Efesios 6:4 - La'aqtaqa Ñim Lo'onatac 'Enauacna 2013

⁴ Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

Nuevo Testamento Toba Sur

⁴ Qaq qami' mayi huo'o da qadco'oxoqui, sa ishit qome da qaunogoqchichi ca qai'alqui. Chaqdata da nacta'ai' da qauapaxaguiñi, qataq 'ico' qanlaxañiiuec da nachaalataxac, yaqto' i'amaqten so qadataxala' Jesús.

Nuevo Testamento Toba Sombrero Negro

⁴ Nataq'aen ami net'al, ena'te aueñi dalemata'y jogaa'me ac'oqo'chedi', dite da'me yataqata auapaĝagueñi' gaa'me, chayovida'a qom yayate'n jena'me jenjo' qadepe'e ladic.

Efesios 6:4 Referans Kwoze

Colosenses 3:21

Qataq qami' nta'alpi maye huo'o na qaỹa'alqui saishet qome da qanogoqchichi ca qaỹa'alqui, yaqto' saishet da qaica ca la'añaxac.

Proverbios 22:6

'Auapaxaguenec qome ca nogotolec da no'on ñecỹaxac, yaqto' qom ivita da ỹa'axaiqui nache saishet da ỹaxanec.

Proverbios 29:15

Ca nalashenaxanaxat qataq da qanlaxanec ca shiỹaxaua damaye chegaqaigui da naỹaanec, qalaxaye ca ñalec maye saiuooneguet da qaitaxaỹot, ỹo'ot da la'aloxo aca late'e.

Proverbios 19:18

'Anhuogaxa ca 'aỹa'alec da ñaq ishet da 'anlaxanec da lataxac, qalaxaye saishet da 'aualauatec de'era nhuaxanaguec.

Deuteronómio 6:7

nache 'avi'eguelaxattalec da 'auapaxagueeteguec na 'aỹa'alaqpi, da qonetaña ca 'arma', huo'otaq da qoquetague' ca nqa'aic, huo'otaq da 'annaañi ye pe, qataq da qoñisheguem ye nte'eta.

Proverbios 29:17

'Anhuogaxa ca 'aỹa'alec yaqto' 'aulactapiguiñi, qataq ỹataqta 'auamachiguiñi.

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

2 Timoteo 1:5

Qataq naxa da tachigui iuel dam 'arpi'iỹaxac maye huesota. De'era huesota npi'iỹaxac maye hua'auteguet aso 'arcote Loida qataq aso 'arate'e Eunice. Qaq nagui saỹateeta da nataqa'en 'am hueto'ot de'era npi'iỹaxac.

Proverbios 22:15

Da nhualoxonaxac nachera da huaqta'agueta naua lhuennataxaco na nsoxoppi, qalaxaye da qanqateua'a damaye nache qairolec ca nhuaxanaxanaxat.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

Isaías 38:19

Nachenata na nca'altauecpi maye ishet da 'am ỹo'oxoren, 'eeta'am da sheetec nagui aỹem. Na nta'alpi qalaq ỹa'axatem na llalaqpi dam sa nquic 'arataxac.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

1 Crónicas 29:19

Qataq nataqa'en 'aỹa'anem qome so ỹalec Salomón ca ỹaỹamaqchiguiñi nquiyaqteỹaxac, qaq yaqto' ishet da ỹalaxaguet na 'aramaxasoxonaxacpi, nam 'alapaxañi lataxacpi qataq nam 'arqataxacpi, da yaqto' ishet da ỹo'ot qome aca atamnaxaqui, maye aỹem seqataxanai' co'ollaxa nam no'onataxatpi.»

Efesios 6:3

yaqto' ỹataqta 'onaxaic da 'icỹaxac qataq logoraic da 'anachaalataxac da qonetalec ana 'alhua.»

Jueces 13:12

Nache so Manoa 'enapeco': Qom ivita da ipacchigui de'era qomi' 'aua'axattapeguema, ¿qaq chaq shenaqtec ca lataxac da sapaxaguenaq que'eca nogotolec? Qataq ¿chaq 'eetec ca lo'onataxanaxac camaye?