Esdras 3:4 - La'aqtaqa Ñim Lo'onatac 'Enauacna 2013

⁴ Ime, nache ỹo'ot so lquia'axac maye naigui da iuennate co'ollaq netaigui so nauecañi nỹecpiolec da yaqto' ipacchiguilo naua nanettrañi nqataxaco. Nache ỹaneuo so lachetaqtaxanaxatpi maye ỹaneuo ye na'a'q,

Toba del Oeste

⁴ Ca'li yovita ga'me nolo' jo'ne tachigui da'me yauote ga'me neualayaĝac jo'ne qonauelo jogaa'me nomachaĝaiqui', nach'ega jo'ne uaye jaga'me namajoĝonaqate jo'ne nediije, qama'le jaa'me noloqo'ote yauote lajaqaje'j jo'ne qoyegoue, ga'me yaqanate't nale joga'me nolo'.

Esdras 3:4 Referans Kwoze

Éxodo 23:16

Nataqa'en qauo'oche qome ca qaraponaxaqui da ivita da qanqache ca la'auaxanec ala ca qorañiguishequi maye qaỹa'añiilec ca qana'alhuai, qaq nache 'ena'am da ivita da qanqache ca pa'atec ala 'enauac cam qorañiguishequi que'eca vi'i.

Juan 7:37

Qaq som pa'atec na'a'q soua na'axa'te maye laloxoqui' da qanayenaiguilo naua npe'lolqa, qo'oipaq lcouepi som ỹataqta ỹactec da la'amaqchec. Nache se'eso na'a'q nachaañi So Jesús, nache ỹataqta nlamaxaren da detaqa, 'eeta': –Ca huo'o na laquip, qaq no'on da Aỹem naua'a, yaqto' nỹom.

Juan 7:2

Qalaxaye mashe saqaỹapeque so naponaxac maye ivittre'c soua siete na'axa'te maye laloxoqui' da qanayenaiguilo naua qaỹa'ara'a't npe'lolqa qo'oipaq lcouepi.

Jeremías 52:34

Qataq nataqa'en 'enauaque naua na'axa'te da nachaalataxac, nache choche ivitta'a so na'a'q co'ollaq ileu so Joaquín, da somaye ỹacootapeguet aso ntaunaqte ye na'a'q, maye chegoqtecot so nta'a ye Babilonia.

Éxodo 29:38

«Qaq 'enauaque naua na'axa'te da 'auachalec qome aca nca'atoxonaxalate da 'auavigaxattac aca nachetaqtaxanaqte. Ye 'oonolec na'a'q dos qagueta ca mashe ivi' ca 'oonolec vi'i ca 'aỹa'aareuo.

Éxodo 5:13

Nache so alleppi maye qaipataxalec somayepi, ỹataqta iỹalaqchet somaye da ipagaqteetapigui, yem lcata ye ivittac ye na'a'q co'ollaq ñaq qoỹaata'am na 'auaqpi.

1 Crónicas 16:37

Huaña nache so David, ipataxagueta so Asaf, qataq soua lqaỹa't da ilo'oguelo aso arca maye laỹe' soua lqataxaco Ñim Nataxala', yaqto' nache quetro'ot da huetrague' nam qaỹo'otpi ye na'a'q.

2 Crónicas 31:16

'enauac som nategueua'a aso atamnaxaqui da ỹo'ot nam lo'onatacpi ye na'a'q, ipacchigui ye laloqo' da inoxoneuo qataq da ỹo'ot da maiche lo'onataxanaxac, da yaqto' nanettalec aso lmalate, qataq qaỹalecneuo 'enauac so ñaqpiolec maye ivi' tres vi'iye da nachaalataxac ivira'a so ỹepi.

Levítico 23:33

Ñim Nataxala' 'enapega so Moisés, 'eeta':

Números 29:39

Qaq 'eca cam nachetaqtaxanaxatpi maye ishet da qaỹa'añiỹot Ñim Nataxala', da ivita ca laloxoqui ca ỹo'oxoraic qaraponaxaqui, qataq ca nachetaqtaxanaxat da qaipacchigui ca qoỹan na'aqtac, huo'otaq ca nachetaqtaxanaxat maye maiche qoỹaneuopi, huo'otaq ca qaỹavigaxatta maye huaqtalec ca 'ayiiña, qataq ca lataxa, huo'otaq ca nachetaqtaxanaxat maye qanhuaachigui.