Efesios 6:9 - La'aqtaqa Ñim Lo'onatac 'Enauacna 2013

⁹ Qataq qami' 'aco'pi, iuen nataqa'en da ỹataqta qaue'enaxacheeteguet qome na qarlataquipi. Saishet da qauayiñiitalec. Qauennachiỹa'a da qami' qataq namayepi qoviito'ot Ñim Nataxala' maye neta'ague da piguem, qaq Ñimaye saishet da lca'atagui na shiỹaxauapi.

Nuevo Testamento Toba Sur

⁹ Qataq qami' 'aco'pi nataq'en ÿataqta qau'enaxachiiteguet qome na qadlataquiipi. Sa ishit da qauayiñiitalec. Qauennachiÿa'a da qami' qataq namayipi qoviito'ot so qadataxala' mayi neta'ague da piguem, qaq somayi sa ishit da huo'otaq lca'atagui na shiÿaxauapi.

Nuevo Testamento Toba Sombrero Negro

⁹ Nataq'aen ami jaliaĝanaqapi, 'noota qom yataqata avichoĝodeñi' gaa'me adalemaĝaje'chidi', ena'te aueñi co'yaq ga'me anenaĝachiyidegue, qa'a joote auayachiñe queda'me 'uo ñe'me mach'e Adejaliaĝanequi jo'ne nach'e ena'am Lejaliaĝane'j gaa'me adalemaĝaje'chidi', nach'eñe jo'ne ne'tague di'me piyem, qama'le nach'e eta't naloqote'n yema jena'me jiyaĝadipi, yataqata qaya'te liquiyac joñe'me.

Efesios 6:9 Referans Kwoze

Colosenses 3:25

Qalaxaye 'enauac nam ỹo'ottac ca sa ỹaỹamaxañi, qalaq Ñim Lo'onatac 'Enauacna ỹauo'o ca nhuaxanaguec, ipagaqchiichigui cam qauem maye ỹo'ottac. Cha'aye Ñimaye saishet da lca'atagui na shiỹaxauapi.

Hechos 10:34

Huaña, nache so Pedro da'aqtaxan, 'eeta': –Nagui aỹem saỹaten da Ñim Lo'onatac 'Enauacna ỹoqta 'eesa da saishet da lca'atagui 'enauac na shiỹaxauapi.

Romanos 2:11

Cha'aye Ñim Lo'onatac 'Enauacna saishet da lca'atagui na shiỹaxauapi.

Lucas 6:31

Qaq cam no'on maye qauauoitaique da qami' ỹo'oteque na shiỹaxauapi, qaq nacheca qauo'ochec qome namayepi.

Mateo 7:12

Qaq ỹoqo'oye qami' cam no'on maye qansheetaique da qami' ỹo'oteque na shiỹaxauapi, qaq nacheca iuen da hua'auñi qome qauo'ochec 'enauac namayepi. Cha'aye nachera dam damaxasoxoolec nam lamaxasoxonaxacpi so Moisés qataq naua leregui'she so la'aqtaxanaxanecpi Ñim Lo'onatac 'Enauacna.

Deuteronómio 10:17

Cha'aye Ñim Nataxala' maye Qanatamnaxala'ai, Ñimaye nataỹaña 'enauac na ỹotta'a't atamnaxala'pi, qataq Ñimaye Lataxala' na nataxala'pi. Ñim Lo'onatac 'Enauacna, Ñimaye 'amaqtaqaic, 'añaxaic qataq ncolanaxat, Ñimaye saishet da lca'atagui na shiỹaxauapi qataq saishet da ipactaique da qaisheeten da huo'o ca ỹo'ot.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Santiago 2:8

Da qami' qaualaqaiguet da namaxasoxonaxac maye napacalec na laỹepi maye qomi' ỹanema Ñim Lo'onatac 'Enauacna, nache ỹataqta 'onaxaic de'era qauo'oche. De'era namaxasoxonaxac 'eeta': «Qauennachiỹa'a da ñi 'oonolec iuen da ỹauotec ca lỹa, 'eeta'am da lauotaxanaqtaic da maiche nachaalataxac.»

