Esdras 3:11 - La'aqtaqa Ñim Lo'onatac 'Enauacna 2013

¹¹ Nache somayepi ỹaatacot da na'achecỹaxac Ñim Nataxala', nache 'eeta': «Qaỹa'añiitacot da qana'achecỹaxaqui Ñim Nataxala', cha'aye Ñimaye ỹataqta soxoraic, cha'aye de'era lauotaxanaqtaic na Israel le'ecpi ỹataqta chochaq tatec». Nache 'enauac se'eso nalamaxat nhuo' le'ecpi ỹataqta ỹa'alaqtagui da ntonaxac, qataq ỹo'oxoreetac Ñim Nataxala', cha'aye mashe qaỹo'ot so lo'oxonaxala' aso atamnaxaqui.

Toba del Oeste

¹¹ Uo'oe jogaa'me t'onaĝa'tape, yo'o'tape gaa'me nalaco jo'ne onaĝayaqa, qama'le uo'oe gaa'me 'yadeteguet ca'li: «¡Auañem adamaiqui joñe'me Jaliaĝanec! ¡Yataqata 'noota joñe'me, qa'a nach'e eta't ja pal da'me qo'mi noqopitalo, mach'e qo'mi Israel lec'oqo'tepi!» Qama'le yema ga'me jiyaĝadipi 'nalaĝadijeguem qa'a made'tape, nataq'aen yataqata 'nonaĝachedigui ñe'me Jaliaĝanec, qa'a male yitaĝa qo'noĝotapijeguem ga'me netamenaĝaiqui.

Esdras 3:11 Referans Kwoze

1 Crónicas 16:34

Qavio'oxoyiñi qome Ñim Nataxala' cha'aye Ñimaye ỹataqta soxoraic, qataq da lauotaxanaqtaic Ñimaye chochaq tatec.

Salmos 106:1

¡Qavio'oxoyiñi qome Ñim Nataxala'! Qavio'oxoyiñi qome Ñim Nataxala', cha'aye Ñimaye ỹataqta soxoraic, qataq chochaq tatec da lauotaxanaqtaic.

Salmos 107:1

Qaỹa'añiỹot qome da qana'achecỹaxaqui Ñim Nataxala' cha'aye ỹataqta soxoraic, qataq da lauotaxanaqtaic chochaq tatec.

Salmos 103:17

Qalaxaye da lauotaxanaqtaic Ñim Nataxala' chochaq tatec da huetalec nam huo'o naq 'enec naqa'en Ñimaye. Qataq da nalochiguiñi lo'onataxanaxac, nache huetalec qome cam llalaqpi namayepi,

Jeremías 33:11

ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Salmos 135:3

Qavio'oxoyiñi qome Ñim Nataxala', cha'aye Ñimaye ỹataqta soxoraic, qauo'oñeetac qome da le'enaxat cha'aye Ñimaye ỹataqta choxonnataxanaxaic.

Salmos 118:1

Qavio'oxoyiñi qome Ñim Nataxala' cha'aye Ñimaye ỹataqta soxoraic, qataq chochaq tatec da lauotaxanaqtaic.

2 Crónicas 7:3

Qaq so Israel le'ecpi co'ollaq ỹauaachigui da naañi so norec qataq da llo'oxoyec Ñim Nataxala' talec aso atamnaxaqui, nache somayepi ỹa'alyiñi naua l-llecte nache iviraxata'aguet na latap so coma', nache ỹo'oxoren qataq ỹanot da na'achecỹaxac Ñim Nataxala', 'eeta': «Ñim Nataxala' ỹataqta soxoraic, qaq da lauotaxanaqtaic chochaq tatec.»

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Nehemías 12:24

Nache so lataxala'pi so leviitapi: Jasabías, Serebías, Josué, Binuy, Cadmiel qataq so laỹepi maye datategueta soomaye naxa da qaỹo'ot da ño'oxonnataxanaxac da qoỹanot da 'achecỹaxac Ñim Nataxala', da yaqto' qaipacchigui da llec da lapaxañi so David.

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Éxodo 15:21

Nache aso María do'onaxan, 'eeta': «Qauo'onaxañi, qavio'oxoyiñi Ñim Nataxala', Ñim ỹo'oxoraic maye dauegaxan, Ñim iyiiñi naqa'en aso naigonapi qataq so caipi qataq som netalecpi somayepi».

