Esdras 2:1 - La'aqtaqa Ñim Lo'onatac 'Enauacna 2013

¹ So Nabucodonosor maye nta'a ye Babilonia, somaye loxonec co'ollaxa so qalota judiopi, nache ỹaueegue da Babilonia. Qaq so llalaqpi se'eso noxonecpi nacheso som ỹe'eguelaxa ye Jerusalén, qataq so lauoreuapi nma'piolec maye huaigui ye Judá. Huaña nache ñi 'oonolec somayepi ỹe'eguelaxa so lma'pi.

Toba del Oeste

¹ Janjo' jana'me nedaĝanaĝalate jo'ne uayelo gaa'me lenaqa'te gaa'me Israel lec'oqo'tepi jo'ne lañoqo't di'me Judá, jo'ne qoyauetegue ca'li di'me Babilonia, ca'li 'uo joñe'me jaliaĝanec Nabucodonosor, qama'le naa'me naajo' noloqo'ote male qauadegue 'viyelaĝadeta jodi'me noic jo'ne Jerusalén. Nataq'aen uo'oe gaa'me laqaya' jo'ne yec'atalo gaa'me noyaqa laqaya', qama'le onolqa'tape da'me yec'adeta naa'me mach'e 'lachaqa'te.

Esdras 2:1 Referans Kwoze

2 Reyes 25:11

Huaña nache so Nabuzaradán, maye 'amaqtaqaic lamaxashec so nta'a, ỹauega ye Babilonia som no'onaña co'ollaxa se'eso huaqta'a't nỹecpi, qataq som itaunaua'a co'ollaxa som nta'a ye Babilonia, qataq som sa nqalaate' da huo'o na ỹo'ot.

Hechos 23:34

Qaq co'ollaq imat da itaxaỹaxaatac aso nere so nta'a, nache inattac so Pablo da chaq hua'ague ca chegoqchiguiña. Qaq co'ollaq mashe ỹaỹaten somaye da chegoqta'ague da 'alhua Cilicia.

Sofonías 2:7

Qaq cam lca'alaxaicpi qome na nhuo' le'ecpi maye lma' ye Judá, nalec qome yi'iye 'alhua qom anac Ñim Nataxala' maye Natamnaxala' namayepi, da itauan qataq naralaxat da na'achecỹaxac namayepi. Qaq nache hueta'a qome yemaye da ilotague' ana lalo qaguetapi, qaq ye pe qalaq hueta'a qome ye lma' so Ascalón da nmatec.

Lamentaciones 4:22

'Am huaqta'a't nỹecpi Sión, da 'anhuaxanaguec mashe ime, Ñim Nataxala' saishet qome da ỹe'eguelaxa da 'am ỹaneguet da 'ananoxonaguec. Qalaxaye 'am huaqta'a't nỹecpi Edom, Ñim Nataxala' ỹauo'o qome da 'anhuaxanaguec, souaxat nam qauem maye 'auo'otpi, qataq ỹachaxan nam 'arasouaxashetpi.

Lamentaciones 1:5

Nam npa'aguenaxauapi co'ollaxa qalaq nachena nam na'aco'pi nagui, qataq na l-loquiaxauapi co'ollaxa nquictasheguem da lsallaxa nagui. Qaq cha'aye Ñim Nataxala', maiche ỹo'otec de'era laquicoxo, souaxat nam qalota lasouaxashetpi namayepi. Ỹoqo'oye som llalaqpi, qaỹauega ye ỹaqa'a 'alhua, ỹauec nam npa'aguenaxauapi namayepi.

Lamentaciones 1:3

So Judá le'ecpi noxonec nache qaỹauega ye lỹa 'alhua, ỹataqta daquico qataq nque'etaxangui da qapa'atta lo'onataxanaxac. Som ilotague' co'ollaxa da no'onataxanaxac, qaq nagui qalaq qaica ca nmataqa' qanqa'en. Na mpa'aguenaxauapi co'ollaxa loxonec somayepi, nache ỹataqta qaica ca ldaqa' naqa'en.

Ester 8:9

Qaq nache sa qaỹaỹaloxon da qaiỹaxaneuga so leraxanaxanecpi so nta'a. Qaq damaye huetoigui so na'a'q veintitrés so ca'agoxoic tres, som le'enaxat Siván, nache 'enauac som damaxasoxoolecpi so Mardoqueo, qoỹiyiñi da yaqto' taỹa'a so judiopi, qataq so nta'alpi maye ilotague' so laỹepi 'alhuapi, qataq so laỹepi nataxala'pi maye hueta'a so ciento veintisiete 'alhuapi, chegoqchiguiña ye la India, nache ivitta'a ye Etiopía, qaq aso nerepi qalaq qoỹettaleguete naua maiche la'aqtaqa, qataq dam maiche leraxanaxac som shiỹaxauapi maye hueta'a nam 'alhuapi. Qaq nataqa'en qoỹerelec asomaye naua la'aqtaqa, qataq da maiche leraxanaxac so judiopi.

