Esdras 10:14 - La'aqtaqa Ñim Lo'onatac 'Enauacna 2013

¹⁴ Qaq 'onaxaic da ndotec na qarataxala'pi da no'onañi da detaxaỹapigui de'era, nache sa iuen da salegaqtauo. Qaq qom ime, nache qaỹauo'o ca laloqo' da anac 'enauac na huaroneguet na 'alpi maye chegaqauec, qaq namayepi nache lỹateuo qome ca lataxala'pi qataq ca nmit qataq ỹaỹaxaañi ca nasouaxashet. Nache ivitta'a da vi'iguet de'era lta'araic lalemataic Ñim Qanatamnaxala' souaxat nam qarasouaxashetpi.

Toba del Oeste

¹⁴ Yataqata 'noota ta'le jogaa'me qadajoĝola'te cha'li uetede'ena jena'me Jerusalén, qaedi mach'egaua dojedapiye jena'me jenjo' qadaviyaĝajet. Yem qama'le 'uo joga'me ua'a qama'le novi't jogaa'me jiyaĝa'u jo'ne uo'oe gaa'me loua' jo'ne yoda'alo, naequetapegue'to jogaa'me paĝaguenataĝanaĝayaqa chayovida'alo jogaa'me yatenaĝanaĝayaqa jo'ne yauote nec'atenaĝanaĝac nale. Qom naq'aeta da'me jauoqo qama'le maqachaĝa noqochiñe q'aen da'me lalemataic joñe'me mach'e Qanedios, qa'a chiyaqayi jena'me jenjo' qadoec da'me qo'mi dalematayalo.»

Esdras 10:14 Referans Kwoze

2 Crónicas 30:8

Qaq ỹoqo'oye nagui saishet qome da sa qaualaqai da qoñiỹa'am so hua'au qarta'ailpi, nacherato' da qanañañiỹot Ñim Nataxala', qataq qauanaiua'a añi atamnaxaqui maye Ñimaye chochaq tatec naqa'en da iỹotauga. Qavio'oxoreñi Ñim Nataxala' maye Qanatamnaxala'ai, yaqto' Ñimaye ỹaxaañi da qami' denotegalo.

2 Crónicas 29:10

Qaq ỹoqo'oye nagui huo'o da iuennataxac da ñaỹamaxate' Ñim Nataxala', maye Natamnaxala' na Israel le'ecpi, yaqto' nqateeguesop da layeloxo da shenaqta.

Números 25:4

nache Ñim Nataxala' 'enapega so Moisés, 'eeta': «'Alaỹona't qome 'enauac na lataxala'pi na nhuo' le'ecpi, nache sauaachigui 'anqa'en da 'aucoñerasheguem da 'aualauat, qataq 'auachetoigui ca yo'oqchiguiñi na'a'q, yaqto' vi'iiguet da ỹayeloxo maye talec na Israel le'ecpi.»

Isaías 12:1

Qaq que'eca na'a'q, nache 'am qonapec qome «'Am sanot da ña'achecỹaxac 'Am Nataxala', cha'aye na'aictaxa da aỹem 'aualemataỹa co'ollaxa, qalaxaye da 'aralemataic mashe vi'iiguet, nache aỹem 'avi'eguelaxatem da ilagaxayec.

Salmos 78:38

Qalaxaye Ñimaye huo'o da lchoxonnataxanaxa namayepi, nache ichoxoren da ỹapalaxat na qauemsat, maye ỹo'ot namayepi qataq saishet da nlaxaañi, qataq qalota naxa da choche ỹacha'ague da laỹe da lalemataic.

Josué 7:26

Qaq co'ollaq ime nache qalaponalec so logosheguem coma'pi somayepi, qaq nache ivitta'a nagui. Qaq ỹoqo'oye qoỹanagui da le'enaxat da ca'amegue Acor. Qaq huaña co'ollaxa, nache vi'iiguet da lalemataic Ñim Nataxala'.

Deuteronómio 17:9

nache qanachaachiua'a ca ntaxaỹaxanaxanecpi leviitapi, qataq ca aloico lo'o' da qaua'aqtaxañim. Nache camayepi qami' da'aqtaxanema ca ỹaỹamaqchiguiñi lataxac ca qanqalañiita'ai',

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

2 Reyes 23:26

Qalaxaye ñaqaiyeta Ñim Nataxala', ñaq queta da lalemataic, cha'aye ỹataqta dalemataỹa co'ollaxa ye Judá, souaxat da lnogoqtaxanaxac so Manasés, maye ỹataqta inogoqchet Ñimaye.

2 Crónicas 28:11

Qaq ñaq aỹem qaualaqaiguet, nache qavi'iguelaxache na qarqaỹaipi maye qo'oxoñiqui co'ollaxa, cha'aye Ñim Nataxala' ỹataqta qami' dalemataỹalo.

Esdras 10:13

Qalaxaye saishet da souaqta'aguet na auot, cha'aye namaye saishet da vi'iguet, qataq ye de'era qaỹo'ot saishet da 'oonolec, huo'otaq dos na'axa'te nache ime. Cha'aye ỹataqta qomi' qalota da huo'o da qarasouaxashet.

Esdras 10:15

Qaq 'enauac se'eso mashe ñe'eguelaqpi maye noxonecpi co'ollaxa ỹataqta ỹaỹamaxareeta de'era qoỹeetec, qaq nachaqsouate' soua Jonatán, som llalec so Asael, qataq so Jahazías, som llalec so Ticva, da saỹaỹamaxade'n de'era, cha'aye soomaye huaxaigueta soua Mesulán, qataq so Sabetay maye leviita.