Esdras 10:18 - La'aqtaqa Ñim Lo'onatac 'Enauacna 2013

¹⁸ Qaq 'ana ana lmalate so llalaqpi so ntaxaỹaxanaxanecpi maye huaroneguet co'ollaxa so 'alpi maye chegaqauec: So chegoxoguetpi so Josué, som llalec so Josadac, qataq soua lauo' lashe': Maseías, Eliezer, Jarib qataq so Gedalías,

Toba del Oeste

¹⁸ Naajo' naa'me lenaqa'te gaa'me tamenaĝaiqui lo'ol jo'ne yoda'alo gaa'me loua': Gaa'me chiyoĝoteguet di'me Josué, c'oĝot di'me Josadac nataq'aen gaa'me laqaya': Maaseías, Eliézer, Jarib nataq'aen Guedalías.

Esdras 10:18 Referans Kwoze

Zacarías 3:1

Ime, nache Ñim Nataxala' huaigui naqa'en so ỹauanaqchec, da aỹem ỹachaxana so Josué maye lataxala' na ntaxaỹaxanaxanecpi da qaitaxaỹapegue' Ñimaye. Somaye nachattañi datato'ot so piguem le'ec, maye lamaxashec Ñim Nataxala'. Qaq na aloic so Josué, nache huetaua'a so pa'aguenataxanaxaic da yaqto' ỹauo'o ca lasouaxashet somaye.

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Esdras 5:2

Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

1 Timoteo 3:11

Aca 'alo nataqa'en iuen da no'on da na'aqtaguec, qataq saishet da na'aqtaqa lo'o'. Nachaqrata da sa daỹactac, qataq da huo'o ca camachaqca, nache qaipi'iỹa'a.

Ezequiel 44:22

Qataq saishet da huaroneguet aca pa'ai, huo'otaq aca mashe huo'o co'ollaxa ca lhua qalaxaye ỹalat, maye nda'a't da huaroneguet acam ñaq qa'añole Israel lashe, huo'otaq aca pa'ai maye lhua co'ollaxa ca ntaxaỹaxanaxanec.

Jeremías 23:14

Qataq Aỹem sauaachigui na na'aqtaxanaxanecpi na Jerusalén da ỹo'ottac nam ỹataqta qaiqaiga, namayepi ncachetague' ana saishet da lhua, qataq decachetac, qataq ỹa'añaqchet na qauemaicpi da yaqto' namayepi saishet da ca'ai da qauem. Namayepi qataq nam laỹepi maye hueta'a ne'ena huaqta'a't nỹecpi, 'eeta'am ñaqa'en so Sodoma qataq so Gomorra.

Jeremías 23:11

Ñim Nataxala', 'enapec: «Nam na'aqtaxanaxanecpi qataq na ntaxaỹaxanaxanecpi ỹataqta qauem da lataxac. Cha'aye ivira'a da selalec da hueta'a añi ỹalamaqte atamnaxaqui da ỹo'ottac na qauem.

Nehemías 13:28

Qaq huo'o so 'oonolec llalec so Joyadá, som llalec so lataxala' so ntaxaỹaxanaxanec Eliasib, somaye so'orauec souaxat da lacho' so Sambalat maye horonita.

Nehemías 12:10

Qaq so chegoxoguetpi so Josué, Joyacín, Eliasib, Joyadá,

Nehemías 8:7

Nache so leviitapi Josué, Bani, Serebías, Jamín, Acub, Sabetay, Hodías, Maseías, Kelaía, Azarías, Jozabad, Janán qataq so Pelaía, nache da'aqtaxaatrapeguem so shiỹaxauapi naua lleco so nqataxacpi, qaq so shiỹaxauapi ỹataqta qaica ca ldaxac da na'axaỹaxaatac.

Nehemías 8:4

Nache so napaxaguenataxanaq Esdras, nachaañi pelec aso qaỹo'ot napiaxalate. Nache na aloic pa'ata'ague so Matatías, Semá, Anías, Urías, Hilcías qataq so Maseías. Qaq na ne'emaq qalaq pa'ata'ague so Pedaías, Misael, Malquías, Jasún, Jasbadana, Zacarías qataq so Mesulán.

Esdras 9:1

Qaq so mashe ime 'enauac de'era, nache aỹem naua'a so nataxala'pi, nache aỹem 'enapega, 'eeta': «Ne'ena nhuo' Israel le'ecpi qataq na ntaxaỹaxanaxanecpi, qataq na leviitapi, namayepi saishet da ỹaxanec da ỹalectaigui na cananeopi, hitiitapi, ferezeopi, jebuseopi, amoniitapi, moabiitapi, Egipto le'ecpi, qataq na amorreopi, qataq ỹe'enaxat dam ỹataqta qaiqaiga lataxac namayepi.

Levítico 21:7

Qataq namayepi saishet da huo'o ca huaroneguet aca quisheguetaxai, huo'otaq aca mashe ỹauana na ỹale, huo'otaq aca qaỹalat, cha'aye namayepi qaỹaconeua'a da ỹataqta nalemaqte' da do'onataxanot Ñim Natamnaxala'.

Esdras 9:2

Qaq namayepi qataq na llalaqpi huaroneguet na llalpi ne'ena shiỹaxauapi, qaq ỹoqo'oye ne'ena nhuo' le'ecpi maye lalamaxat Ñim Lo'onatac 'Enauacna, ỹaleeguet 'enauac ne'ena ỹotta'a't shiỹaxauapi. Qaq na la'auaxanec da ỹo'ot de'era nasouaxashet, nachena nam nta'alpi, qataq nam 'amaqtaqaic nataxala'pi.»

Esdras 10:17

Qaq so la'auaxanec na'a'q so la'auaxanec ca'agoxoic, nache huaigui da imat da nmit 'enauac da huaiguipi ñi 'oonolec so ỹalleppi maye huaroneguet so 'alpi maye chegaqauec.

Hageo 1:12

Nache so Zorobabel maye llalec so Salatiel, qataq so Josué maye llalec so Josadac, som lataxala' so ntaxaỹaxanaxanecpi, qataq 'enauac so nhuo' le'ecpi, ỹataqta huo'o da lcolanaxa co'ollaq hua'axaỹa da la'aqtac Ñim Nataxala' maye ỹa'axat so na'aqtaxanaxanec Hageo, qaq 'era da la'aqtac, Ñim Lo'onatac 'Enauacna maye Nataxala', da ỹamaxalec somaye da ỹa'axat.

Hageo 2:4

¡Qalaxaye 'ana'añaxat nagui 'am Zorobabel! ¡Qataq 'ana'añaxat 'am Josué, maye 'am lataxala' nam ntaxaỹaxanaxanecpi! Qataq qana'añaxache 'enauac qami' nhuo' le'ecpi, maye qoñeetalec ne'ena 'alhua. Qauo'onataxañe, cha'aye Aỹem qami' soota'agueta. Qaq 'era da ỹa'aqtac Aỹem Nataxala' maye Qaica ca Seqalanapec.

Zacarías 6:11

Qaq cam lcat plata, qataq cam lcat oro, maye 'alapoñiguishec, nache 'auo'onataxana qome da 'auo'ot aca aro'o, qaq qom ime, nache 'aỹa'anaxanaxangui ñim Josué maye lataxala' nam ntaxaỹaxanaxanecpi, ñim llalec so Josadac.

Esdras 2:36

Qaq so ntaxaỹaxanaxanecpi maye chegoxoguetpi so Jedaías, maye llalaqpi so Josué, ivi' novecientos setenta y tres ye lcata.

Esdras 3:8

Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.