Esdras 3:8 - La'aqtaqa Ñim Lo'onatac 'Enauacna 2013

⁸ Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Toba del Oeste

⁸ Ca'li joote yenoĝonegue ga'me onolec uo'e nataq'aen dos gaa'me auoĝoyaqa da'me novideta di'me Jerusalén jogaa'me qoye'n ne'uaqa ca'li, qama'le yemta 'noĝotedapijeguem ga'me tamenaĝaiqui jo'ne loĝot joñe'me Jaliaĝanec Dios. Qama'le Zorobabel, c'oĝot di'me Salatiel, nataq'aen Josué, c'oĝot di'me Josadac, choqogaa'me laqaya' jo'ne tamenaĝaiqui lo'ol nataq'aen gaa'me levita laje', chayovida'alo yema ga'me jiyaĝadipi, niquiyayelo gaa'me levita laje' jo'ne joote veinte gaa'me ne'uoidi, qaedi yelodelegue da'me 'nonataĝanaĝac.

Esdras 3:8 Referans Kwoze

Esdras 4:3

Qalaxaye so Zorobabel qataq so Josué, qataq so lataxala'pi so Israel le'ecpi, 'enapeco': 'A'i, qomi' sa seshetaq da qami' ñashenaqtegueta da qomi' qauauaqaigueta da ño'oxonaxasheguem añi atamnaxaqui maye lalamaqte Ñim Qanatamnaxala'. Qomi' ñeroqte' da souaqapegue' da ño'oxonaxasheguem añi atamnaxaqui maye lalamaqte Ñim Nataxala', maye Natamnaxala' so Israel le'ecpi, cha'aye nachera da lamaxasoxonaxac ñi Ciro, maye nta'a ye Persia.

1 Crónicas 23:4

Qaq somayepi nache qaỹachegoxotaigui so veinticuatro mil da yaqto' ilo'ogue da no'onataxanaxac asom atamnaxaqui, qaq so seis mil, qoỹanem da 'amaqtaqaic nataxala'pi, qataq da nmit nam nasouaxashetpi,

Números 4:3

nache qa'iyiiuo na ỹalleppi, maye ivi' qataq napacalec ye treinta, qataq nam ivi' ye cincuenta vi'iye da nachaalataxac, na mashe ishet da do'onataxaneua'a ca npe'l maye naỹonqa'.

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Esdras 5:16

Qaq co'ollaq mashe nvita na Jerusalén so Sesbasar, nache somaye lapaxañi so lo'oxonaxala' ana atamnaxaqui maye lalamaqte Ñim Lo'onatac 'Enauacna. Qaq nache chegoqchiguiña da qano'oxootapiguisheguem anamaye, qalaxaye ñaq saxanaxa da ime.

Zacarías 4:9

«Ñi Zorobabel lapaxañi qome ca lo'oxonaxala' aca atamnaxaqui, qataq nacheñi ñimaye da iviraxata'a qome da imeta naqa'en.» Qaq 'era qome da 'eetec, da yaqto' qami' qauaỹacheñeeta da nacheñi Ñim Nataxala' maye Qaica ca Ỹaqalanapec ñim aỹem namaq.

Zacarías 6:12

Qaq nache qonapega qome, qoneta': ‹Ñim Nataxala' maye Qaica ca Ỹaqalanapec, ỹataqta 'eesa da la'aqtac, da ñim ỹale maye le'enaxat Llaxataxa, ñaxatsheguem qome chegoqtoiguilo naua maiche lpa'aye, nache qaltaq no'oxoosheguem qome añi atamnaxaqui maye ỹalamaqte.

1 Crónicas 3:17

Qaq so Jeconías, som qaỹo'orauec co'ollaxa, soua llalqa le'enaxa't Salatiel,

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

Esdras 4:24

Qaq 'era da 'eetec da qaỹa'axaneguet da qano'oxootapiguisheguem aso atamnaxaqui maye lalamaqte Ñim Nataxala', maye naña ye Jerusalén, ivira'a da inoxoorec soua dos vi'iye da lo'onataxanaxac so Darío maye nta'a ye Persia.

Esdras 5:2

Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.

Esdras 10:18

Qaq 'ana ana lmalate so llalaqpi so ntaxaỹaxanaxanecpi maye huaroneguet co'ollaxa so 'alpi maye chegaqauec: So chegoxoguetpi so Josué, som llalec so Josadac, qataq soua lauo' lashe': Maseías, Eliezer, Jarib qataq so Gedalías,

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.