Juan 13:13

Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

1 Corintios 7:22

Cha'aye ca shiỹaxaua da nlatac co'ollaxa da ỹa'amaqten So Qarataxala', nache Somaye ỹanem da huesochiguiñi. Qaq nache 'eeta'am cam huesochiguiñi da da'amqaanataxan co'ollaxa, nache camaye l-latac So Qarataxala'.

Mateo 24:51

nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Mateo 24:48

Qalaxaye saloqnaxanaxa da huo'o ca namaxashec qauemaic, nache 'eeta' da lhuennataxac: «Que'eca ña'aco' qaỹoqtegue da taigue nache qaỹaloqta da ñe'eguelaq»,

Mateo 22:10

Nache som namaxashecpi jec da queguelo naua nqa'aico da icoyeguen so qalota shiỹaxauapi, somayepi huo'o na qauemaic, qataq huo'o na 'onaxaic da lataxac, qaq huaña, nache ỹataqta nlaqchigui se'eso nỹec maye huaña se'eso naronaxac.

Mateo 22:8

Ime, nache so nta'a 'enapega so lamaxashecpi, 'eeta': ‹Da tonaxac da qantonec da naronaxac mashe qaỹacoolec, qalaxaye nam temaq qanhuanaxauapi saq anac.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Daniel 3:6

Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Isaías 47:6

Aỹem co'ollaq salemataỹa nam ỹalamaxat nhuo' le'ecpi, nache saneguet namayepi da saqaỹaỹamaxatapec, qataq saneguet da 'ara'añaxac. Qaq 'am saishet da 'auchoxoreetac co'ollaxa namayepi, na ỹa'axaiquipi maye nataxala'pi qalaq 'auachelec co'ollaxa nam qapa'atta lla'ac.

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Salmos 140:12

Aỹem saỹaten da Ñim Nataxala' ỹo'otec ca ỹaỹamaqchiguiñi na choxoraqpi, qataq iueelec cam huo'o da lhuenaxanaxa.

Nehemías 5:5

Nataqa'en namayepi 'enapec: Cha'aye ỹoqta 'eesa da maiche qomi' nhuo' le'ecpi, qaq ỹoqo'oye na qoyalaqpi nache 'eeta'am na qaỹa'alquipi. Qaq ta'ainco' da nache qomaqta da semenaq na qoyalaqpi ỹalleppi, qataq 'alpi da yaqto' qaỹauo'o nlatacpi. Qataq saseshetaq da ñe'eguelaxataxala't, cha'aye na qana'alhua qataq na qorañiguishe uva lma' mashe lalamaxat na ỹaqa'a.

1 Samuel 15:17

Nache so Samuel, 'enapec: «¿Peta'a saisheto' da nache 'am co'ollaxa da qonapec qaica ca 'ara'amaqchec? Qalaqca 'avira'a da 'am lataxala' na maiche nalamaxat nhuo' Israel le'ecpi, qataq Ñim Nataxala' 'am ỹanagui da 'am lta'a na Israel le'ecpi.

Levítico 19:13

Saishet da huo'o ca sa icherapec ca lỹa, qataq saishet da qauotaxañic ca maiche lalamaxat. Qataq saishet da qanlliitañi ca nsheetenaguec ca 'onataxanaxaic da qaviraxachiỹa'a ca lỹa na'a'q.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

Colosenses 4:1

Qaq qami' 'aco'pi, ỹataqta qauo'oche ca ỹaỹamaqchiguiñi, qataq ỹataqta qaupagaqñiichigui da nsheetenaguec ca qarlataqui. Qami' qauennachiỹa'a da nataqa'en huo'o ñi qana'aco'oi maye neta'ague da piguem, Ñimaye nacheñi Ñi Jesucristo maye Nataxala'.