Esdras 10:4 - La'aqtaqa Ñim Lo'onatac 'Enauacna 2013

⁴ Qoñisheguem qome, cha'aye 'am maye ỹoqta 'aro'onataxanaxac damaye, qaq qomi' 'am setauanaq. ¡'Ana'añaxat da 'auacoolec da 'auo'ot damaye!»

Toba del Oeste

⁴ Oñejeguem nayi, qa'a jena'me jenjo' nach'ena yataqata qoyen at'onatac, qama'le da'me qo'mi yataqata am yecochaĝa. ¡A'nañaĝadijeguem qama'le aue'et!»

Esdras 10:4 Referans Kwoze

1 Crónicas 28:10

Qaq ỹoqo'oye ỹataqta 'antoueeta'ac qome da Ñim Nataxala', 'am lca'aua'a da yaqto' 'ano'oxoosheguem ca nỹec maye lanataqa' qome ñimaye. Ỹoqo'oye 'ana'añaxatat qome, nache 'auacoolec da 'auo'ot camaye.»

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Hebreos 10:24

Qataq ñepogoxoinaqapegue' da ñetaunaxa't, qataq ñauotaxa't qataq so'otaq ca ỹaỹamaqchiguiñi.

1 Crónicas 22:19

Qaq nagui, ỹataqta imauec qome da qarquiyaqteỹaxaqui qataq da qanachaalataxaqui, da qanmichiỹaique Ñim Nataxala' maye Qanatamnaxala'ai. Qaq ỹoqo'oye nagui, qauacoñiilec qome da qauo'oche aca atamnaxaqui maye lalamaqte Ñim Lo'onatac 'Enauacna maye Nataxala', da yaqto' añi arca maye laỹe' da aỹamaxataxac, qataq nam no'onataxanaxatpi maye qoỹanot co'ollaxa Ñim Nataxala', nache qanquigaxachiỹa qome acam atamnaxaqui maye qano'oxoosheguem da lalamaqte Ñim Nataxala'.»

1 Crónicas 22:16

da do'onataxana na oro, plata, bronce qataq na lcat. Qaq ỹoqo'oye 'auacoolec qome da 'auo'ot de'era no'onataxanaxac, qaq Ñim Nataxala' 'am itauan qome.»

Marcos 13:34

Qaq de'era 'eeta'am ca shiỹaxaua da huo'otaq taigue ca qaỹoqtegue. Qalaxaye da yaqta'a da jec, nache iỹaxaneuga ca lamaxashecpi da ipataxalec da ilo'ogue ca lma'. Nache ñi 'oonolec ỹataqtac nam ipataxalec lo'onataxanaxac, qaq ca ilotague' ca lasom qalaq 'enapega da ỹataqta nlotec.

1 Crónicas 28:21

Qaq 'ena nam ỹalecta'a't ntaxaỹaxanaxanecpi qataq na leviitapi, maye lhuotta da pa'aỹa'aguet da ỹo'ot qome nam no'onatacpi aca'aca atamnaxaqui maye lalamaqte Ñim Lo'onatac 'Enauacna. Qaq nataqa'en 'am itauan qome nam shiỹaxauapi maye sa nqalaate' da ỹo'ot na ỹotta'a't no'onatacpi, qataq nam lataxala'pi 'enauac na nhuo' le'ecpi 'am itauan qome.»

Esdras 10:5

Qaq co'ollaq huaqchigui se'eso na'aqtac so Esdras nache nachaañi, da iỹaxaneuga so lataxala'pi so ntaxaỹaxanaxanecpi, qataq so leviitapi, qataq 'enauac so Israel le'ecpi nache 'enapega da 'enauac ipacchigui da la'aqtac so Secanía. Nache 'enauac somayepi ỹasat da ipacchigui se'eso na'aqtac.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.