Esdras 1:4 - La'aqtaqa Ñim Lo'onatac 'Enauacna 2013

⁴ Qataq camachaqca nam lca'alaxaicpi, da jec chegoqchiguiña ca lma' maye hueta'a nagui, nache cam lauoreuapi itauan qome ỹanem ca lcat plata, oro, nogoxoshetpi, qataq ca 'atetpi, qataq ca maiche ỹan lachetaqtaxanaxat da ỹamaxa aca atamnaxaqui maye lalamaqte Ñim Nataxala' maye naña ye Jerusalén.»

Toba del Oeste

⁴ Gamachaqaegaua jogaa'me jo'ne ch'e ueteda'ñena, 'noota qom lecochiyalo gaa'me leje'gue jo'ne jetaque eque', da'me yane'm jaga'me plata nataq'aen jaga'me oro, uotaĝa leuoyaĝa'j nataq'aen gaa'me yejidi, choqoga'me lajaqaje'j qaedi qo'noĝojeguem qomle joga'me netamenaĝaiqui ñe'me Dios jo'ne ue'ta di'me Jerusalén.»

Esdras 1:4 Referans Kwoze

1 Crónicas 29:3

Qaq souaxato' da lta'araic ỹauotaxanaqtaic aca atamnaxaqui maye lalamaqte Ñim Ñatamnaxala', nache nam seqataxaatai' co'ollaxa da saneua'a aca atamnaxaqui, nataqa'en aỹem saneuo 'enauac na oro, qataq plata maye maiche ỹalamaxat,

Gálatas 6:2

Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Hechos 24:17

Qaq co'ollaq mashe qaỹoqteguelo soua vi'iye da secoleetac soota'a na laỹe 'alhua, nache aỹem ñe'eguelaxa ye ima' da ñeroi' aso itaunaxanaqte da setauan na choxoraqpi qataq da sanot aso ỹachetaqtaxanaqte Ñim Lo'onatac 'Enauacna.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

1 Crónicas 29:9

Nache se'eso shiỹaxauapi, ỹataqta machiguiñi souaxat da maiche chegoqchigui da ỹanot Ñim Nataxala' se'eso lachetaqtaxanaxatpi, qataq nataqa'en so nta'a David, ỹataqta machiguiñi.

Éxodo 35:29

Nache 'enauac so Israel le'ecpi, ỹalleppi, qataq so 'alpi, maye maiche lquiyaqteỹaxac da ỹaneuo aso lachetaqtaxanaqte, ỹanem co'ollaxa so Moisés da yaqto' qaỹo'ot 'enauac som damaxasoxoolecpi co'ollaxa Ñim Nataxala'.

Esdras 1:3

Ỹoqo'oye da qoñeeta da huo'o ca camachaqca da chegoqchiguiña ye 'alhua Judá da jec, da taỹa ye Jerusalén da no'oxoosheguem aca atamnaxaqui maye lalamaqte Ñim Nataxala' maye Natamnaxala' ye Israel le'ecpi maye netaña ye Jerusalén, nache Ñim Lo'onatac 'Enauac hueta'aguet qome.

Esdras 1:5

Qaq huaña, nache so lataxala'pi so nhuo' le'ecpi maye chegoxoguetpi so Benjamín qataq so Judá, huaxaiguet so ntaxaỹaxanaxanecpi qataq so leviitapi, qataq 'enauac som ỹachegoxotchigui Ñim Lo'onatac 'Enauacna da ỹanem da lhuennataxac da taỹa ye Jerusalén, da yaqto' no'oxoosheguem aso atamnaxaqui maye lalamaqte Ñim Nataxala'.

2 Crónicas 31:14

Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.

Esdras 9:15

Qaq 'am Nataxala', qataq Natamnaxala' na Israel le'ecpi, 'am maye ỹataqta sa na'aigue da 'icỹaxac. 'Am maye chegoqchigui da qalota da shenaqta na nca'altauec. Qalaxaye qomi' ỹataqta ñanomaqta da 'am hueta'asop na qarasouaxashetpi, qaq ỹoqo'oye saq taiguet da 'am souaqto'ot.»

Isaías 10:21

Qaq huo'o qome ca saq 'amaqtaq nam chegoxoguetpi so Jacob, cam ỹe'eguelaxa qome Ñim Lo'onatac 'Enauacna maye 'añaxaic.