Ester 1:11

da yaqto' ỹe'eguenauga da ỹauegueua'a somaye aso nate'e Vasti, qataq da ỹaatañi naqa'en aso naro'o aca nate'e, yaqto' so nhuo' le'ecpi, qataq so 'amaqtaqaicpi ỹalleppi, ishet da ỹa'aalac da lyac aso nate'e, cha'aye asomaye 'eesa da 'onaxai.

Ester 1:8

Qalaxaye so nta'a ỹanem co'ollaxa so la'aqtac som lataxala'pi som namaxashecpi maye hueta'a so nma' lta'araic, da qaica ca qaỹamaqtalec da nỹomigui so lataxa, nacherata da ñi 'oonolec so maxasoxoicpi maicheye cam iỹaxaneua'a da nỹomgui.

Ester 1:3

Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

Ester 1:1

De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,

Esdras 6:2

Qaq so nma' lta'araic maye naña ye Acmeta, maye huaigui ye 'alhua Media, nache huaña co'ollaq qailalec aso nere maye huetalec so na'aqtac, 'eeta':

Esdras 5:8

'Am sa'aqtaxanaxam da qomi' mashe souaqta'a ye 'alhua Judá, qataq seviraqa'a añi atamnaxaqui maye lalamaqte Ñim 'Amaqtaqaic Lo'onatac 'Enauacna, maye qano'oxootapiguisheguem, lo'oxonaxat qanqa'en na lta'araic coma', qataq qalapaxaua'alo naua laỹel na ỹataqta no'on qo'oipaq. Qataq ỹataqta qaiỹalapegue' de'era no'onataxanaxac da saqaỹaỹaloxon da qaimat.

Esdras 1:11

Qaq da ima'a't 'enauac se'eso nogoxoshetpi maye chegaqaigui so oro qataq so plata, nache ivi' cinco mil cuatrocientos. Qaq 'enauac se'eso nogoxoshetpi ỹache so Sesbasar co'ollaq ỹe'eguelaxa ye Jerusalén, lỹatec so judiopi som hueta'a ye Babilonia maye noxonecpi co'ollaxa.

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

Esdras 8:35

Qaq so mashe ime 'enauac de'era, nache so ñe'eguelaqpi maye chegaqa'a ye Babilonia, ndouo so doce huaca llalaqpi, qataq noventa y seis so qagueta lhuaraicpi, qataq setenta y siete so qagueta llalaqpi, qataq doce soua quetaq, da lachetaqtaxanaxatpi da qaỹapalaxat na lasouaxashetpi. Nache 'enauac somayepi qaỹavigaxat da qaỹo'oxoren Ñim Nataxala'.

Nehemías 12:1

Qaq 'ena na le'enaxatpi so ntaxaỹaxanaxanecpi qataq so leviitapi maye ñe'eguelaq co'ollaxa chegaqa'a ye Babilonia, maye nnaictague' so Zorobabel, som llalec so Salatiel, qataq so Josué: So ntaxaỹaxanaxanecpi: Seraías, Jeremías, Esdras,

1 Crónicas 9:1

Qaq 'era da 'eetec da 'enauac so Israel le'ecpi, da qoỹettaua'a aso lere so nta'alpi ye Israel. Qaq so shiỹaxauapi maye Judá le'ecpi, qaỹauega co'ollaxa ye Babilonia, souaxat da lle'etaxaloxo.

1 Crónicas 9:2

Qaq som hua'auñipi da ỹe'eguelaxa da nalec som maiche lalamaxat lma'pi, qataq da naigui som huaqta'a't nỹecpi, nacheso som Israel le'ecpi, ntaxaỹaxanaxanecpi, leviitapi qataq som huetague'pi naxa aso atamnaxaqui.

Esdras 2:70

Qaq so ntaxaỹaxanaxanecpi, qataq so leviitapi, qataq huo'o so laỹepi da naña co'ollaxa ye Jerusalén, qalaxaye so no'onaxanaxanecpi, qataq so lasom lo'opi, qataq so namaxashecpi maye ilotague' aso atamnaxaqui, qataq so laỹepi Israel le'ecpi ỹe'eguelaxa co'ollaxa so maiche chegoqchiguiña lma'pi.

Isaías 48:20

Qoquiỹa'ai na babilonia qautaiueguesop na caldeopi. Qaua'axachiiuec de'era na'axaỹaxac nache qaua'alqai souaxat da qantonaxaqui, qataq qaviraxacha'a nam hueta'a na pa'atec ana 'alhua, qoñeeta': «¡Ñim Nataxala' isouec so Jacob maye lamaxashec!»

Jeremías 50:19

Nache na Israel le'ecpi so'ot qome da ỹe'eguelaxa ye maiche na'alhua, qaq huaña nache 'eeta'am ana qaguetapi da huetangui na aloq 'auaqpi da hueta'a ye Carmelo qataq ye Basán, qataq aye qasoxonaxapi maye huaña ye Efraín qataq ye Galad.