Esdras 3:7 - La'aqtaqa Ñim Lo'onatac 'Enauacna 2013

⁷ Ime, nache qoỹanem aso nsheetenaqte so nỹec lo'opi qataq so qo'oipaq lo'opi. Qaq so lma' ye Sidón qataq ye Tiro qalaq qoỹanem so nallec, qataq so nỹomaxat lataxa qataq so aceite, da yaqto' ndoi' so qo'oipaqpi cedro da ỹachangui aso nnotaxaquipi da quetangui aso auaxai, ỹachegoxotchiguiña ye Líbano, nache nvitta'ata naqa'en so notaqa' maye le'enaxat da Jope, cha'aye nachera da la'aqtac so Ciro, maye nta'a ye Persia.

Toba del Oeste

⁷ Male qoyanema jaga'me laicaua gaa'me onataĝanaĝayaqa nataq'aen gaa'me ye't ga'me epaq nale, nataq'aen qoyanema niqui'yaĝat, naquip nataq'aen aceite gaa'me 'lachaqa't di'me Tiro nataq'aen Sidón, qaedi qonaqat ga'me epaq jo'ne lenaĝat cedro, chiyaqa'ague di'me Líbano qama'le qoyapagaĝadegue da'me qoyedotegue jodi'me Jope, qa'a naq'aeta ca'li yaje'tema ñe'me Ciro, jaliaĝanec di'me Persia.

Esdras 3:7 Referans Kwoze

1 Reyes 5:6

Qaq ỹoqo'oye nagui, 'auamaxasoxoolec qome da qaiquesoq ana qo'oipaq cedro maye huaña ye Líbano. Qaq na ỹamaxashecpi samaq qome da itauan ca 'aramaxashecpi, qaq maicheye aca 'auỹaxanaique lasheue ca 'aramaxashecpi, nachaca qome aca 'am sanem da sesheeten camayepi, cha'aye 'auaỹaten da na souaqta'a qomi' qaica ca ỹaỹaten da ỹo'ot na 'epaq, da 'eeta'am na sidooniopi.

Hechos 12:20

So Herodes ỹataqta dalemataỹa nam shiỹaxauapi maye netaña ye ñegaxasom le'enaxat Tiro qataq ye Sidón. Qaq ỹoqo'oye huaxaỹapega't so shiỹaxauapi maye lma' se'esoua ñegaxasom da qaitaxaỹapegue' so Blasto, som lmala' ana alom som nta'a da yaqto' qanmitaique ca lataxac da qaica camachaqca, cha'aye yi'iye 'alhua deuaqto'ot so Herodes da ỹachegoxottacot nam lhuenec.

Hechos 9:36

Qaq se'eso ñegaxasom ye nỹecpi ye Jope, huo'o aso ỹa'amaqten So Jesús, asomaye naua judío la'aqtaqa le'enaxat Tabitá, qaq naua griego la'aqtaqa Dorcas. (De'era ne'enaxat naigui da ñi'imshe.) Asa'aso 'alo ỹataqta no'on da lo'onataxanaxac, qataq itauaatac na choxoraqpi.

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.

Ezequiel 27:17

Qataq nataqa'en 'am nmeetague' ye Judá, qataq ye Israel, nache naxa da 'am isheete'n, nache lsheetenaxanaxa't na trigo maye chegaqaña ye Minit, qataq ana lqatelleguishe ama, qataq na dapic lli'i, na aceite qataq na bálsamo maye ama na laita.

Hechos 9:38

Qaq yi'iye Jope, nache saqaỹapeque ye Lida yem hueta'a so Pedro. Nache som 'amqaanataxanaxaicpi co'ollaq la'axaỹaxac somaye da hueta'a yemaye, nache qaỹamaxalo soua dos ỹale't da 'enapega, 'eeta': –Qomi' 'anqouagueque da sa 'anaỹaloxon da 'ananaỹa na nỹecpi na Jope.

Hechos 9:43

Nache so Pedro ỹataqta huo'oi soua na'axa'te da hueta'a ye Jope, netaña ca lma' so le'enaxat Simón, lo'oc lo'o.

2 Samuel 5:11

Ỹoqo'oye so Jirán, maye nta'a ye Tiro, ỹamaq so ltaxaỹaxanaxanecpi da taỹa so David, nataqa'en ỹamaq som ỹaỹaten da ichec na qo'oipaq, qataq som ỹaỹaten da ichec na coma', qataq ỹache naqa'en so qo'oipaqpi cedro da yaqto' no'oxoosheguem so lma' lta'araic so David.

Esdras 3:6

Qaq na'aictaxa da ñaq saxanaxa da ỹo'ot so lo'oxonaxala' aso atamnaxaqui, qaq nache chegoqchiguiña so la'auaxanec na'a'q so ca'agoxoic siete, nache se'eso nhuo' le'ecpi ỹaneuo aso lachetaqtaxanaqtepi maye qaỹavigaxatta da qoỹanot Ñim Nataxala'.

2 Reyes 12:10

Qaq soomaye naxa da ilora'a da mashe qalota aso anom maye huetangui asa'aso laỹe', nache anac som leraxanaxanec so nta'a, qataq so lataxala' so ntaxaỹaxanaxanecpi, nache naloqten aso anompi maye huetangui aso laỹe', maye netaña aso atamnaxaqui maye lalamaqte Ñim Nataxala', huaña nache soomaye ỹoxochiguilo so laỹe'.

2 Reyes 12:13

Qalaxaye asa'aso anom, maye qoỹaneua'a naxa aso atamnaxaqui maye lalamaqte Ñim Nataxala', saishet da qaỹo'ogoxona da qaỹo'ot aso ỹomaxaquipi plata, nchegaxanaqtepi, nasheerepi, qataq so laỹepi nhuenecpi oro, huo'otaq plata,

2 Crónicas 34:10

Ime, nache ỹanem so ilotague'pi da no'onataxanaxac, som ỹo'ottac aso atamnaxaqui maye lalamaqte Ñim Nataxala', da yaqto' somayepi isheeten som do'onataxaatacpi, maye napareetac na lpoxoỹaxapi aso atamnaxaqui.