Esdras 10:16 - La'aqtaqa Ñim Lo'onatac 'Enauacna 2013

¹⁶ Qaq so mashe ñe'eguelaqpi maye noxonecpi co'ollaxa, somayepi ỹacoolec da ỹo'ot se'eso qanasachigui na'aqtac. Qaq huaña nache so ntaxaỹaxanaxanec Esdras, huo'oi soua lca'aua'alo lataxala'ate so nhuo' le'ecpi, qaq nache dataigueta soomaye da nmit ñi 'oonolec se'eso nasouaxashetpi. Qaq nache huetoigui so la'auaxanec na'a'q so ca'agoxoic diez, nache dataỹa't somayepi da qaitaxaỹapigui de'era.

Toba del Oeste

¹⁶ Chane'eja naq'aeta da'me yauote jogaa'me chiyoĝotegue di'me Babilonia ca'li. Joñe'me tamenaĝaiqui lo'o Esdras yiyaĝanalo jogaa'me jo'ne lajoĝola'te gaa'me noyaqa, qaedi yataqata yec'ate'n naajo' jo'ne uo'oe. Qama'le chiyoqotelegue jo'me nolo' jo'ne 'uaeñe, auoĝoic jo'ne décimo, da'me male t'onataĝa'n,

Esdras 10:16 Referans Kwoze

Juan 7:51

–Nam namaxasoxonaxaco maye qomi' qoỹanema co'ollaxa, naamaye ỹa'axa't da qomi' saishet da so'otaq ca nhuaxanaguec ca shiỹaxaua, da huo'otaq saxanaxa da ña'axaỹaxanaxa.

Da na'aqtaguec so Job 29:16

qataq aỹem lta'a na huo'o da lhuenaxanaxa, qataq seuettapeguelec naxa na ỹaqa'a ca chegaqa'ague!

Deuteronómio 13:14

qaq nache qauchemaxachiỹaique qome camaye. Qanmichiỹaique nache qaunache, qaq da ỹoqta 'eesa da ỹo'ottac cam qaiqaiga maye qami' huetanguilo,

Esdras 10:15

Qaq 'enauac se'eso mashe ñe'eguelaqpi maye noxonecpi co'ollaxa ỹataqta ỹaỹamaxareeta de'era qoỹeetec, qaq nachaqsouate' soua Jonatán, som llalec so Asael, qataq so Jahazías, som llalec so Ticva, da saỹaỹamaxade'n de'era, cha'aye soomaye huaxaigueta soua Mesulán, qataq so Sabetay maye leviita.

Esdras 10:17

Qaq so la'auaxanec na'a'q so la'auaxanec ca'agoxoic, nache huaigui da imat da nmit 'enauac da huaiguipi ñi 'oonolec so ỹalleppi maye huaroneguet so 'alpi maye chegaqauec.

Deuteronómio 13:15

nache qairolec ca ỹeelonec da qaỹalauat 'enauac que'eca shiỹaxauapi maye netaigui que'eca huaqta'a't nỹecpi, qataq ỹataqta qailaxachigui 'enauac cam huo'o, qataq qaỹalauat nataqa'en ca na'atetpi.