Esdras 10:6 - La'aqtaqa Ñim Lo'onatac 'Enauacna 2013

⁶ Ime, nache so Esdras nnoxonec, ca'ai aso atamnaxaqui maye lalamaqte Ñim Lo'onatac 'Enauacna, nache nqo'oneua'a so lanataxaqui so Johanán, som llalec so Eliasib. Ime, nache hueta'a se'eso pe qalaxaye saishet da huo'o ca chec, qataq saishet da nỹom, cha'aye ỹataqta lta'araic da laquicoxo, souaxat da saỹalaq se'eso shiỹaxauapi maye cheta'ague da ñe'eguelaq.

Toba del Oeste

⁶ Yem ca'li joñe'me Esdras male yenoĝonegue, ca'e joga'me tamenaĝaiqui jo'ne Dios loĝot, qama'le yec'ata joga'me uetapegoue ga'me Johanán, c'oĝot ñe'me Eliasib, qama'le ua'ña jo'me pi'yaq. Yataqata totelegue qa'a yajouaĝat ga'me nautenaĝa'j jogaa'me ca'li chiyoĝotegue di'me Babilonia, qama'le joñe'me yataqata ja deque'e nataq'aen ja niyom.

Esdras 10:6 Referans Kwoze

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

Nehemías 12:22

Qaq co'ollaq ña qanayeeta'agueta soua Eliasib, Joyadá, Johanán, qataq so Jadúa, nache huo'o co'ollaxa aso le'enaxat lmalate som leviitapi maye lataxala'pi som ñalaqpi, nataqa'en som ntaxaỹaxanaxanecpi, nache ivitta'a da lo'onataxanaxac so Darío, maye nta'a ye Persias.

Nehemías 3:1

Huaña nache so lataxala' na ntaxaỹaxanaxanecpi le'enaxat Eliasib qataq so ltauapi somaye, ỹe'eguelaxalec da ỹa'ara't so lasom maye qailonec da llegueuo ana qaguetapi, ime, nache ỹe'eguelaxatchiguiña so maiche lma' co'ollaxa, nataqa'en no'oxoosheguem so npaqtaxanaxat, chegoqchiguiña aso qailonec lalloxolate so Cien, nache ivitta'a aso lỹa nalloxolate le'enaxat Jananel.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Nehemías 13:28

Qaq huo'o so 'oonolec llalec so Joyadá, som llalec so lataxala' so ntaxaỹaxanaxanec Eliasib, somaye so'orauec souaxat da lacho' so Sambalat maye horonita.

Nehemías 13:5

Ỹoqo'oye ỹanaigui so nanataxaqui lta'araic maye laponaxaqui co'ollaxa so nachetaqtaxanaxatpi, nchenaxanaxat ama na laita, nogoxoshetpi, qataq aso diezmo maye chegaqaigui so ala so trigo, lataxa, qataq so aceite, maye nachetaxat so leviitapi, qataq so no'onaxanaxanecpi, lasom lo'opi qataq so nachetaqtaxanaxat maye talec so ntaxaỹaxanaxanecpi.

Nehemías 12:10

Qaq so chegoxoguetpi so Josué, Joyacín, Eliasib, Joyadá,

Nehemías 3:20

Qaq so Baruc, som llalec so Zabay, somaye no'oxoosheguem so npaqtaxanaxat maye chegoqchiguiña asa'aso lamaqai, nache ivitta'a so lma' so Eliasib, som lataxala' so ntaxaỹaxanaxanecpi.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Esdras 9:4

Qaq huaña nache 'enauac nam huo'o naq 'enec naqa'en da la'aqtac Ñim Natamnaxala' na Israel le'ecpi, ỹataqta daquico souaxat da lasouaxashet ne'ena cheta'ague da ñe'eguelaq nache aỹem qaicoleesop, qalaxaye aỹem nache ñeso'ootañi, qaica ca ỹa'añaxac choche ivitta'a so laloqo' da qaỹo'ot so nachetaqtaxanaxat ye avit.

Éxodo 34:28

Nache so Moisés no'onaisop co'ollaxa Ñim Nataxala', ivittrec soua cuarenta na'axa'te, qataq cuarenta pe', qataq saishet da deque'e, qataq saishet da nỹom. Huaña, nache ỹereleguete soua dos coma'ye soua diez nqataxaco.

Esdras 10:7

Qaq co'ollaq mashe lcopata'ague de'era, nache qaiỹaxaneuga 'enauac so noxonecpi co'ollaxa maye cheta'ague da ñe'eguelaqpi maye netaña ye Judá, qataq ye Jerusalén som chegaqa'a co'ollaxa ye Babilonia, da ỹo'ot ca naponaxac maye huaña qanqoỹen ye Jerusalén.

Salmos 102:4

Añi iquiyaqte qalaq nquicta'a't da la'añaxac, 'eeta'am aca huoue da nquicta'a da deqaqa, nache ivitta'a da qaica ca isoxo da iquia'axac.