Esdras 10:1 - La'aqtaqa Ñim Lo'onatac 'Enauacna 2013

¹ Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Toba del Oeste

¹ Ca'li maliaĝa yejoquetedañe naa'me leliquetel ñe'me Esdras, dajoya'uet joga'me netamenaĝaiqui joñe'me Dios da'me 'yaĝatetac joga'me loec ga'me noic, qama'le jalcote gaa'me jiyaĝadipi qoyema'a ca'li, choqogaa'me yauodipi nataq'aen ñoqolqapi, jalcote da'me noenaĝa'j, qa'a yataqata totelo'te.

Esdras 10:1 Referans Kwoze

Daniel 9:20

Qaq aỹem nache shecto'ot da ñatameetac, qataq da sa'axattac nam ỹasouaxashetpi, qataq na lasouaxashetpi na ihuo' Israel le'ecpi, qataq saatacot da ñachoxonnaxac Ñim Nataxala' maye Ñatamnaxala', seỹaxaateguelec añim qui'itta nqasoxonaxa.

Salmos 119:136

Cha'aye naua lache' naua ỹa'ai'te qalaq 'eeta'am ca tala da ipaxaalec, souaxat da sa qaỹalaxagueta naua 'arqataxaco.

Romanos 9:2

Qataq aỹem ỹataqta 'eesa da saquicota qataq añi iquiyaqte daỹalli, qaq damaye saishet da aỹem ỹalemaxat.

1 Reyes 8:30

Qataq 'aua'axaỹa qome da lỹaxanaxac ne'ena 'aramaxashec, qataq na 'aralamaxat nhuo' Israel le'ecpi qom ivita da nqouagaxauen da hueta'a ne'ena. Qataq 'aua'axaỹa da qoueta'a na piguem maye 'aranataqa', ñaq 'aua'axaỹa qome qataq 'auapalaxat na lasouaxashetpi.

Lucas 19:41

Qaq co'ollaq mashe nayeetaua'a ye Jerusalén, nache co'ollaq ilaua'a yemaye, nache So Jesús nỹeelec som shiỹaxauapi maye hueta'a yemaye.

Nehemías 8:9

Qaq so shiỹaxauapi co'ollaq huaqchigui so na'aqtacpi maye huetalec aso lmalate so nqataxacpi, huaña nache nỹeetagui. Ỹoqo'oye so nta'a Nehemías, qataq so ntaxaỹaxanaxanec qataq napaxaguenataxanaq Esdras, qataq so leviitapi, maye ỹapaxagueetac so shiỹaxauapi, 'eetega somayepi, 'eeta': «Saishet qome da qanỹiñiitac, qataq da qauaquicoitac, cha'aye ne'ena na'a'q nachena na qoỹanot Ñim Nataxala' maye Qanatamnaxala'ai.»

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Nehemías 10:28

Qaq so laỹepi se'eso nhuo' le'ecpi, ntaxaỹaxanaxanecpi, leviitapi, qataq so ilotague' so ñegueuopi, no'onaxanaxanecpi, qataq so ilotague' aso atamnaxaqui qataq 'enauac so ỹaxanec so laỹepi shiỹaxauapi, maye lma' yi'iye 'alhua da yaqto' quegue na lamaxasoxonaxacpi Ñim Lo'onatac 'Enauacna, lỹateuo aso lamoxouapi, llalaqpi, qataq aso llalpi 'alpi, qataq 'enauac so mashe ỹaỹaten da na'axaỹaxan,

2 Crónicas 20:9

‹Da qomi' taleguete ca qauem maye qanhuaxanaguec, huo'otaq alaataxac, napaxaco, huo'otaq nqouaxa, nache ñanaxaua'a ana'ana atamnaxaqui, maye qoueta'a naxa, nache da 'am seỹaxanaqot souaxat ca qarhuogoxo, nache qomi' 'aua'axaỹalo qataq qomi' 'anca'alaxatrec.›

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Jeremías 13:17

Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

1 Reyes 9:3

nache 'eeta': «Aỹem, sa'aqchigui so 'anqouagaxaunaxac qataq so 'anachoxonnaxac. Qaq ana'ana atamnaxaqui maye 'ano'oxoosheguem, anamaye seỹotauga da yaqto' nache hueta'a qome da ỹe'enaxat, qataq nache 'eetai'salo naua na'axa'te da huetalec da imeenaxanaxac, qataq da iquiyaqteỹaxac.

