Esdras 10:10 - La'aqtaqa Ñim Lo'onatac 'Enauacna 2013

¹⁰ Qaq huaña nache so ntaxaỹaxanaxanec Esdras nachaañi, nache 'enapeco': Qami' huo'o da qarasouaxashichi, cha'aye qauaroñiiguet na 'alpi maye natameetacot na ỹaqa'a atamnaxala'pi, qaq 'era da 'eetec da qanquigaxacheetauec da lasouaxashet na Israel le'ecpi.

Toba del Oeste

¹⁰ Joñe'me tamenaĝaiqui lo'o Esdras male ñejeguem qama'le enaac: «Ami yataqata joote anaucheñiya joñe'me Dios ca'li aueñi' adouadi' naa'me naajo' yauo' jo'ne yaqa'alo da'me chiyoĝoguelo gaa'me ale'u lael. Qama'le aueñi nichiguegue da'me lajouaĝajet jena'me jenjo' noic mach'e Israel.

Esdras 10:10 Referans Kwoze

Mateo 23:32

¡Qaq no'on da qami' ỹataqta qaumacheeta dam ỹo'ot co'ollaxa som hua'au qarta'ailpi!

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

2 Crónicas 28:13

Nache 'enapega somayepi, 'eeta': Saishet da qanaviquiiua'a ne'ena na qoroxoñiquipi, cha'aye damaye huo'o qome naqa'en da qarasouaxashet hueto'ot Ñim Nataxala'. Cha'aye de'era qauo'oche, ỹo'ot qome da nquiguec na qanpe'enaxacpi, qataq na qarasouaxashetpi, cha'aye mashe ỹataqta qalota nam qarasouaxashetpi, nache Ñim Nataxala' ỹataqta dalemataỹa qome na Israel le'ecpi.

Números 32:14

Qaq nagui, qami' llalaqpi so 'etaxaloxoicpi, qansheetaique da qoquiitegue da lataxac so qarta'ailpi, nache qanquigaxacheeuec da lalemataic Ñim Nataxala' da dalemataỹa na Israel le'ecpi.

Esdras 10:9

Nache so inoxoorec soua tres na'axa'te, maye huetoiguilo so na'a'q veinte so ca'agoxoic nueve, nache 'enauac so ỹalleppi maye chegoxoguetpi so Judá, qataq so Benjamín, laponaqa' ye Jerusalén. Qaq 'enauac somayepi hueta'a so nqasoxoc aso atamnaxaqui maye lalamaqte Ñim Lo'onatac 'Enauacna. Nache 'enauac somayepi ỹataqta iviloxola't souaxat da la'aqtac so Secanías, qataq souaxat so auot maye nactañi.

Esdras 10:11

Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

Esdras 9:14

Qaq taloxochiyectoxo' da she'eguelaxasoxolec da sa salaxasoxoguet na 'aramaxasoxonaxacpi, da saronaxaguet na 'alpi maye chegaqaigui ne'ena shiỹaxauapi maye ỹataqta qauema naua no'onataxaco. Cha'aye da nache shenaqtec, nache qomi' 'aualemataỹalo, qataq qomi' 'anlaxaayiñi, ivitta'a da ỹataqta qaica ca no'onañi da 'anca'alaxattauec da shenaqta.