Esdras 3:9 - La'aqtaqa Ñim Lo'onatac 'Enauacna 2013

⁹ Huaña, nache so Josué qataq so llalaqpi, nataqa'en so lqaỹañecpi somaye, huaxaiguet so Cadmiel qataq so llalaqpi somaye, maye nataqa'en chegoxoguetpi so Judá, qataq so llalaqpi so lqaỹañecpi so Henadad, maye lauo' le'ecpi so chegoxoguetpi so Leví, da somayepi ilo'ogue so ỹo'ottacpi aso atamnaxaqui maye lalamaqte Ñim Nataxala'.

Toba del Oeste

⁹ Josué nataq'aen gaa'me c'oqo'te, nataq'aen gaa'me laqaya', yauote onolec da'me 'lonataĝanaĝa'j, uauelo joñe'me Cadmiel nataq'aen jogaa'me c'oqo'te jo'ne mach'e chiyoĝoteguet di'me Judá, nataq'aen gaa'me chiyoĝoteguet di'me Henadad, gaa'me c'oqo'te choqogaa'me laqaya', jo'ne ca'li mach'e levita laje', qaedi naqaenaua da'me yelodelegue gaa'me t'onataĝadoue jena'me tamenaĝaiqui Dios loĝot.

Esdras 3:9 Referans Kwoze

Esdras 2:40

Qaq so leviitapi maye chegoxoguetpi so Josué, qataq so Cadmiel, maye nataqa'en lalamaxat llalaqpi so Hodavías, ivi' setenta y cuatro.

Nehemías 7:43

Qaq so leviitapi maye chegoxoguetpi so Josué, qataq so Cadmiel, maye nataqa'en chegoxoguetpi so Hodavías, ivi' setenta y cuatro ye lcata.

Esdras 3:8

Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

1 Crónicas 23:4

Qaq somayepi nache qaỹachegoxotaigui so veinticuatro mil da yaqto' ilo'ogue da no'onataxanaxac asom atamnaxaqui, qaq so seis mil, qoỹanem da 'amaqtaqaic nataxala'pi, qataq da nmit nam nasouaxashetpi,

2 Crónicas 34:12

Qaq se'eso shiỹaxauapi ỹataqta ipacchigui da lataxac da lo'onataxanaxac, qaq soua lataxala'ate somayepi nachesoua soua leviita, Yajat qataq so Abdías, som chegoxogueta so Merari, qataq so Zacarías qataq so Mesulán, som chegoxogueta so Coat maye nataxala'ate.

Nehemías 3:24

Qaq so Binuy, som llalec so Henadad, somaye no'oxoosheguem so npaqtaxanaxat ỹachegotchiguiña ye lma' so Azarías, nache iviraxatta'a aso lallemaqhuo aso lamaqai.