Esdras 3:6 - La'aqtaqa Ñim Lo'onatac 'Enauacna 2013

⁶ Qaq na'aictaxa da ñaq saxanaxa da ỹo'ot so lo'oxonaxala' aso atamnaxaqui, qaq nache chegoqchiguiña so la'auaxanec na'a'q so ca'agoxoic siete, nache se'eso nhuo' le'ecpi ỹaneuo aso lachetaqtaxanaqtepi maye qaỹavigaxatta da qoỹanot Ñim Nataxala'.

Toba del Oeste

⁶ Joga'me 'uaeñe nolo' da'me auoĝoic jo'ne séptimo, male ua'ña da'me yauote lajaqaje'j, yate'm joñe'me Jaliaĝanec, te'me maliaĝa ja qo'noĝojeguem joñe'me tamenaĝaiqui jo'ne Jaliaĝanec ja 'nalegue loĝot.

Esdras 3:6 Referans Kwoze

Esdras 3:5

nataqa'en aso lachetaqtaxanaqtepi ye na'a'q, qataq da ivita da dalaxaic so ca'agoxoic, qataq so laỹepi lachetaqtaxanaxatpi da ỹo'oxoren Ñim Nataxala', qataq da huo'o ca maiche chegoqchigui da ỹauo'o ca lachetaqtaxanaxat da ỹanot Ñimaye.

Esdras 3:7

Ime, nache qoỹanem aso nsheetenaqte so nỹec lo'opi qataq so qo'oipaq lo'opi. Qaq so lma' ye Sidón qataq ye Tiro qalaq qoỹanem so nallec, qataq so nỹomaxat lataxa qataq so aceite, da yaqto' ndoi' so qo'oipaqpi cedro da ỹachangui aso nnotaxaquipi da quetangui aso auaxai, ỹachegoxotchiguiña ye Líbano, nache nvitta'ata naqa'en so notaqa' maye le'enaxat da Jope, cha'aye nachera da la'aqtac so Ciro, maye nta'a ye Persia.

Levítico 23:24

«Qonapega qome na Israel le'ecpi, qoneta': Ca la'auaxanec na'a'q ca ca'agoxoic siete, camaye mataxaqui, qataq huetoigui da qauo'oche ca naponaxac lta'araic, qataq qaỹashiiyigui aca nasheerepi da yaqto' qaỹo'oxoren Ñim Nataxala'.

Levítico 23:25

Qaq ỹoqo'oye qauavigaxache qome aca qarachetaqtaxanache da qaỹa'añiỹot Ñim Nataxala', qataq saishet da qauo'oche ca camachaqca nam qapa'atta no'onatacpi».

Números 29:1

Qaq ca la'auaxanec na'a'q ca ca'agoxoic siete, nache huetoigui qome da qauo'oche ca ỹo'oxoraq qaraponaxaqui. Qaq que'eca na'a'q qaica qome ca do'onataxan da qoñiita, cha'aye que'eca na'a'q laloxoqui da qaỹashiiyigui aca nasheerepi.

Números 29:2

Qaq ca nachetaqtaxanaxat qaỹavigaxatta cam ama da laitaỹaxac maye ỹamaateguet Ñim Nataxala', qalaq qoỹaneuo ca 'oonolec huaca llalec, 'oonolec qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa.