Esdras 4:10 - La'aqtaqa Ñim Lo'onatac 'Enauacna 2013

¹⁰ Nataqa'en nanettalec asa'aso nere so ỹotta'a't shiỹaxauapi maye ỹo'orauec co'ollaxa so 'amaqtaqaic qataq ỹo'oxoraic le'enaxat Asnapar. Qaq se'eso shiỹaxauapi nache ỹanaña co'ollaxa so huaqta'a't nỹecpi ye Samaria, nataqa'en so laỹepi maye netaña da pa'aỹa'ague da avit aso tala Éufrates: Qaq so huetalec aso nere, 'eeta':

Toba del Oeste

¹⁰ nataq'aen yemeda gaa'me 'nachaqa'te laqaya' jo'ne qoyaue'j ca'li, qa'a joñe'me let'adaic jaliaĝanec Asnapar, naqaeñe e'n ne'uaqa, qama'le e'n nauelo gaa'me noyaqa di'me Samaria, nataq'aen gaa'me aleua lael jo'ne ueda'ague ga'me lajego di'me ñache Éufrates.

Esdras 4:10 Referans Kwoze

Esdras 4:17

Huaña nache so nta'a Artajerjes, ỹamaq so la'aqtac 'eeta': «'Am Rejún, maye 'am lataxala' na huataxanaq lta'alpi, qataq 'am neraxanaxanec Simey, qataq 'enauac na qartauaipi maye netaña ye Samaria qataq ye laỹepi huaqta'a't nỹecpi maye pa'aỹa'ague da avit ye tala Éufrates: Qami' taỹa'alo da iquinaxanaxac.

Esdras 7:12

«Aỹem Artajerjes, maye lta'a na nta'alpi, aỹem sanem da ỹa'aqtac na Esdras, maye ntaxaỹaxanaxanec qataq napaxaguenataxanaq, maye ỹaỹate'n naua lleco na lqataxacpi Ñim Lo'onatac 'Enauacna maye ilotague' na piguem:

Esdras 4:11

«'Am nta'a Artajerjes ñaq 'auaconeguet ana lere ne'ena 'aramaxashecpi maye netaña ne'ena le'ego, maye npa'aỹa'ague na avit na tala Éufrates.

Romanos 13:7

Qaq ỹoqo'oye iuen da ñi 'oonolec shiỹaxaua isheeten acam iuen da isheeten, da huo'otaq nachañi añi iỹaxanaique ca nta'a huo'otaq aca qalaỹootega't ntaunaxanaqte, huo'otaq cam iuen da huo'o naq 'enec qanqa'en huo'otaq souaxat da huo'o da nauoche.

Esdras 4:1

Qaq so npa'aguenaxauapi so nhuo' le'ecpi maye chegoxoguetpi so Judá qataq so Benjamín, co'ollaq la'axaỹaxac da se'eso noxonecpi co'ollaxa, mashe ñe'eguelaxa ye Jerusalén, chegoqchiguiña ye Babilonia da qaltaq ỹe'eguelaxalec da no'oxoosheguem, aso atamnaxaqui maye lalamaqte Ñim Nataxala' maye Natamnaxala' so Israel le'ecpi,

Nehemías 4:2

Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Nehemías 9:32

Qaq ỹoqo'oye 'am Qanatamnaxala', Atamnaxala' maye 'amaqtaqaic, 'añaxaic, qataq ncolanaxat, maye 'aupacchigui da 'anaỹamataxac qataq da nache 'eetai' da 'arauotaxanaqtaic ne'ena 'aralamaxat nhuo' le'ecpi, saishet qome da saq 'amaqtaq 'anqa'en da 'aulotagui da nque'eenaxac so qarta'alpi, qarataxala'pi, ntaxaỹaxanaxanecpi, na'aqtaxanaxanecpi, qataq so hua'au qarta'alpi qataq 'enauac na nalamaxat nhuo' le'ecpi, chegoqchiguiña se'eso na'a'q da lo'onataxanaxac so nta'alpi ye Asiria, nache ivitta'a nagui.