Esdras 4:15 - La'aqtaqa Ñim Lo'onatac 'Enauacna 2013

¹⁵ Yaqto' 'auamaxasoxoolec da qanmit aca huetalec aso hua'auñi nerepi maye nanettalec 'enauac na ỹo'otpi so hua'au nta'alpi. Yaqto' huaña nache 'auaỹateeta da yem hueta'a yi'iye huaqta'a't nỹecpi ỹataqta qaica ca ỹalaxaguet, qataq huo'o da lchec da na'aqchet da lo'onataxanaxac na nta'alpi qataq na laỹepi na 'alhuapi. Huaña nache 'auaỹateeta da nache 'eetai' naxa da chegoqta'ague da naỹamaxara't da dataỹa'aguet na nta'alpi ỹoqo'oye ivira'a da qailaxachigui yemaye.

Toba del Oeste

¹⁵ qama'le 'noota qom male yataqata auamaĝalegue na'me adejaliaĝaiqui qaedi yataqata qoyec'ate'n gaa'me ledii's jogaa'me 'uaediñe jaliaĝanaqa jo'ne auachiyoĝogueta. Male auejomalegue queda'me jenjo' noic yataqata ja no'en, chayovida'a 'uo ca'li da'me loqolanaqa' gaa'me jaliaĝanaqa nach'e ena'ama gaa'me ale'u lael. Yataqata auejomalegue jaa'me noloqo'ote jo'ne 'uaediñe, gaa'me 'lachaqa't di'me Jerusalén joote yaqanate't da'me nauteta ga'me nejaliaĝaiqui. Yajouaĝat da'me dojo', 'uo ca'li male qoyapalaĝat jenjo' noic.

Esdras 4:15 Referans Kwoze

Esdras 4:12

Qomi' sauoqtaique da 'am sa'aqtaxanaxam, da yi'iye judiopi maye chegaqa'a ye Babilonia yemayepi mashe nvita ye Jerusalén, qataq mashe no'oxootapiguisheguem ye huaqta'a't nỹecpi da yaqto' naigui nam qaica ca ỹalaxaguet, qataq qauemaicpi. Qataq mashe lapaqtegueñi na lo'oxonaxala'pi da lpaqtaxat da qanauaxaỹaxasheguem yemaye.

Nehemías 6:6

qaq so nanettalec asomaye, 'eeta': «Na shiỹaxauapi ỹa'axattac, qataq ñi Guesén nataqa'en aỹem da'aqtaxaatapeguem, da qami' qataq na judiiopi qano'oxoñeeteguisheguem na npaqtaxanaxat, cha'aye qansheetaique da qauataiỹa'aguet ñi nta'a Artajerjes. Nataqa'en 'am qaỹa'axattac da 'anshetaique da 'am nta'a ye Judá.

Nehemías 2:19

Qalaxaye cael la'axaỹaxac de'era so Sambalat maye lma' ye Horón, qataq so Tobías maye Amón le'ec, qataq so Gesem maye lma' ye Arabia, nache soomaye ỹataqta qomi' isheueeta'ape qataq qomi' 'eetegalo, 'eeta': «¿Negue't ca qansheetaique da qauo'oche qami'? ¿Qalqo' qansheetaique da qauataiỹa'aguet ñi nta'a?»

2 Reyes 25:4

Huaña, nache qaitagoxotec so lpaqtaxat se'eso huaqta'a't nỹecpi. Qaq na'aictaxa co'ollaxa da so caldeopi coleesop da nauaatac somaye, qalaxaye so nta'a, qataq so nalleppi, datauec co'ollaxa queuoigui se'eso pe, tateuga so ñeguec maye nangui na laiñi soua dos npaqtaxanaqa'ate, som ñeguec maye taalec so lañiguishe lma' so nta'a, maye taỹauga som ca'amapega't ye Arabá.

2 Reyes 24:20

Ỹoqo'oye Ñim Nataxala', ỹataqta dalemataỹa co'ollaxa ye Jerusalén, qataq ye Judá, nache ỹo'orauec somayepi. Qaq co'ollaq mashe qaỹoqtegue de'era, nache so Sedequías dataỹa'aguet co'ollaxa so nta'a ye Babilonia.

Esdras 4:14

Qaq souaxat da qomi' 'aramaxa'she 'am nta'a, nache sa saỹamaxarenaq da 'am sa qaỹalaxaguet. Ỹoqo'oye 'am samaxasaxa ana qorere maye huetalec na 'am sa'axataxampi.

Esdras 4:16

Ỹoqo'oye sauoqtaique da 'am sa'aqtaxanaqtem, da ỹoltaq qano'oxoosheguem yi'iye huaqta'a't nỹecpi qataq so lpaqtaxat, nache 'am saishet da 'auañoxot qome da 'aulo'ogue 'enauac yi'iye huaqta'a't nỹecpi maye pa'aỹa'ague da avit na tala Éufrates.»

Ester 2:23

Qaq co'ollaq qanmit de'era, nache co'ollaq qaỹaỹaten da 'eesa, nache se'esoua dos lataxala'ate som nauaatalec so nta'a, qaỹamaxasoxooleguete da qaicoñeldashegue'm. Qaq de'era qanayeuaigui, damaye ỹauaachigui co'ollaxa qanqa'en so nta'a da qoỹerelec aso nere maye nanettalec nam qaỹo'otpi yi'iye 'alhua.