Esdras 3:2 - La'aqtaqa Ñim Lo'onatac 'Enauacna 2013

² Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Toba del Oeste

² Chane'eja Josué jo'ne c'oĝot ñe'me Josadac, chayovida'alo gaa'me lecochaĝa'u jo'ne tamenaĝaiqui lo'olpi, ena'am jodi'me Zorobabel, c'oĝot di'me Salatiel, nataq'aen gaa'me laqaya'olqa, naqaegaua 'uauteda'aguet da'me 'noĝodijeguem ga'me c'atonaĝala' jo'ne Dios loĝot, qaedi yitaĝa qoyauo'oe gaa'me najaqae's jo'ne qoyeguedoue, qa'a naq'aeta ca'li jenjo' Moisés lamajoĝonaĝac, jiyaĝaua jo'ne Dios liquiyac ca'li.

Esdras 3:2 Referans Kwoze

Lucas 3:27

qaq somaye, nache lta'a so Joana, qaq so Joana, nache lta'a so Resa, qaq so Resa, nache lta'a so Zorobabel, qaq so Zorobabel, nache lta'a so Salatiel som llalec so Nerí,

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

1 Crónicas 3:17

Qaq so Jeconías, som qaỹo'orauec co'ollaxa, soua llalqa le'enaxa't Salatiel,

Zacarías 6:11

Qaq cam lcat plata, qataq cam lcat oro, maye 'alapoñiguishec, nache 'auo'onataxana qome da 'auo'ot aca aro'o, qaq qom ime, nache 'aỹa'anaxanaxangui ñim Josué maye lataxala' nam ntaxaỹaxanaxanecpi, ñim llalec so Josadac.

Zacarías 3:8

Qaq ñaq 'ana'axaỹaxaachiguiñi 'am Josué, 'am maye 'am lataxala' nam ntaxaỹaxanaxanecpi, qataq nataqa'en na'axaỹaxaachiguiñi qome, na 'artauapi maye ntaxaỹaxanaxanecpi, cha'aye 'enauac da qoñiita da qami' la'anaqa'ate qome da na'aqtaxanaxac maye, 'eeta': Aỹem ñanacot qome ñi ỹamaxashec, maye le'enaxat da Llaxataxa.

Zacarías 3:1

Ime, nache Ñim Nataxala' huaigui naqa'en so ỹauanaqchec, da aỹem ỹachaxana so Josué maye lataxala' na ntaxaỹaxanaxanecpi da qaitaxaỹapegue' Ñimaye. Somaye nachattañi datato'ot so piguem le'ec, maye lamaxashec Ñim Nataxala'. Qaq na aloic so Josué, nache huetaua'a so pa'aguenataxanaxaic da yaqto' ỹauo'o ca lasouaxashet somaye.

Hageo 2:23

Qaq que'eca na'a'q 'am Zorobabel, maye 'am ỹamaxashec, ỹataqta 'am ñetela'a qome, 'am 'eeta'am ñaqa'en añi ñechiguishaqte maye ỹa'anaxanaqte, cha'aye 'am lleca'aguishec co'ollaxa. Qaq 'era da ỹa'aqtac Aỹem Nataxala' maye Qaica ca Seqalanapec.»

Hageo 2:21

nache 'enapega da da'aqtaxanem so Zorobabel maye nta'a ye Judá, 'eeta': «Aỹem sacholaxan qome na piguem qataq ana 'alhua;

Hageo 1:14

Qaq 'era da 'eetec Ñim Nataxala' da ỹa'añaqchet so Zorobabel, maye nta'a ye Judá, qataq so Josué maye lataxala' so ntaxaỹaxanaxanecpi, qataq 'enauac so laỹepi nhuo' le'ecpi. Nache somayepi jec da do'onataxan da ỹo'ot so lma' Ñim Nataxala' maye Qaica ca Ỹaqalanapec,

Hageo 1:12

Nache so Zorobabel maye llalec so Salatiel, qataq so Josué maye llalec so Josadac, som lataxala' so ntaxaỹaxanaxanecpi, qataq 'enauac so nhuo' le'ecpi, ỹataqta huo'o da lcolanaxa co'ollaq hua'axaỹa da la'aqtac Ñim Nataxala' maye ỹa'axat so na'aqtaxanaxanec Hageo, qaq 'era da la'aqtac, Ñim Lo'onatac 'Enauacna maye Nataxala', da ỹamaxalec somaye da ỹa'axat.

Salmos 78:68

Qalaxaye lca'ateua'a co'ollaxa na nhuo' le'ecpi maye chegoxoguetpi so Judá, qataq añi lauotaqte qasoxonaxa ye Sión.

Nehemías 12:8

Qaq so leviitapi: Josué, Cadmiel, Serebías, Judá, qataq so Matanías, maye nachesoua som ilotrague' da no'onaxanaxac, da ivita da qaỹo'ot so ño'oxoonataxanaxac,

Nehemías 12:1

Qaq 'ena na le'enaxatpi so ntaxaỹaxanaxanecpi qataq so leviitapi maye ñe'eguelaq co'ollaxa chegaqa'a ye Babilonia, maye nnaictague' so Zorobabel, som llalec so Salatiel, qataq so Josué: So ntaxaỹaxanaxanecpi: Seraías, Jeremías, Esdras,

2 Crónicas 6:6

Qalaxaye aỹem lleca'ateua'a ye Jerusalén da yaqto' nache hueta'a da ỹe'enaxat, qataq lleca'ateua'a so David, da yaqto' ilo'ogue na ỹalamaxat nhuo' Israel le'ecpi.›

1 Crónicas 3:19

Qaq soua llalqa so Pedaías le'enaxa't Sorobabel qataq so Simea. Qaq soua llalqa so Zorobabel, le'enaxa't Mesulán qataq so Jananías, qaq aso Selomit nache lqaỹa't soomaye,

Éxodo 27:1

«Nataqa'en 'auo'ot qome aca nca'atoxonaxalate, chegaqaigui ana qo'oipaq acacia. Qaq acamaye ivi' qome dos metros y veinticinco centímetros ca lcateueegue 'enauaque caua cuatro laỹel, qataq un metro y veinticinco centímetros ye lshequitcheguema.

Esdras 3:8

Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Esdras 5:2

Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Números 28:2

«'Auamaxalec qome na Israel le'ecpi da ipacchigui naqa'en naua laloxoqui' da ỹaneuo aca lachetaqtaxanaqtepi maye ỹavigaxat, cha'aye aca'aca lachetaqtaxanaqtepi maye samaateguet da laitaỹaxac, acamaye maiche ỹalamaqte.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

1 Crónicas 23:14

Qaq so llalaqpi so Moisés maye lo'onataxanaxanec Ñim Lo'onatac 'Enauacna, qaimata'aguet da qanaloqten som chegoxoguetpi so Leví.

Esdras 10:18

Qaq 'ana ana lmalate so llalaqpi so ntaxaỹaxanaxanecpi maye huaroneguet co'ollaxa so 'alpi maye chegaqauec: So chegoxoguetpi so Josué, som llalec so Josadac, qataq soua lauo' lashe': Maseías, Eliezer, Jarib qataq so Gedalías,

Esdras 10:20

Qaq so chegoxogueta so Imer: Jananí qataq so Zebadías.

Esdras 10:21

Qaq so chegoxogueta so Jarín: Maseías, Elías, Semaías Yejiel qataq so Uzías.

Esdras 10:22

Qaq so chegoxogueta so Pasjur: Elioguenay, Maseías, Ismael, Natanael, Jozabad qataq so Elasa.