Esdras 10:11 - La'aqtaqa Ñim Lo'onatac 'Enauacna 2013

¹¹ Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

Toba del Oeste

¹¹ Chane'eja mach'e ami anayachiñela't da'me yataqata jalcote joga'me ja no'en jo'ne at'onataqui, joote ami yec'ate'tape joñe'me Jaliaĝanec mach'e Nedios dia'me qadamol ca'li. 'Noota qom yataqata auoqochiiya joñe'me, qama'le oquiya'ae gaa'me jiyaĝa'u jo'ne yaqa'alo da'me chiyoĝoguelo gaa'me ale'u lael, chayovida'alo jogaa'me yauo' jo'ne aueñi' adouadi'.»

Esdras 10:11 Referans Kwoze

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Esdras 10:3

Qaq nagui sanaxam da qara'aqtac Ñim Qanatamnaxala' da ñalaataxai' qome ana qaramoxouapi maye chegaqauec, qataq 'enauac na llalaqpi. Qataq so'otaq 'enauac ca qomi' 'auamaxaleguete, yaqto' sepagaqtelec na lamaxasoxonaxacpi Ñim Qanatamnaxala'. ¡Qataq ỹataqta salaxasoxoguet 'enauac na lqataxacpi Ñimaye!

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Isaías 56:4

Cha'aye Ñim Nataxala', 'eeta': Nam qaicaua naua lola da huo'o naq 'enec naqa'en ye na'a'q mataxaqui, qataq da ipacchigui da ỹo'ot ca sheetapeguec, qataq saishet da ca'ai da ñaỹamaxataxac,

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Nehemías 13:3

Qaq co'ollaq ime da qana'axaỹaxaatega se'eso nqataxacpi, nache qaỹamaqhuec da ca'ai qanqa'en ye Israel 'enauac so ỹaleeguet co'ollaxa so ỹaqa'a ca chegaqa'ague.

Esdras 9:1

Qaq so mashe ime 'enauac de'era, nache aỹem naua'a so nataxala'pi, nache aỹem 'enapega, 'eeta': «Ne'ena nhuo' Israel le'ecpi qataq na ntaxaỹaxanaxanecpi, qataq na leviitapi, namayepi saishet da ỹaxanec da ỹalectaigui na cananeopi, hitiitapi, ferezeopi, jebuseopi, amoniitapi, moabiitapi, Egipto le'ecpi, qataq na amorreopi, qataq ỹe'enaxat dam ỹataqta qaiqaiga lataxac namayepi.

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

2 Crónicas 30:22

Nache so Ezequías, ỹataqta ntootapeguec so leviitapi, souaxat da somayepi ỹachaxan da ỹataqta lhuotta da ỹo'oxoren Ñim Nataxala'. Qaq co'ollaq ime da ỹalectaua'a so nquia'axac maye huaiguilo se'esoua siete na'axa'te, da ỹaatapegueuo asom lachetaqtaxanaqtepi qanhuaachigui, qataq da ỹo'oxoreetac Ñim Nataxala' maye Natamnaxala' so hua'au lta'alpi.

Esdras 10:10

Qaq huaña nache so ntaxaỹaxanaxanec Esdras nachaañi, nache 'enapeco': Qami' huo'o da qarasouaxashichi, cha'aye qauaroñiiguet na 'alpi maye natameetacot na ỹaqa'a atamnaxala'pi, qaq 'era da 'eetec da qanquigaxacheetauec da lasouaxashet na Israel le'ecpi.

Esdras 10:12

Nache 'enauac so shiỹaxauapi ỹataqta na'axannec da lasataxac, 'eeta': ¡Aja', qomi' so'otaq 'enauac dam qonapec!

Nehemías 9:2

qataq mashe ime da ca'ai som chegaqauec shiỹaxauapi, nache ỹa'axat so lasouaxashetpi qataq so qauempi maye ỹo'ot co'ollaxa so hua'au lta'alpi.

Jeremías 7:3

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi maye, 'eeta': Qano'onaxache da qarataxaqui qataq dam qaro'onataxanaxaqui, nache Aỹem qami' sa'aqta'alo qome da qoñiitalec ne'ena 'alhua.

Ezequiel 18:30

Qaq Aỹem ñemit qome ñi 'oonolec da qoñeeta qami' Israel le'ecpi, qaq ipacchigui ñaqa'en cam ỹo'ot ñim 'oonolec. Qaq 'era da ỹa'aqtac Aỹem Nataxala'. Qaq ỹoqo'oye no'on da ỹataqta qoquiỹa'ai qome 'enauac nam qauem, yaqto' da qauem saishet da nachera da qami' ỹasouaxa't da qami' qanlaxaayeñi.