Esdras 10:3 - La'aqtaqa Ñim Lo'onatac 'Enauacna 2013

³ Qaq nagui sanaxam da qara'aqtac Ñim Qanatamnaxala' da ñalaataxai' qome ana qaramoxouapi maye chegaqauec, qataq 'enauac na llalaqpi. Qataq so'otaq 'enauac ca qomi' 'auamaxaleguete, yaqto' sepagaqtelec na lamaxasoxonaxacpi Ñim Qanatamnaxala'. ¡Qataq ỹataqta salaxasoxoguet 'enauac na lqataxacpi Ñimaye!

Toba del Oeste

³ Jenaĝa yepaquichigui ga'me qa'uaĝatem joñe'me Qanedios, qaedi male jamaĝajoĝodegue naa'me naajo' yauo' nataq'aen jogaa'me c'oqo'te. Yataqata jauoqo qomle joga'me qo'mi auamaĝalo'te, chayovida'a joga'me laqataĝa'j jogaa'me que'teguelo gaa'me lamajoĝonaĝaco joñe'me Qanedios. ¡Yataqata joqochaĝa nayi jaga'me lediije joñe'me Jaliaĝanec!

Esdras 10:3 Referans Kwoze

Esdras 9:4

Qaq huaña nache 'enauac nam huo'o naq 'enec naqa'en da la'aqtac Ñim Natamnaxala' na Israel le'ecpi, ỹataqta daquico souaxat da lasouaxashet ne'ena cheta'ague da ñe'eguelaq nache aỹem qaicoleesop, qalaxaye aỹem nache ñeso'ootañi, qaica ca ỹa'añaxac choche ivitta'a so laloqo' da qaỹo'ot so nachetaqtaxanaxat ye avit.

Salmos 119:120

Da ỹo'ocỹaxac ỹataqta iviloxol souaxat da icolanaxa da qoneta, cha'aye huo'o naq 'enec ñaqa'en naua 'arqataxaco.

Salmos 119:59

Aỹem seuennataxaatapeguelec co'ollaxa da maiche ỹecỹaxac, nache she'eguelaxa da salaxagueta naua 'aramaxasoxonaxaco.

Nehemías 9:38

Qaq souaxat de'era souaqaigui, nache qomi' so'otaq de'era qanaỹamaxataxac maye ỹataqta qoỹeyiñi, nache nanereñi na qarataxala'pi, leviitapi, qataq na ntaxaỹaxanaxanecpi.

2 Crónicas 34:21

«Qauesomiỹa qaunache Ñim Nataxala', qaunataxañiilec aỹem qataq na shiỹaxauapi maye no'onaña na Israel, qataq ye Judá, qataq nam nanettalec ana nere maye qailalec, cha'aye Ñim Nataxala' yo'oqta da ỹataqta dalemataỹalo qomi', souaxat da som sachegoxosoxoguetpi sa na'axaỹaxana co'ollaxa dam 'enapec Ñim Nataxala', qataq saishet da napaxaguena da ỹo'ot 'enauac nam nanettalec ana'ana nere.»

Deuteronómio 29:12

da yaqto' qaltaq qanaỹamaxachi' Ñim Nataxala' maye Qanatamnaxala'ai, maye lapaxañi nagui de'era naỹamaxataxac da yaqto' qami' naỹamaxateto, ỹachegotchigui da ỹan la'aqtac.

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Nehemías 8:14

Nache qailalec da Ñim Nataxala' ỹamaxalec co'ollaxa so Moisés da ivittec da huaigui so ño'oxonnataxanaxac se'eso ca'agoxoic siete, nache so Israel le'ecpi iuen da naigui so nauecañi nỹecpiolec.

Esdras 10:44

Qaq 'enauac se'esopi maye huaroneguet co'ollaxa so 'alpi maye chegaqauec, somayepi ỹalat co'ollaxa aso lamoxouapi nataqa'en so llalaqpi.

2 Crónicas 34:27

qataq souaxat da huo'o da 'arhuogoxo, qataq Aỹem 'anañanot co'ollaq 'aua'axaỹa dam sa'axattac maye talec qome ne'ena nma', qataq nam shiỹaxauapi maye hueta'a namaye, qataq souaxat da Aỹem 'anmanot co'ollaq 'ancolaxata'aisalo soua 'ogo, qataq Aỹem 'anỹeeto'ot, qaq Aỹem nataqa'en 'am sa'axaỹa co'ollaxa. Qaq Aỹem Nataxala' 'era da ỹa'aqtac.

2 Crónicas 30:12

Nache nataqa'en so lma' ye Judá, Ñim Lo'onatac 'Enauacna ipoteua'a da lquiyaqteỹaxac da ipactelec da ỹo'ot dam lamaxasoxonaxac so nta'a, qataq so ltauapi, nache ipacchigui da la'aqtac Ñim Nataxala'.

2 Crónicas 29:10

Qaq ỹoqo'oye nagui huo'o da iuennataxac da ñaỹamaxate' Ñim Nataxala', maye Natamnaxala' na Israel le'ecpi, yaqto' nqateeguesop da layeloxo da shenaqta.

2 Reyes 11:17

Ime co'ollaxa, nache so Joyadá, ỹo'ot da so nta'a qataq so nhuo' le'ecpi naỹamaxate' Ñim Nataxala'. Da yaqto' Ñimaye ỹataqta lalamaxat se'eso nhuo' le'ecpi. Qataq nache 'eetec nataqa'en so nta'a, qataq so nhuo' le'ecpi.

Josué 9:6

Qaq co'ollaq ivildeua'a so nanataqa' maye netaña so Josué maye naña ye Gilgal, nache soomaye da'aqtaxaarem so Josué qataq so Israel le'ecpi, 'eeta': «Sachegoxosaqa'a ye 'alhua maye ỹataqta qaỹoqta. Qaq qomi' sauoqtaique da qomi' 'anaỹamaxateto.»

Esdras 10:9

Nache so inoxoorec soua tres na'axa'te, maye huetoiguilo so na'a'q veinte so ca'agoxoic nueve, nache 'enauac so ỹalleppi maye chegoxoguetpi so Judá, qataq so Benjamín, laponaqa' ye Jerusalén. Qaq 'enauac somayepi hueta'a so nqasoxoc aso atamnaxaqui maye lalamaqte Ñim Lo'onatac 'Enauacna. Nache 'enauac somayepi ỹataqta iviloxola't souaxat da la'aqtac so Secanías, qataq souaxat so auot maye nactañi.

Esdras 10:11

Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

Nehemías 10:1

Qaq 'ena na le'enaxatpi so nanereñipi co'ollaxa: Nehemías, som llalec so Jacalías, maye nta'a co'ollaxa, qataq Sedequías,