Esdras 10:9 - La'aqtaqa Ñim Lo'onatac 'Enauacna 2013

⁹ Nache so inoxoorec soua tres na'axa'te, maye huetoiguilo so na'a'q veinte so ca'agoxoic nueve, nache 'enauac so ỹalleppi maye chegoxoguetpi so Judá, qataq so Benjamín, laponaqa' ye Jerusalén. Qaq 'enauac somayepi hueta'a so nqasoxoc aso atamnaxaqui maye lalamaqte Ñim Lo'onatac 'Enauacna. Nache 'enauac somayepi ỹataqta iviloxola't souaxat da la'aqtac so Secanías, qataq souaxat so auot maye nactañi.

Toba del Oeste

⁹ Chane'eja ca'li yenoĝodegue tres gaa'me noloqo'ote, male yauote da'me lojaĝac di'me Jerusalén. Yemeda jogaa'me jiyaĝadipi jo'ne chiyoĝoteguet di'me Judá nataq'aen di'me 'naleua gaa'me lec'oqo'tepi di'me Benjamín, nolo' jo'ne veinte, auoĝoic jo'ne noveno, ca'li male yema ñichidiñe joga'me nejapichaqa' jo'ne na'ña lae di'me tamenaĝaiqui jo'ne Dios loĝot. Yataqata 'uo da'me loqolanaqa't yajouaĝat joga'me 'laqatac ñe'me Secanías ca'li yataqata qot'oiya, nataq'aen male 'uo joga'me uotep let'adaic.

Esdras 10:9 Referans Kwoze

Jeremías 10:13

Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Ester 2:16

Nache aso Ester, qaỹauegueua'a so nma' lta'araic da yaqto' nachaateua'a qanqa'en so nta'a Asuero, huetoigui so ca'agoxoic diez, maye nataqa'en le'enaxat Tebet, co'ollaq mashe ivi' soua siete vi'iye da lo'onataxanaxac somaye.

Esdras 9:4

Qaq huaña nache 'enauac nam huo'o naq 'enec naqa'en da la'aqtac Ñim Natamnaxala' na Israel le'ecpi, ỹataqta daquico souaxat da lasouaxashet ne'ena cheta'ague da ñe'eguelaq nache aỹem qaicoleesop, qalaxaye aỹem nache ñeso'ootañi, qaica ca ỹa'añaxac choche ivitta'a so laloqo' da qaỹo'ot so nachetaqtaxanaxat ye avit.

Esdras 10:3

Qaq nagui sanaxam da qara'aqtac Ñim Qanatamnaxala' da ñalaataxai' qome ana qaramoxouapi maye chegaqauec, qataq 'enauac na llalaqpi. Qataq so'otaq 'enauac ca qomi' 'auamaxaleguete, yaqto' sepagaqtelec na lamaxasoxonaxacpi Ñim Qanatamnaxala'. ¡Qataq ỹataqta salaxasoxoguet 'enauac na lqataxacpi Ñimaye!

Esdras 10:8

Nataqa'en qaiqattega 'enauac ca saishet da nvireuo caua tres na'axa'te maye naloqnaqa, maye ỹecchiguilo so nataxala'pi qataq so chegoqtacotpi na nqataxac, nache camaye qaiuotaxanec ca logoxoshetpi, qataq qaỹamaqhuec da ca'ai qanqoỹen som cheta'ague da ñe'eguelaqpi.

Esdras 10:10

Qaq huaña nache so ntaxaỹaxanaxanec Esdras nachaañi, nache 'enapeco': Qami' huo'o da qarasouaxashichi, cha'aye qauaroñiiguet na 'alpi maye natameetacot na ỹaqa'a atamnaxala'pi, qaq 'era da 'eetec da qanquigaxacheetauec da lasouaxashet na Israel le'ecpi.

Jeremías 36:22

Qaq souaxat da mashe qanayeetaigui so ca'agoxoic nueve, nache so nta'a netaigui so lma' da huo'o na latomaxa, datatangui so laỹe' ana poqo maye 'ettangui.