Efesios 6:8 - La'aqtaqa Ñim Lo'onatac 'Enauacna 2013

⁸ Cha'aye qauaỹachiñiita da ỹoqta 'eesa da So Qarataxala' isheeten da qoñiita, souaxat nam ỹaỹamaqchiguiñipi maye qauo'oche, saishet da ỹectega da qami' nlataqa huo'otaq da qami' huesochiyiñi.

Nuevo Testamento Toba Sur

⁸ Cha'ayi qami' mashi qauaÿajñi da so qadataxala' ishiiten qome ñi 'oonolec cam ÿaÿamaqchiguiñi l'onataxanaxac, nai'ctaxa ca nlatac, huo'otaq cam sa nlatac.

Nuevo Testamento Toba Sombrero Negro

⁸ Qa'a joote auayachiñe queda'me yema gaa'me lalemaĝaje'te jo'ne yataqata yiyamaĝatetedac ga'me 'lonata'j, ñe'me Qadet'a ya'uo qomle da'me nejetenague'j.

Efesios 6:8 Referans Kwoze

Colosenses 3:24

Cha'aye qami' mashe qauaỹaañi da Ñim Lo'onatac 'Enauacna ỹami' ca lsheetenaxanaxat maye iqataxaatapigui' nam lalamaxatpi, camaye nacheca ca nca'alaxa maye qaica ca loga't. Qataq qantooñita'ac da qauo'onataxañiitacot So Cristo maye ỹoqta 'eesa da qami' lalamaqa'ate.

Lucas 14:14

yaqto' ishet da ỹataqta 'auamachiguiñi. Cha'aye namayepi saishet da 'am isheetena'aguet. Qalaxaye 'am qome huo'o ca 'ansheetenaguec qom ivita da qaltaq qanca'alaxatec nam shiỹaxauapi maye ỹo'ottac nam ỹaỹamaxareeta Ñim Lo'onatac 'Enauacna.

Colosenses 3:11

Qaq damaye saishet da huo'otaq nachera da yo'oqchigui da judío le'ec huo'otaq da saishet, huo'otaq ca huo'o ca na'anaxat na lo'oc huo'otaq ca qaica, qataq ca ỹaqa'a ca chegaqa'ague, huo'otaq nam sa naỹamaxatapec, huo'otaq ca nlatac huo'otaq ca sa nlatac. Cha'aye So Cristo nachaqsota 'oonolec imata, qataq hueta'aguet 'enauac na shiỹaxauapi.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 6:4

Yaqto' de'era ltaunaxanaxac saishet da qaỹaỹaten, qaq Ñim Lo'onatac 'Enauacna maye Nta'a, Ñim ỹaỹaten de'era saqcha'a, Ñimaye ỹauo'o ca nsheetenaguec.

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Hebreos 10:35

Qaq ỹoqo'oye saishet qome da qaỹa'axañiiuec da qarpi'iỹaxaqui Ñim Lo'onatac 'Enauacna, cha'aye da nache qoñiitec de'era, nache qauacoñiiguet ca lta'araic qaraviguiiqui.

Proverbios 23:18

'auennata'a qome da 'aỹa'ague, yaqto' da 'anaquitaxac saishet da nlaguiñi.

Hebreos 11:26

Qaq cha'aye saishet da ỹaỹamaxaren da nque'etaxaachigui da lsallaxa ye 'alhua Egipto. Nache so Moisés maiche lhuennataxac da ỹaỹamaqchiguiñi da nque'eten da 'eeta'am da nque'eenaxac ca Lca'aguishec Ñim Lo'onatac 'Enauacna. Cha'aye so Moisés ỹataqta ỹaỹateeta da Ñim Lo'onatac 'Enauacna ỹami' ca no'on nsheetenaguec somaye.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Mateo 6:1

Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Isaías 3:11

¡Qaq choxoraxaso' ca qauemaic! Cha'aye ỹataqta qauem qome da llecỹaxac, cha'aye Ñim Lo'onatac 'Enauacna isheeten qome, ipacchigui naqa'en nam ỹo'otpi camaye.

Lucas 6:35

Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.

1 Corintios 12:13

Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.

Colosenses 3:25

Qalaxaye 'enauac nam ỹo'ottac ca sa ỹaỹamaxañi, qalaq Ñim Lo'onatac 'Enauacna ỹauo'o ca nhuaxanaguec, ipagaqchiichigui cam qauem maye ỹo'ottac. Cha'aye Ñimaye saishet da lca'atagui na shiỹaxauapi.

Mateo 20:7

Nache somayepi 'enapeco': «¡Cha'aye qaica ca qomi' ỹo'onataxanaxa'n!» Nache se'eso 'aco' 'enapeco': «Qami' nataqa'en qanqo'oñiuga qome ye ỹanaxanqa' da qauo'onataxañi.»