Lucas 1:50

Ñimaye nache 'eetai' da ỹauotec 'enauac nam ỹo'oxoreetac Ñimaye.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Isaías 6:3

Nache ñi 'oonolec soomaye na'axanneque naua la'aqtaqa da detaqtega't, 'eeta': «Qui'itta, qui'itta, ỹataqta qui'itta Ñim Nataxala' maye Qaica ca Ỹaqalanapec. Da llo'oxoyec Ñimaye ỹataqta imattalec ana 'alhua.»

Salmos 47:1

Qami' ỹotta'a't shiỹaxauapi, qauaxañiỹa't naua qarhuaxayilli', qavio'oxoyiñi Ñim Lo'onatac 'Enauacna qaua'alqaitai' da qantonaxaqui.

1 Crónicas 16:41

Qaq nataqa'en ỹalecnoigui somayepi so Hemán, Jedutún qataq som laỹepi lca'aguishecpi da ipataxalec da no'onaxanaxac da qaỹo'oxoren Ñim Nataxala', cha'aye da lauotaxanaqtaic Ñimaye chochaq tatec.

Nehemías 12:40

Huaña nache soua dos so 'onaxanaxaicpi hua'alo soua maiche lpa'axaco aso atamnaxaqui maye lalamaqte Ñim Lo'onatac 'Enauacna. Qaq nache sheetec nataqa'en aỹem qataq so laỹepi nataxala'pi maye ñenaictague'pi.

Salmos 47:5

Ñim Lo'onatac 'Enauacna maye Nataxala' huenotsheguem, nache qaỹa'alaqtalec qataq qaỹashiiyigui ana nasheerepi souaxat da tonaxac.

Josué 6:5

Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Josué 6:16

Nache soua ntaxaỹaxanaxanaqa co'ollaq mashe ivi' siete da ỹe'eguelaxalec da ỹashiiyigui soua lasheerel, nache so Josué 'enapega so shiỹaxauapi, 'eeta': «¡Qaua'alqai! Cha'aye Ñim Nataxala', qami' ỹanema ne'ena huaqta'a't nỹecpi.

Josué 6:10

Qalaxaye so Josué 'enapega so shiỹaxauapi da ỹe'emaqtom nato' qom ivita da 'enapega da ỹa'alaq, nache ỹataqta na'axannec da la'alaxac.

2 Crónicas 5:13

Nache somayepi 'enauac da nmasheguem da do'onaxaata'ai' aso lviquepi, ỹo'oxoreetac qataq ỹaatacot da na'achecỹaxac Ñim Nataxala'. Qaq somayepi co'ollaq nlamaxaren da do'onaxaata'ai' aso lasheerepi, simbalopi, qataq aso laỹepi nviquepi, nache do'onaxaato'ot Ñim Nataxala', 'eeta': «Qavio'oxoyiñi Ñim Nataxala', cha'aye Ñimaye soxoraic, qataq chochaq tatec da lauotaxanaqtaic.» Huaña co'ollaxa nache aso atamnaxaqui maye lalamaqte Ñim Nataxala', ỹataqta nlaqchigui so napalñi lo'oc.

Salmos 100:5

Cha'aye Ñim Nataxala' ỹataqta soxoraic, da lta'araic lauotaxanaqtaic chochaq tatec, qataq chochaq tatec da saishet da nquic da lataxac.

Salmos 131:1

'Am Nataxala', da iquiyaqteỹaxac saishet da ño'oxonnaxaic, qataq saishet da na'amqaanaxaiqa naua ỹa'ai'te, qataq sa ñemitta'a ca lta'araic ỹa'amaqchec, qataq ca ỹapaguec da llo'oxoyec maye sa ñaloua'a.

Zacarías 4:7

Qaq ¿chenegue'to' 'am 'amaqtaqai qasoxonaxa? ¡Ye 'am ỹauaachigui qome ñi Zorobabel, da 'am qanquigaxaañi nache 'avi'eguelaxa da qoneta'am ca nalochiguiñi 'alhua! Qaq ñim Zorobabel qom nqatec cam coma' maye ỹataqta 'ana'attalec, nache nam shiỹaxauapi ỹa'alaqtagui qome, 'eeta': ¡Maye sa no'onolec! ¡Maye sa no'onolec!»

Hageo 2:3

«Nam ỹauaachigui co'ollaxa da llo'oxoyec aso hua'auñi atamnaxaqui, no'on da ỹa'axat, chaq 'eetec nagui añim dalaxai atamnaxaqui. ¿Peta'a qaica naqa'en ca lyac da naloqneguet asom hua'auñi?