Esdras 1:7 - La'aqtaqa Ñim Lo'onatac 'Enauacna 2013

⁷ Huaña nache so Ciro, maye nta'a ye Persia, damaxasoxoolec da qaỹe'eguelaxat so nogoxoshetpi maye lalamaxat aso atamnaxaqui maye lalamaqte Ñim Nataxala', maye so nta'a Nabucodonosor nqateeguesop co'ollaxa ye Jerusalén, nache ỹanaigui so lma' so natamnaxala'pi somaye.

Toba del Oeste

⁷ Nach'e ena'am joñe'me jaliaĝanec Ciro yadegue gaa'me 'nonataĝanaqa'te jo'ne niqui'yaĝac jo'ne ueteda'a joca'li di'me netamenaĝaiqui ñe'me Jaliaĝanec, nach'egaua jo'ne deuodaĝaneque ñe'me Nabucodonosor ca'li, yachiyoĝoteda'ague di'me Jerusalén qaedi yeda'alo jogaa'me netamenaĝaiqui' gaa'me mach'e p'iyapegalo.

Esdras 1:7 Referans Kwoze

2 Crónicas 36:7

Qaq so Nabucodonosor nataqa'en huo'o so ỹache, ira'a ye Babilonia, som logoxoshetpi aso atamnaxaqui maye lalamaqte Ñim Nataxala', nache ỹachaigui aso natamnaxaqui somaye maye naña ye Babilonia.

Esdras 6:5

Qaq ca nogoxoshetpi oro, qataq lcat plata maye ỹacona co'ollaxa so nta'a Nabucodonosor, ỹachegoxotaigui aso atamnaxaqui maye naña ye Jerusalén, da yaqto' iro'ogue da Babilonia, camayepi iuen da qaỹe'eguelaxata ye Jerusalén, nache qoỹanaigui aca atamnaxaqui maye lalamaqte Ñim Lo'onatac 'Enauacna, qataq qaỹe'eguelaxatchiguiña ca maiche lma'.›»

Esdras 5:14

Nataqa'en damaxasoxoolec da qaỹe'eguelaxat 'enauac se'eso nogoxoshetpi oro, qataq lcat plata, maye ỹacona co'ollaxa so nta'a Nabucodonosor, ỹachegoxotaigui aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, da iro'ogue da Babilonia nache ỹanaigui aso natamnaxaqui. Nache nqateeguesop asa'aso natamnaxaqui, som nogoxoshetpi da ỹanem so Sesbasar, maye ilotague' ye 'alhua Judá.

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

2 Crónicas 36:10

Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

2 Crónicas 36:18

Nache 'enauac som nhuenecpi maye lalamaxat aso atamnaxaqui maye lalamaqte Ñim Nataxala', so lta'araicpi qataq so qapio'olecpi, qataq so no'on nogoxoshetpi maye huetaigui aso atamnaxaqui, qataq so no'on logoxoshetpi so nta'a qataq so ltauapi, qaq 'enauac somayepi ỹache som lta'a so caldeopi, ira'a ye Babilonia.

Jeremías 51:44

«Sauo'o qome ca nhuaxanaguec ñi atamnaxala' Bel ye Babilonia, Aỹem so'ot qome da anolec som iuoxonañi co'ollaxa, na ỹotta'a't shiỹaxauapi qalaq saishet da ỹe'eguelaxa da natamnot ñimaye, qataq saishet qome da nachattañi na lpaqtaxatpi ye Babilonia.