Esdras 3:5 - La'aqtaqa Ñim Lo'onatac 'Enauacna 2013

⁵ nataqa'en aso lachetaqtaxanaqtepi ye na'a'q, qataq da ivita da dalaxaic so ca'agoxoic, qataq so laỹepi lachetaqtaxanaxatpi da ỹo'oxoren Ñim Nataxala', qataq da huo'o ca maiche chegoqchigui da ỹauo'o ca lachetaqtaxanaxat da ỹanot Ñimaye.

Toba del Oeste

⁵ Nach'e ena'am qoyauo'oe gaa'me najaqae's yemeda naa'me noloqo'ote, nataq'aen nale yemta auoĝoic dalaĝaic, uotaĝa gaa'me noloqo'ote jo'ne tadoue da'me ja 'nalegue leualayaĝac ñe'me Jaliaĝanec, nach'e ena'ama gaa'me 'uo nale yadegue ga'me yaqanate't da'me yate'm ñe'me Jaliaĝanec.

Esdras 3:5 Referans Kwoze

Números 29:39

Qaq 'eca cam nachetaqtaxanaxatpi maye ishet da qaỹa'añiỹot Ñim Nataxala', da ivita ca laloxoqui ca ỹo'oxoraic qaraponaxaqui, qataq ca nachetaqtaxanaxat da qaipacchigui ca qoỹan na'aqtac, huo'otaq ca nachetaqtaxanaxat maye maiche qoỹaneuopi, huo'otaq ca qaỹavigaxatta maye huaqtalec ca 'ayiiña, qataq ca lataxa, huo'otaq ca nachetaqtaxanaxat maye qanhuaachigui.

Deuteronómio 12:17

Qaq aca diezmopi maye chegaqaigui na ala ca trigo, lataxa, aceite, qataq ca la'auaxanec llalec aca qareloi huacapi, qaguetapi, qataq 'enauac ca maiche qami' chegoqchiguilo da qaỹa'añiỹot Ñim Nataxala', qataq camachaqca lỹa qarachetaqtaxanaxache maye chegaqaigui da qaro'onataxanaxaqui, saishet qome da qollequi da qoñiitaña ca qarmaye.

Deuteronómio 12:6

Nache camaye nacheca qome ca qairoua'a ca nachetaqtaxanaxat qaỹavigaxatta, qataq ca nachetaqtaxanaxat shiguiỹac, qataq aca diezmopi, qataq aca maiche chegoqchigui da qoỹan, qataq ca la'auaxanec llalec ca 'atetpi, huacapi qataq aca qaguetapi.

Números 29:13

Qaq ca la'auaxanec na'a'q nache qaỹa'añiiuo qome da qaỹavigaxa't caua trece huaca llalqa, dos ca qagueta lhuaraiqa, qataq catorce caua qagueta llalqa maye ivi' ye 'oonolec vi'i, qataq qaica ca lque'emaxa, nache nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Números 29:8

Nache qaỹa'añiiuo qome ca 'oonolec huaca llalec, 'oonolec qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa da nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Números 29:2

Qaq ca nachetaqtaxanaxat qaỹavigaxatta cam ama da laitaỹaxac maye ỹamaateguet Ñim Nataxala', qalaq qoỹaneuo ca 'oonolec huaca llalec, 'oonolec qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa.

Números 28:27

Qataq qaỹa'añiỹot Ñim Nataxala' caua dos huaca llalqa, 'oonolec qagueta lhuaraic, qataq siete caua qagueta llalqa maye ivi' ye 'oonolec vi'i, da nachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala'.

Números 28:19

Nache qoỹaareuo caua dos huaca llalqa, qataq 'oonolec ca qagueta lhuaraic qataq caua siete qagueta llalqa maye ivi' ye 'oonolec vi'i, qataq qaica ca lque'emaxa da yaqto' nachetaqtaxanaxat qaỹavigaxatta da qoỹanot Ñim Nataxala'.

Números 28:14

Qaq ca nachetaqtaxanaxat lataxa qoỹaneuo ca dos litro da qoỹaneuo ca 'oonolec huaca llalec, qaq da qoỹaneuo ca qagueta lhuaraic, nache qoỹaneuo ca un litro y medio, qaq da qoỹaneuo ca qagueta llalec, nache qoỹaneuo ca un litro ca lataxa. Qaq 'eca ca nachetaqtaxanaxat qaỹavigaxatta da ivita da dalaxaic so ca'agoxoic ye 'oonolec vi'i.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Esdras 3:6

Qaq na'aictaxa da ñaq saxanaxa da ỹo'ot so lo'oxonaxala' aso atamnaxaqui, qaq nache chegoqchiguiña so la'auaxanec na'a'q so ca'agoxoic siete, nache se'eso nhuo' le'ecpi ỹaneuo aso lachetaqtaxanaqtepi maye qaỹavigaxatta da qoỹanot Ñim Nataxala'.

Jeremías 33:18

qataq nam ntaxaỹaxanaxanecpi maye chegoxoguetpi so Leví, qaica qome ca saq aỹem ỹaatacot 'enauaque naua na'axa'te ana nachetaqtaxanaqtepi maye qaỹavigaxatta, qataq da ỹavigaxat ana nachetaqtaxanaqte nañiguishe ala, qataq da aỹem ỹanot ana laỹepi nachetaqtaxanaqtepi da Aỹem ỹo'oxoren.»

Levítico 1:2

«Qonapega qome na Israel le'ecpi, da huo'o ca 'oonolec namayepi da Aỹem ỹanot ca lachetaqtaxanaxat shiguiỹac, nache ndouo ca huaca, qagueta huo'otaq quetaq.

Levítico 23:2

«Qonapega qome na Israel le'ecpi da 'ena na laloxoquipi na naponaxacpi maye ỹalamaxat, qaq qami' qauo'oche qome ne'ena naponaxacpi da yaqto' Aỹem qavio'oxoyiñi. Aỹem Nataxala' maye llapaxañi damaye.

2 Crónicas 31:14

Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.

Nehemías 10:34

Qaq so nachetaqtaxanaxat qo'oipaqpi maye norec lashec, somaye ñalletaxagui qomi' ntaxaỹaxanaxanecpi qataq leviitapi, nataqa'en 'enauac se'eso maiche nhuo' le'ecpi, da yaqto' qaỹaỹaten negue't ca talec da ndouo ca qo'oipaq se'eso maiche nalamaxat ñalaqpi, qataq yaqto' da ivireuga ca laloqo' so 'oonolec vi'i, nache que'eca qo'oipaqpi qandoua'a añi atamnaxaqui maye lalamaqte Ñim Nataxala' maye Qanatamnaxala', da yaqto' qaỹaloolec ca norec aso lca'atoxonaxalate, da yaqto' qaipacchiguilo naua 'ena'ape na nqataxacpi maye nanettañi.