Esdras 4:19 - La'aqtaqa Ñim Lo'onatac 'Enauacna 2013

¹⁹ nache samaxasoxoolec da qanmit asom huetalec 'enauac na ỹo'ot so hua'au nta'alpi. Ime, nache selaqalec da yi'iye huaqta'a't nỹecpi nache 'eetai' naxa da huo'o da huaña da dataỹa'aguet so hua'au nta'alpi.

Toba del Oeste

¹⁹ Qama'le joote jamaĝajoĝolegue da'me yataqata qoyelaque da'me lajoĝoc, qama'le qauejomalegue da'me nojo' noic joote nauteta ca'li jogaa'me 'uaediñe jaliaĝanaqa, chayovida'a uetauelo gaa'me leloiquiaĝaco nataq'aen lauchiyaĝaco.

Esdras 4:19 Referans Kwoze

Proverbios 25:2

Ñim Lo'onatac 'Enauacna huo'o da llo'oxoyec souaxat da huo'o na saqcha'a naqa'en da lataxac, qataq na nta'alpi huo'o da llo'oxoyec da ỹaỹaten ne'ena saqcha'api.

2 Reyes 18:7

Nache Ñim Nataxala' ỹataqta hueta'aguet somaye, ỹoqo'oye 'enauac nam ỹo'otpi somaye ỹataqta ỹaỹamaqchiguiñi. Qaq so Ezequías, dataỹa'aguet co'ollaxa so nta'a ye Asiria, nache saishet da ỹalaxaguet somaye.

Esdras 5:17

Qaq nagui 'am nta'a da 'auaỹamaxareeta, nache qomi' seỹaxanaxaua'a da qanmit ana nerepi maye huetalec na ỹo'ot so nta'alpi ye Babilonia, yaqto' saỹatenaqta da 'eesa da so nta'a Ciro, damaxasoxoolec da ỹoltaq qano'oxoosheguem añi atamnaxaqui maye lalamaqte Ñim Lo'onatac 'Enauacna, maye naña ye Jerusalén. Qaq no'on nataqa'en da qomi' 'aua'aqtaxanema ca 'eetec ca 'arasataxac 'am nta'a.›»

Esdras 4:15

Yaqto' 'auamaxasoxoolec da qanmit aca huetalec aso hua'auñi nerepi maye nanettalec 'enauac na ỹo'otpi so hua'au nta'alpi. Yaqto' huaña nache 'auaỹateeta da yem hueta'a yi'iye huaqta'a't nỹecpi ỹataqta qaica ca ỹalaxaguet, qataq huo'o da lchec da na'aqchet da lo'onataxanaxac na nta'alpi qataq na laỹepi na 'alhuapi. Huaña nache 'auaỹateeta da nache 'eetai' naxa da chegoqta'ague da naỹamaxara't da dataỹa'aguet na nta'alpi ỹoqo'oye ivira'a da qailaxachigui yemaye.

2 Reyes 24:20

Ỹoqo'oye Ñim Nataxala', ỹataqta dalemataỹa co'ollaxa ye Jerusalén, qataq ye Judá, nache ỹo'orauec somayepi. Qaq co'ollaq mashe qaỹoqtegue de'era, nache so Sedequías dataỹa'aguet co'ollaxa so nta'a ye Babilonia.

Deuteronómio 13:14

qaq nache qauchemaxachiỹaique qome camaye. Qanmichiỹaique nache qaunache, qaq da ỹoqta 'eesa da ỹo'ottac cam qaiqaiga maye qami' huetanguilo,

Esdras 4:18

Aỹem Sogote da ña'axaỹaxaatega da qaitaxaỹaxaatac aso nere maye qaỹauota'aisalo naua qara'aqtaqa,

Esdras 4:20

Nataqa'en qailalec da ye Jerusalén huo'o so nta'alpi ỹataqta 'añaxaicpi, ỹoqo'oye ivira'a da ilotague' ye huaqta'a't nỹecpi maye pa'aỹa'ague da avit so tala Éufrates, qataq isheetetac naqa'en aso nsheetenaqte so nta'a yemaye.