Esdras 3:10 - La'aqtaqa Ñim Lo'onatac 'Enauacna 2013

¹⁰ Qaq so nỹec lo'opi so mashe ỹo'ot so lo'oxonaxala' aso atamnaxaqui maye lalamaqte Ñim Nataxala', somayepi nachaateua'a so ntaxaỹaxanaxanecpi, ỹaatrañi soua alogo lo'onataxanaxaqui', qataq ỹauota'a aso lasheerepi. Qaq so leviitapi maye chegoxoguetpi so Asaf, somayepi ỹauota'a aso lasaquiaxanata da qaỹo'oxoren Ñim Nataxala', nache qaipacchigui da lamaxasoxonaxac so nta'a David.

Toba del Oeste

¹⁰ Ca'li gaa'me 'noĝodijeguem male ye't jaga'me p'añe jena'me tamenaĝaiqui Jaliaĝanec loĝot, qama'le gaa'me tamenaĝaiqui lo'ol yataqata nechachidiñi, yatedañe naa'me leuo lael 'lonataĝanaĝaiqui', lajoqot'alo naa'me lajeedel. Gaa'me levita laje' jo'ne chiyoĝoteguet di'me Asaf yachi'y naa'me latoviaĝanatal, qa'a male 'nonaĝachedigui ñe'me Jaliaĝanec, qa'a naq'aeta ga'me lamajoĝonaĝac ca'li di'me David, jaliaĝanec di'me Israel.

Esdras 3:10 Referans Kwoze

Zacarías 4:10

«Cha'aye nam qaica ca ỹanapoigui som saq 'amaqtaq maye chegoqchiguiña de'era no'onataxanaxac, namayepi ntonapigui' qom ila'a so Zorobabel da imatta de'era no'onataxanaxac.» Qaq ime, nache so namaxashec piguem le'ec qaltaq, 'eeta': «Ñe'eñeua siete ncoỹaraxanaxaqui', nache la'aitel Ñim Nataxala', maye imeteetrac 'enauac ana 'alhua.»

2 Crónicas 35:15

Qaq so 'onaxanaxaicpi maye chegoxoguetpi so Asaf, nataqa'en hueta'a so maiche lo'onataxanaqa'pi, qaq ipacchigui na lapaxañipi co'ollaxa so David, Asaf, Hemán qataq so Jedutún so huo'oi naua l-loxoco maye do'onataxaatacot so nta'a. Qaq ñi 'oonolec so lasom lo'opi, qalaq hueta'a so maiche lauanec lasom, qaq ñi 'oonolec somayepi saishet da ca'ai som lo'onataxanaqa'pi, cha'aye so lo'onataxanaxauapi leviitapi maiche ỹaỹamaxatteguiñi co'ollaxa so nachetaqtaxanaxatpi maye taỹot somayepi.

1 Crónicas 23:5

qataq cuatro mil so lasom lo'opi, qataq so laỹe cuatro mil, nache pa'aỹa'aguet da no'onaxanaxac da qaỹo'oxoren Ñim Nataxala' ỹauota'a aso lviquepi, asom damaxasoxoolec co'ollaxa so David, da yaqto' qaỹo'ogoxona da qaỹo'ot dam ño'oxonnataxanaxac.

1 Crónicas 16:42

Qaq so Hemán qataq so Jedutún, nachesoua soua ỹashettrapigui soua nasheerel, qataq da iuaxaata'a't soua natoviaxanataqa lcat, qataq aso laỹe nviquepi, da yaqto' ỹaueca'aguet da no'onaxanaxac da qaỹo'onaxaato'ot Ñim Lo'onatac 'Enauacna. Qaq soua llalqa so Jedutún, nachesoua soua ilotrague' so ñegueuo so npe'l.

1 Crónicas 16:37

Huaña nache so David, ipataxagueta so Asaf, qataq soua lqaỹa't da ilo'oguelo aso arca maye laỹe' soua lqataxaco Ñim Nataxala', yaqto' nache quetro'ot da huetrague' nam qaỹo'otpi ye na'a'q.

1 Crónicas 15:27

Qaq so David, huomtaigui so lapo' maye chegaqaigui na ỹataqta no'on lino, qataq nataqa'en so leviitapi maye ỹachetac aso laỹe' soua nqataxaco, nataqa'en so 'onaxanaxaicpi, qataq so Quenanías maye ilotague' da no'onaxanaxac. Qaq so David, nataqa'en nqolaataña so efod maye chegaqaigui na lino.

1 Crónicas 15:24

Qaq soua ntaxaỹaxanaxanaqa Sebanías, Josafat, Natanael, Amasay, Zacarías, Benaías qataq so Eliezer, nachesoua soua nasheere lo'o da huaña ye datatauga ye hueta'a aso laỹe' soua lqataxaco Ñim Lo'onatac 'Enauacna. Qaq so Obed Edom qataq so Yejías, soomaye nataqa'en ilotrague' so ñegueuo so npe'l maye netaigui aso laỹe' soua nqataxaco.

