Biblia Todo Logo
Bib sou entènèt

- Piblisite -




Esdras 2:2 - La'aqtaqa Ñim Lo'onatac 'Enauacna 2013

2 Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

Gade chapit la Kopi

Toba del Oeste

2 Qodajotalo'te joga'me Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm nataq'aen Baaná:

Gade chapit la Kopi




Esdras 2:2
24 Referans Kwoze  

¡Qalaxaye 'ana'añaxat nagui 'am Zorobabel! ¡Qataq 'ana'añaxat 'am Josué, maye 'am lataxala' nam ntaxaỹaxanaxanecpi! Qataq qana'añaxache 'enauac qami' nhuo' le'ecpi, maye qoñeetalec ne'ena 'alhua. Qauo'onataxañe, cha'aye Aỹem qami' soota'agueta. Qaq 'era da ỹa'aqtac Aỹem Nataxala' maye Qaica ca Seqalanapec.


Qaq 'era da 'eetec Ñim Nataxala' da ỹa'añaqchet so Zorobabel, maye nta'a ye Judá, qataq so Josué maye lataxala' so ntaxaỹaxanaxanecpi, qataq 'enauac so laỹepi nhuo' le'ecpi. Nache somayepi jec da do'onataxan da ỹo'ot so lma' Ñim Nataxala' maye Qaica ca Ỹaqalanapec,


Nache so Zorobabel maye llalec so Salatiel, qataq so Josué maye llalec so Josadac, som lataxala' so ntaxaỹaxanaxanecpi, qataq 'enauac so nhuo' le'ecpi, ỹataqta huo'o da lcolanaxa co'ollaq hua'axaỹa da la'aqtac Ñim Nataxala' maye ỹa'axat so na'aqtaxanaxanec Hageo, qaq 'era da la'aqtac, Ñim Lo'onatac 'Enauacna maye Nataxala', da ỹamaxalec somaye da ỹa'axat.


Qaq se'eso ñe'eguelaqpi co'ollaxa nache lataxala' so Zorobabel, Josué, Nehemías, Azariás, Raamías, Najamaní, Mardoqueo, Bilsán, Misperet, Bigvay, Nejún qataq so Baná. Qaq 'ana ana le'enaxat lmalate so Israel le'ecpi maye ñe'eguelaq co'ollaxa:


Qaq so Josué ỹaatrañe soua ỹataqta nshepaxa'n alogo, qataq ña nachattañi datato'ot so piguem le'ec maye lamaxashec Ñim Nataxala'.


Ime, nache Ñim Nataxala' huaigui naqa'en so ỹauanaqchec, da aỹem ỹachaxana so Josué maye lataxala' na ntaxaỹaxanaxanecpi da qaitaxaỹapegue' Ñimaye. Somaye nachattañi datato'ot so piguem le'ec, maye lamaxashec Ñim Nataxala'. Qaq na aloic so Josué, nache huetaua'a so pa'aguenataxanaxaic da yaqto' ỹauo'o ca lasouaxashet somaye.


nache 'enapega da da'aqtaxanem so Zorobabel maye nta'a ye Judá, 'eeta': «Aỹem sacholaxan qome na piguem qataq ana 'alhua;


nache 'enapega da da'aqtaxanem so Zorobabel, qataq so Josué qataq som laỹepi nhuo' le'ecpi:


Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.


Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.


Qaq nataqa'en so lataxala' so huataxanaq lta'alpi le'enaxat Rejún, qataq so neraxanaxanec Simey, ỹamaxara aso lere so nta'a Artajerjes, nache ỹachetralec asomaye nam 'eetega lasouaxashetpi so netaña ye Jerusalén.


Qalaxaye so Zorobabel qataq so Josué, qataq so lataxala'pi so Israel le'ecpi, 'enapeco': 'A'i, qomi' sa seshetaq da qami' ñashenaqtegueta da qomi' qauauaqaigueta da ño'oxonaxasheguem añi atamnaxaqui maye lalamaqte Ñim Qanatamnaxala'. Qomi' ñeroqte' da souaqapegue' da ño'oxonaxasheguem añi atamnaxaqui maye lalamaqte Ñim Nataxala', maye Natamnaxala' so Israel le'ecpi, cha'aye nachera da lamaxasoxonaxac ñi Ciro, maye nta'a ye Persia.


Qaq da ima'a't 'enauac se'eso nogoxoshetpi maye chegaqaigui so oro qataq so plata, nache ivi' cinco mil cuatrocientos. Qaq 'enauac se'eso nogoxoshetpi ỹache so Sesbasar co'ollaq ỹe'eguelaxa ye Jerusalén, lỹatec so judiopi som hueta'a ye Babilonia maye noxonecpi co'ollaxa.


So Nabucodonosor maye nta'a ye Babilonia, somaye loxonec co'ollaxa so qalota judiopi, nache ỹaueegue da Babilonia. Qaq so llalaqpi se'eso noxonecpi nacheso som ỹe'eguelaxa ye Jerusalén, qataq so lauoreuapi nma'piolec maye huaigui ye Judá. Huaña nache ñi 'oonolec somayepi ỹe'eguelaxa so lma'pi.


Som chegoxoguetpi so Paros, ivi' dos mil ciento setenta y dos, ye lcata somayepi.


Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.


Ime, nache so Ciro ỹanem so Mitríades, maye ilotague' aso alom so nta'a. Qaq somaye co'ollaq imat da naloqteetega't, nache ỹanem so Sesbasar, som lataxala' so lma' ye Judá.


Qaq 'ana ana lmalate maye nanettalec, na lataxala'pi na nalamaxat nhuo' le'ecpi, maye nnaictague' so Esdras, chegoqchiguiña ye Babilonia, maye huetoigui da lo'onataxanaxac so nta'a Artajerjes co'ollaq ñe'eguelaq:


Qaq se'esoua na'axa'te maye huetoiguilo so Zorobabel qataq so Nehemías, nache 'enauaque soua na'axa'te da so Israel le'ecpi ỹanem naxa so 'onaxanaxaicpi, qataq lasom lo'opi qataq so leviitapi aso lachetaqtaxanaqte, qaq nache 'eetec naqa'en da huo'o ana ỹanem so chegoxoguetpi so Aarón.


Swiv nou:

Piblisite


Piblisite