Hechos 21:5

Qaq can inoxoore'c soua siete na'axa'te, nache qaltaq qolaq. Nache 'enauac so 'amqaanataxanaxaicpi lỹatac na 'alpi qataq na llalaqpi da qomi' ca'ateueeguelo da laỹe ye nỹecpi. Qaq can seviraqaama so loigue, nache qomi' sa'araxayiñi naua qarllectel, nache ñeqouagaxaunaqtac.

Hechos 10:30

Nache so Cornelio 'enapeco': –Nagui mashe ivi' naua cuatro na'axa'te da 'eeta'am nagui ye ñichiguiña añi nala' co'ollaq aỹem soota'a na ima', ñeqouaqchettac qataq ñeqouagaxaueetac. Nache aỹem nachaxana so ỹale soua alogo ỹataqta qashelectrapiguiñi da lapagaqa'.

2 Crónicas 20:13

Qaq nache 'enauac so Judá le'ecpi, nachatto'ot Ñim Nataxala', ỹalectauo so 'alpi, so llalaqpi, qataq so qapio'olecpi ñaqpiolec.

Deuteronómio 31:12

Qataq 'alaỹona't qome 'enauac na ỹalleppi, 'alpi, ñaqpiolec, qataq na chegaqauecpi maye qami' netaiguilo, da yaqto' na'axaỹaxana ne'ena napaxaguenataxanaxac, yaqto' ỹaỹaten da huo'o naq 'enec Ñim Nataxala' maye Qanatamnaxala'ai, qataq da ỹalaxaguet 'enauac nam 'enapecpi nam nqataxacpi.

Mateo 3:6

Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Esdras 10:6

Ime, nache so Esdras nnoxonec, ca'ai aso atamnaxaqui maye lalamaqte Ñim Lo'onatac 'Enauacna, nache nqo'oneua'a so lanataxaqui so Johanán, som llalec so Eliasib. Ime, nache hueta'a se'eso pe qalaxaye saishet da huo'o ca chec, qataq saishet da nỹom, cha'aye ỹataqta lta'araic da laquicoxo, souaxat da saỹalaq se'eso shiỹaxauapi maye cheta'ague da ñe'eguelaq.

Nehemías 1:4

Qaq can sa'aqchigui de'era nache ñeso'ooñi da ñeỹen, nache huo'oi soua na'axa'te da huo'o da ỹaquicoxo qataq ñeqouaqchet, qataq ñatameetacot Ñim Lo'onatac 'Enauacna maye ilotague' na piguem.

Nehemías 1:6

Nagui, 'am ñachoxonnot da 'ana'axaỹaxana da ñatamnaxac, cha'aye maiche aỹem 'aramaxashec, ỹoqo'oye ye na'a'q qataq ye pe 'am seỹaxaatacot da 'anqouaguec na 'aralamaxat Israel le'ecpi. Cha'aye saỹateeta da aỹem qataq na ỹalaqpi maye salegaqtaigui, namayepi huo'o da qarasouaxashet 'am hueto'ot.

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Josué 8:35

Qaq saishet da huo'otaq 'oonolec ca na'aqtac naua damaxasoxooleguete co'ollaxa so Moisés da sa itaxaỹaxa'n so Josué, da yaqto' hua'aqchigui naqa'en 'enauac so lapoota'a't Israel le'ecpi, qataq so ỹalectauo 'alpi, qataq so ñaqpiolec, qataq so chegaqauec shiỹaxauapi maye ỹalectaigui somayepi.