1 Samuel 22:18

Nache, so nta'a qaltaq ỹamaq so Doeg, 'eeta': ¡'Asoma 'am 'aualauat namayepi! Nache so Doeg, ỹe'egueeta'a da ỹalauat se'eso ntaxaỹaxanaxanecpi, nache se'eso na'a'q ỹalauat so ochenta y cinco ỹalleppi maye ỹaatañi na nhuomaigui lomaxaqui le'enaxat efod maye chegaqaigui na lino.

Esdras 5:16

Qaq co'ollaq mashe nvita na Jerusalén so Sesbasar, nache somaye lapaxañi so lo'oxonaxala' ana atamnaxaqui maye lalamaqte Ñim Lo'onatac 'Enauacna. Qaq nache chegoqchiguiña da qano'oxootapiguisheguem anamaye, qalaxaye ñaq saxanaxa da ime.

Salmos 150:5

Qavio'oxoyiñi qauauoita'a ca natoviaxanatacpi, qavio'oxoyiñi qauauoita'a ca ỹataqta alam natoviaxanatacpi.

Hageo 2:15

Qaq nagui no'on da qauennataxañeelec 'enauac de'era. Nagui da ñaq taỹa'a da qano'oxoñiisheguem añi atamnaxaqui,

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Zacarías 4:7

Qaq ¿chenegue'to' 'am 'amaqtaqai qasoxonaxa? ¡Ye 'am ỹauaachigui qome ñi Zorobabel, da 'am qanquigaxaañi nache 'avi'eguelaxa da qoneta'am ca nalochiguiñi 'alhua! Qaq ñim Zorobabel qom nqatec cam coma' maye ỹataqta 'ana'attalec, nache nam shiỹaxauapi ỹa'alaqtagui qome, 'eeta': ¡Maye sa no'onolec! ¡Maye sa no'onolec!»

Zacarías 6:12

Qaq nache qonapega qome, qoneta': ‹Ñim Nataxala' maye Qaica ca Ỹaqalanapec, ỹataqta 'eesa da la'aqtac, da ñim ỹale maye le'enaxat Llaxataxa, ñaxatsheguem qome chegoqtoiguilo naua maiche lpa'aye, nache qaltaq no'oxoosheguem qome añi atamnaxaqui maye ỹalamaqte.

Zacarías 7:3

qataq da inat so na'aqtaxanaxanecpi, qataq so ntaxaỹaxanaxanecpi maye ilotague' aso atamnaxaqui maye lalamaqte Ñim Nataxala' maye Qaica ca Ỹaqalanapec, 'eeta': «¿Peta'a nache qolaqto'ot da so'otaqtac da qaraquicoxo qataq da qanqouaqchetaxac da ivireuga so ca'agoxoic cinco ye 'oonolec vi'i, dam ñanaguenaqto'ot da so'otaqtac choche ivitta'a nagui?»

1 Crónicas 25:25

Qataq so Jananí, lỹatreuo soua llalqa, qataq soua lqaỹa't, qaq da ima'a't nache ivi' doce.

2 Crónicas 5:12

Qaq so leviitapi maye 'onaxanaxaicpi, som Asaf, Hemán, qataq so Jedutún, lỹateuo so llalaqpi qataq so laỹepi lauo' le'ecpi, somayepi nachattañi ỹaatañi so logoxot lino, nache hueta'a ye pa'aỹa'ague da nala' lliguisheguem aso nca'atoxonaxalate. Qaq somayepi nache ỹauota'a so latoviaxanatacpi, lasaquiaxanatapi, arpapi, qataq aso liirapi, qaq somayepi nache ỹalecta'aguet so ciento veinte ntaxaỹaxanaxanecpi maye ỹashettapigui aso lasheerepi.

2 Crónicas 35:14

Qaq ime, nache so leviitapi ỹaỹamaxaañi som maiche taỹot somayepi qataq so ntaxaỹaxanaxanecpi, cha'aye so ntaxaỹaxanaxanecpi maye chegoxoguetpi so Aarón, ỹataqta imela't iviraigui so pe da ỹaategueuo so nachetaqtaxanaxatpi maye qaỹavigaxatta qataq so lcheta. Qaq ỹoqo'oye so leviitapi huetague' co'ollaxa da ỹaỹamaxatteguiñi som maiche taỹot somayepi, qataq so ntaxaỹaxanaxanecpi maye chegoxoguet so Aarón.

Esdras 2:41

Qaq so no'onaxanaxanecpi som llalaqpi so Asaf, ivi' ciento veintiocho ye lcata.