui souaxat da ntonaxac.

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

Esdras 1:5

Qaq huaña, nache so lataxala'pi so nhuo' le'ecpi maye chegoxoguetpi so Benjamín qataq so Judá, huaxaiguet so ntaxaỹaxanaxanecpi qataq so leviitapi, qataq 'enauac som ỹachegoxotchigui Ñim Lo'onatac 'Enauacna da ỹanem da lhuennataxac da taỹa ye Jerusalén, da yaqto' no'oxoosheguem aso atamnaxaqui maye lalamaqte Ñim Nataxala'.

2 Reyes 17:41

Qaq se'eso shiỹaxauapi natameetacot co'ollaxa Ñim Nataxala', qalaxaye nataqa'en natameetacot nam ỹaqauga natamnaxala'pi. Nache ivira'a nataqa'en som llalaqpi qataq som laualpi somayepi, nache ỹe'enaxatchigui da 'eetec co'ollaxa so lta'alpi, nache ivitta'a nagui.

Génesis 10:11

Qaq nache chegoqchiguiña co'ollaxa yi'iye 'alhua da nqo'ona ye Asiria. Qaq nache huaña yemaye da no'oxoosheguem so Nínive, Rejobot, Calaj,

Nehemías 9:32

Qaq ỹoqo'oye 'am Qanatamnaxala', Atamnaxala' maye 'amaqtaqaic, 'añaxaic, qataq ncolanaxat, maye 'aupacchigui da 'anaỹamataxac qataq da nache 'eetai' da 'arauotaxanaqtaic ne'ena 'aralamaxat nhuo' le'ecpi, saishet qome da saq 'amaqtaq 'anqa'en da 'aulotagui da nque'eenaxac so qarta'alpi, qarataxala'pi, ntaxaỹaxanaxanecpi, na'aqtaxanaxanecpi, qataq so hua'au qarta'alpi qataq 'enauac na nalamaxat nhuo' le'ecpi, chegoqchiguiña se'eso na'a'q da lo'onataxanaxac so nta'alpi ye Asiria, nache ivitta'a nagui.

Isaías 37:38

Qaq huo'o so na'a'q co'ollaq hueta'a aso atamnaxaqui, da ỹo'oxoreetac so natamnaxala' Nisroc, nache soua llalqa Adramelec qataq so Sarezer, nqo'ooreua'a somaye nache ỹalaua't, qaq ime nache soomaye datare'c taỹalo ye 'alhua Ararat. Qaq huaña nache da lo'onataxanaxac somaye da nta'a, talec som llalec Esarhadón.