Esdras 10:8 - La'aqtaqa Ñim Lo'onatac 'Enauacna 2013

⁸ Nataqa'en qaiqattega 'enauac ca saishet da nvireuo caua tres na'axa'te maye naloqnaqa, maye ỹecchiguilo so nataxala'pi qataq so chegoqtacotpi na nqataxac, nache camaye qaiuotaxanec ca logoxoshetpi, qataq qaỹamaqhuec da ca'ai qanqoỹen som cheta'ague da ñe'eguelaqpi.

Toba del Oeste

⁸ Gaa'me najoĝola'te nataq'aen gaa'me paĝaguenataĝanaĝayaqa dojedapegue' joga'me jiyaĝadipi qaedi gamachaqaega joga'me jo'ne ja yec'ata qoyen nalo'taguet tres gaa'me noloqo'ote, qama'le qoyamaĝaye, qoye'n ca'ae jogaa'me chiyoĝotegue di'me Babilonia, chayovida'a yataqata qodoĝotaĝanec yema joga'me yauana.

Esdras 10:8 Referans Kwoze

Esdras 7:26

Qaq da huo'o ca sa ỹalaxaguet na lqataxacpi Ñim Lo'onatac 'Enauacna, qataq na ỹamaxasoxonaxacpi nache saqaỹaỹaloxon da qanmit, qataq qaỹauo'o ca nhuaxanaguec, qaỹo'orauec, huo'otaq da ỹauo'o qanqa'en aca lsheetenaxanaqte, qaicoñe', huo'otaq qaỹalauat camaye.»

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Juan 9:22

Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Mateo 18:17

Qaq camaye da saishet da ỹalaxagueta caua 'ara'aqtaxanaxau', nache 'am ishet da 'aua'aqtaxanem na 'amqaanataxanaxaicpi. Qaq da saishet da ỹalaxaguet namayepi, nache camaye 'eeta'am qanqa'en ca saishet da ỹa'amaqten Ñim Lo'onatac 'Enauacna, huo'otaq cam ỹacootapeeguet ana nsheetenaqte ca nta'a maye netaña ye Roma.

Nehemías 13:3

Qaq co'ollaq ime da qana'axaỹaxaatega se'eso nqataxacpi, nache qaỹamaqhuec da ca'ai qanqa'en ye Israel 'enauac so ỹaleeguet co'ollaxa so ỹaqa'a ca chegaqa'ague.

1 Samuel 11:7

Nache ỹaconeua'alo soua dos lauegaxanaxala'ate huaca, nache ipelcapiguilo, nache ỹauo'o so lamaxashecpi da yaqto' ỹamaxa 'enauac nam nañapi lma'pi so Israel le'ecpi so laỹelolqa soomaye. Nache da huo'o na ivita se'eso namaxashecpi, nache 'eeta': «'Era qome da qoỹeetec nataqa'en caua lauegaxanaxala'ate huaca cam saishet da datalec qataq quegue ñi Saúl qataq ñi Samuel.» Nache ỹataqta huo'o da lta'araic lcolanaxa so shiỹaxauapi, nache 'eco' da 'oonolec shiỹaxaua so ỹalleppi da dataleguete soomaye.

Jueces 21:5

Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Josué 6:19

Qalaxaye 'enauac na lcat plata, oro, qataq 'enauac na no'onataxanaxatpi maye chegaqaigui na bronce huo'otaq na laỹe lcatpi, namayepi qoỹanot qome Ñim Nataxala', nache qaỹachaigui ca laỹe' na lalamaxatpi Ñim Nataxala'.»

Levítico 27:28

Qaq da huo'otaq huo'o ca mashe ỹanot co'ollaxa Ñim Nataxala' ca lalamaxat logoxoshetpi, huo'otaq da shiỹaxaua, shiguiỹacpi, huo'otaq na'alhua da yaqto' nache 'eetai' da lalamaxat Ñimaye, nache saishet da imen, qataq da ñe'eguelaxaala't da desheenaxana, cha'aye ỹataqta sa qaishetapec, qataq mashe lalamaxat Ñim Nataxala'.

Esdras 10:7

Qaq co'ollaq mashe lcopata'ague de'era, nache qaiỹaxaneuga 'enauac so noxonecpi co'ollaxa maye cheta'ague da ñe'eguelaqpi maye netaña ye Judá, qataq ye Jerusalén som chegaqa'a co'ollaxa ye Babilonia, da ỹo'ot ca naponaxac maye huaña qanqoỹen ye Jerusalén.

Esdras 10:9

Nache so inoxoorec soua tres na'axa'te, maye huetoiguilo so na'a'q veinte so ca'agoxoic nueve, nache 'enauac so ỹalleppi maye chegoxoguetpi so Judá, qataq so Benjamín, laponaqa' ye Jerusalén. Qaq 'enauac somayepi hueta'a so nqasoxoc aso atamnaxaqui maye lalamaqte Ñim Lo'onatac 'Enauacna. Nache 'enauac somayepi ỹataqta iviloxola't souaxat da la'aqtac so Secanías, qataq souaxat so auot maye nactañi.

Nehemías 13:28

Qaq huo'o so 'oonolec llalec so Joyadá, som llalec so lataxala' so ntaxaỹaxanaxanec Eliasib, somaye so'orauec souaxat da lacho' so Sambalat maye horonita.