Esdras 1:1 - La'aqtaqa Ñim Lo'onatac 'Enauacna 2013

¹ Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Toba del Oeste

¹ Joga'me 'uaeñe uo'e jo'ne lejaliaĝa joñe'me Ciro, nejaliaĝanec di'me Persia, qaedi male yepaquichigui da'me 'laqataĝanaĝac joñe'me Jaliaĝanec jo'ne qoyanem ca'li ñe'me Jeremías, qama'le joñe'me Jaliaĝanec ja 'nalegue yamaĝalegue ñe'me Ciro qaedi yema joga'me lejaliaĝac qoya'uo ga'me 'laqatac nataq'aen jena'me jenjo' nediijec jo'ne enaac:

Esdras 1:1 Referans Kwoze

Jeremías 29:10

Ñim Nataxala', 'eeta': ‹Qom ivi' caua setenta vi'iye da qoviita'a ye babilonia, nache Aỹem qami' setaua'n qome, nache sepaqueelec dam sachaxanapec co'ollaxa da qami' ñe'eguelaxatalo nam maiche qarmaye.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Esdras 7:27

Qaq da natamnaxac so Esdras, 'eeta': «Ỹataqta qaỹo'oxoren qome Ñim Nataxala', maye Natamnaxala' so hua'au qarta'alpi, cha'aye Ñimaye ỹanem da no'on lquiyaqteỹaxac ñi nta'a, da ỹe'eguelaxatem da lyacỹaxac añi atamnaxaqui maye lalamaqte Ñim Nataxala', maye naña ye Jerusalén.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

Esdras 6:22

Qaq ivittrec soua siete na'axa'te da qaỹo'ottac se'eso nquia'axac lta'araic, da qanallectac aso nauole 'ayiiña maye qaica ca lalegue ỹasheeraxachigui. Cha'aye Ñim Nataxala' ỹe'eguelaxatem da ntonaxac 'enauac somayepi. Qataq souaxat da so nta'a ye Persia, itauan qataq da ỹasheetem somayepi da ỹe'eguelaxalec da no'oxoosheguem aso atamnaxaqui maye lalamaqte Ñim Natamnaxala' so Israel le'ecpi.

Daniel 2:1

Qaq co'ollaq mashe dos vi'iye soua lo'onataxanaxaqui' da nta'a so Nabucodonosor, nache somaye huo'o so lchoxonaxacpi, qaq souaxat somayepi, nache se'eso nta'a ỹataqta huo'o da lachetataic, nache saishet da do'oche.

Juan 1:23

Nache so Juan 'enapeco': –Qomye nachaỹem, maye aỹem ỹa'axatta'aguet so la'aqtaxanaxanec Ñim Lo'onatac 'Enauacna. Qaq nachaỹem maye aỹem chemaqtapeguelec ca toolec 'alhua, qaq da iỹaxanaxac, sheeta': «Qauqataxañiỹai' ca ỹataqta ỹashectec nqa'aic Ñim Lca'aguishec Ñim Nataxala'.»

Esdras 1:5

Qaq huaña, nache so lataxala'pi so nhuo' le'ecpi maye chegoxoguetpi so Benjamín qataq so Judá, huaxaiguet so ntaxaỹaxanaxanecpi qataq so leviitapi, qataq 'enauac som ỹachegoxotchigui Ñim Lo'onatac 'Enauacna da ỹanem da lhuennataxac da taỹa ye Jerusalén, da yaqto' no'oxoosheguem aso atamnaxaqui maye lalamaqte Ñim Nataxala'.

Esdras 4:3

Qalaxaye so Zorobabel qataq so Josué, qataq so lataxala'pi so Israel le'ecpi, 'enapeco': 'A'i, qomi' sa seshetaq da qami' ñashenaqtegueta da qomi' qauauaqaigueta da ño'oxonaxasheguem añi atamnaxaqui maye lalamaqte Ñim Qanatamnaxala'. Qomi' ñeroqte' da souaqapegue' da ño'oxonaxasheguem añi atamnaxaqui maye lalamaqte Ñim Nataxala', maye Natamnaxala' so Israel le'ecpi, cha'aye nachera da lamaxasoxonaxac ñi Ciro, maye nta'a ye Persia.

Esdras 6:3

«Qaq so la'auaxanec vi'i da nta'a so Ciro, nache somaye ỹan de'era lamaxasoxonaxac, 'eeta': ‹Ñaq qano'oxoosheguem aca atamnaxaqui acam lalamaqte Ñim Lo'onatac 'Enauacna, maye naña ye Jerusalén da yaqto' qaỹavigaxat aca nachetaqtaxanaqte. Qaq aca'aca atamnaxaqui ivi' qome ye veintisiete metros ye lshequitcheguema, qataq veintisiete metros ye lcategue.

Esdras 6:14

Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

Isaías 44:28

Aỹem shenapega ñi Ciro, sheeta': Nache 'am maye 'aulo'ogue qome ana ilopi qaguetapi, qataq 'am 'auo'ot qome nam sheetapeguecpi. Qataq shenapega ye Jerusalén, sheeta': 'Am, qaltaq 'am qano'oxoosheguem qome, qaq añim atamnaxaqui qalaq, sheeta': 'Am qalapaxañi qome ca 'aro'oxonaxala'.»

Jeremías 1:1

Dam la'aqtaxanaxac qataq nam ỹo'otpi co'ollaxa so Jeremías maye llalec so Hilcías. So Jeremías chegoxoguet so nhuo' le'ecpi, som ntaxaỹaxanaxanecpi maye netaña co'ollaxa ye huaqta'a't nỹecpi ye Anatot, yem 'alhua maye lalamaxat so Benjamín.

Ezequiel 38:5

Qataq nnaictague' qome na shiỹaxauapi maye lma' ye Persia qataq ye Etiopía qataq ye Libia, 'enauac ỹauota'a ana lpaqtaxanaqtepi qataq ana naro'o maye alaataxaquipi,

Daniel 6:25

Qaq huaña nache so nta'a Darío, ỹauo'o so lerec da taỹa'a naqa'en na ỹotta'a't shiỹaxauapi, qataq nam ỹotta'a't naua la'aqtaqa maye netalec se'eso 'alhua, nache 'eeta': «Huo'o qome da qarlagaxayiqui, qataq qaica ca qaviñiitaique,

Daniel 9:2

Qaq so la'auaxanec vi'i da lo'onataxanaxac da nta'a somaye, nache aỹem Daniel, ñapaxagueetega aso lere so na'aqtaxanaxanec Jeremías, co'ollaq Ñim Nataxala' ỹa'axatem somaye da qom inoxoorec caua setenta vi'iye nache ime da qanlaxaañi ye Jerusalén.

Isaías 45:1

Ñim Nataxala' ỹaneuo co'ollaxa so Ciro da yaqto' nta'a, nache ỹacoota'a na aloiguishec lhuaq da yaqto' ilo'ogue naqa'en 'enauac nam ỹotta'a't shiỹaxauapi, qataq nlaxaañi da lo'onataxanaxac na nta'alpi. Ñim Nataxala' ỹo'ot da so Ciro ỹauatoigui nam lasompi na huaqta'a't nỹecpi maye ỹotta'a't naua nañalo, nache qaica ca ishet da ỹapogui. Qaq nagui nache 'enapega, 'eeta':

Daniel 1:21

Qaq so Daniel, nache hueta'a co'ollaxa yemaye, ivitta'a da inoxonec so 'oonolec vi'i da lo'onataxanaxac da nta'a so Ciro.