Efesios 6:3 - La'aqtaqa Ñim Lo'onatac 'Enauacna 2013

³ yaqto' ỹataqta 'onaxaic da 'icỹaxac qataq logoraic da 'anachaalataxac da qonetalec ana 'alhua.»

Nuevo Testamento Toba Sur

³ yaqto' ÿataqta 'auamachiguiñi qataq logodaic da 'anachaalataxac da qouetalec ana 'alhua.”

Nuevo Testamento Toba Sombrero Negro

³ “qaedi onaĝaic na'me adadiqui, nataq'aen qaedi jalote da'me anejiyaĝauayaĝaqui da'me anec'aliitalegue jena'me aleua.”

Efesios 6:3 Referans Kwoze

Deuteronómio 5:16

Qataq huo'o naq 'enec 'anqa'en ca 'arta'a, qataq aca 'arate'e, cha'aye nachera da 'am ỹamaxalec Ñim Nataxala' maye 'Anatamnaxala', yaqto' qaỹoqtec da 'anachaalataxac da qonetalec ye 'alhua maye 'am ỹanem qome Ñimaye.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Deuteronómio 12:28

Qaq ỹataqta qana'axaỹaxañiỹalo, qataq qauaỹamaxache' qome 'enauaque naua namaxasoxonaxaco maye qami' samaxaleguete, cha'aye da qauo'oche' ne'enaua no'oñi, qataq ỹaỹamaqchiyiñi, nache qami' qataq ca qaỹa'alquipi, nache 'eetai' qome da no'oita da nachaalataxac, qataq qami' ỹaỹamaxareete' da qami' imeteeta'ape Ñim Nataxala' maye Qanatamnaxala'ai.

Deuteronómio 12:25

Saishet qome da qollequi na ntago'q, yaqto' no'oita da qanachaalataxaqui qami', qataq cam qami' chegoxogueta qome, cha'aye da qauo'oche de'era ỹaỹamaqchiguiñi nache Ñim Nataxala' ỹaỹamaxareeta da qami' ilotaguilo.

Deuteronómio 6:3

Qaq ỹoqo'oye qami' Israel le'ecpi ỹataqta qauo'oche qome de'era, yaqto' 'onaxaic da qanachaalataxaqui qataq ivitta'a da ỹataqta qami' qalota qom qoñiitalec yi'iye 'alhua maye huaña da sa qoue na huaca lche' qataq na te'esaq lli'i, nache ipacchigui da ỹan la'aqtac co'ollaxa Ñim Nataxala' maye Natamnaxala' so hua'au qarta'ailpi.

Deuteronómio 22:7

nachaqcauate' caua llalqa da ishet da ỹaconalo, qaq aca late'e nache ỹaxan da jec, yaqto' camaye machiguiñi qome qataq logoraic da nachaalataxac.

Jeremías 42:6

Qaq saỹamaxannaqta huo'otaq saishet cam lasataxac Ñimaye, qalaxaye qomi' salaxasoxoguet qome Ñim Nataxala' maye Qanatamnaxala', cha'aye 'am seỹaxanaqot da 'auquiguiỹo'ot da yaqto' sana'aigue da qoyecỹaxac.

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.

Rut 3:1

Qaq huo'o so na'a'q, nache aso Noemí 'enapego' aso Rut, 'eeta': 'Am ỹalole, aỹem iuen da ñemitaique ca 'arhua, yaqto' ỹo'ot da 'auamachiguiñi.

Deuteronómio 6:18

Qataq qauo'oche na ỹaỹamaqchiguiñi qataq no'on lataxacpi maye ỹaỹamaxareeta Ñim Nataxala', yaqto' 'onaxaic da llec da qanachaalataxaqui qom qoñiỹalec ye 'alhua maye Ñim Nataxala' ỹachaxanapeguem co'ollaxa da ỹanem so hua'au qarta'ailpi.

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

Jeremías 35:7

Qataq nataqa'en qomi' illapeguema da so'otaq ca qarma', qataq da sauoqo'o ca qaranaxanaqa' da saxanaxañi ana uva. Qataq qomi' ỹamaxaleguete da nache 'eetai' da sauoqta'a na qarpe'lpi, da yaqto' qaỹoqtegue da qanachaalataxac da sonaqtalec ne'ena 'alhua maye choche souaqta'a shenaqta'am ca ỹaqa'a ca chegaqa'ague.

Efesios 6:2

Cha'aye nam namaxasoxonaxacpi maye chegoqo'ot co'ollaxa so Moisés, som hua'auchiguiñi maye huo'o da ỹachaxanapec, 'eeta': «'Aualaxaguet qataq 'antela'a ca 'arta'a qataq aca 'arate'e,

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.