Efesios 6:19 - La'aqtaqa Ñim Lo'onatac 'Enauacna 2013

¹⁹ Nataqa'en aỹem qanqouagaxauñiitalec, qauỹaxañiitacot Ñim Lo'onatac 'Enauacna da aỹem ỹanem ca ỹa'añaxac da sa'axat dam 'eetapeguec Ñimaye dam, nache 'eetai' da 'eetapeguec maye saqcha'a.

Nuevo Testamento Toba Sur

¹⁹ Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.

Nuevo Testamento Toba Sombrero Negro

¹⁹ Nach'e ena'am jayem auajelaĝañilegue, qaedi joñe'me Dios jayem yanem da'me 'yañaĝac da'me ja'aĝatetac da'me mach'e 'laqataĝanaĝac jo'ne ja di'yoq ca'li.

Efesios 6:19 Referans Kwoze

Colosenses 4:3

Qataq nataqa'en qomi' qanqouagaxauñiitaleguete, qauỹaxañiitacot Ñim Lo'onatac 'Enauacna da yaqto' qomi' huesochiyiñi da sa'axataq da na'aqtaxanaxac qataq da saqcha'a maye 'eetapeguec So Cristo. Dam sa'axattac nagui qataq da huo'omshe aỹem qaicoñettai'.

Hechos 4:29

Qaq nagui, 'am Qarataxala', ña 'aumeten da qanarenaguec. Qaq no'on da qomi' 'anema ca qara'añaxac, qomi' maye qomi' 'aramaxa'she, yaqto' saishet da huo'o ca qarcolanaxa da 'am sa'axataqtac.

2 Ts 3:1

Qaq da pa'atec qara'aqtac, qami' qarqaỹa't, qanqouagaxauñiitaleguete qomi', yaqto' da la'aqtac So Qarataxala' maye sa'axataqtac saqaỹaloq da ivira 'enauac na shiỹaxauapi qataq yaqto' namayepi ỹaconeguet qataq ỹauotec 'ena'ama co'ollaxa qami'.

1 Ts 5:25

Qami' qarqaỹa't, nataqa'en qomi' qanqouagaxauñiitaleguete.

Hebreos 13:18

Qanqouagaxauñiitaleguete qomi'. Cha'aye qomi' saỹatenaqta da Ñim Lo'onatac 'Enauacna qaica ca sa ỹaỹamaxaren qarataxac, cha'aye qomi' ñepogoxoinaqtapegue' da 'enauac da qauaỹamaxayiñiita da qarataxac.

Hechos 4:31

Nache co'ollaq ime da nqouagaxaunaxac somayepi, nache que'eca qanayeeta'a ỹataqta cholaxan. Nache 'enauac somayepi ỹataqta nlaqchigui So Saqcha'a Na'añaxac Qui'itta. Nache chegoqchiguiña da 'enauac somayepi da ỹa'axattac So Jesús ỹataqta qaica ca ñe'etaique.

1 Ts 2:2

Nataqa'en qauaỹaañi da co'ollaq huaña ye nỹecpi ye Filipos, nache qomi' qaisheueeta'ape qataq saishet da qomi' qaiyacna'ape. Qalaxaye na'aictaxa da souaqaigui da lta'araic lqalaic, qalaxaye Ñim Lo'onatac 'Enauacna qomi' ỹanema da lta'araic qara'añaxac da sa'axataq da no'on na'axaỹaxac.

2 Corintios 8:7

Cha'aye mashe 'enauac da qaỹaỹaten da qoñiita da qami' soxoraiqa: qataq da qanaquitaxaqui hueto'ot qanqa'eñi Ñim Lo'onatac 'Enauacna, cha'aye qaica ca qanqalanaxaqui da qautaqaitac. Ỹataqta huo'o na qauaỹachiñi qataq huo'o da qarasapachaqai da qoviitague' na laỹepi shiỹaxauapi qataq da lta'araic qarauotaxanaqtaiqui da shenaqta. Nagui qami' taleguete da qami' qaỹaỹamaxareete', cha'aye qauachegoxochiichigui da lta'araic qarauotaxanaqtaiqui da qoquiito'ot da qalapoñiitega't ana qartaunaxanaqchi.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

1 Corintios 4:1

Qami' iuen da qomi' qauamachiỹa'aque da choche qomi' lo'onataxanaxanaqa So Cristo, qomi' ipataxaleguete da sapaxaguenataxanaxac dam 'eetapeguec Ñim Lo'onatac 'Enauacna maye saqcha'a co'ollaxa.

Hechos 28:31

Nache ỹataqta qaica ca ñe'etaique da ỹa'axattac da lo'onataxanaxac Ñim Lo'onatac 'Enauacna, qataq dapaxaguenataxaatapeguec So Qarataxala' Jesucristo maye Lca'aguishec Ñim Lo'onatac 'Enauacna. Ỹataqta qaica ca naxattac da la'aqtaxanaxac.

Hechos 19:8

Nache so Pablo ỹataqta iviraxattre'c soua tres ca'agoxoiqa da ỹe'eguelaqtaua'a aso napaxaguenaxaqui na judiopi da da'aqtaxaatac, qaica ca ñe'etaique, qataq ỹa'axattapeguem somayepi da mashe nvi' da lo'onataxanaxac Ñim Lo'onatac 'Enauacna da ilo'ogue 'enauacna, nache quetapegueua'a da da'amqaanataxan naqa'en somayepi.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Filemón 1:22

Nataqa'en seqopitaxanapec da 'am shenapega da 'auqataxanai' qome ca ỹo'ochaqa', cha'aye aỹem seuattaique da Ñim Lo'onatac 'Enauacna hua'axaỹa da qanqouagaxaunaxaqui, nache aỹem nqateeguesop ana'ana ncoñetaxanaxaqui, nache ishet da ashec da qami' ñamaqtegalo.

Colosenses 2:2

Qaq de'era ñeloquiaxac sauotaique da sa'añaqchet 'enauac namayepi qataq yaqto', nache 'eetai' da na'atta'a't souaxat da lauotaxanaqtaic So Cristo, huaña nache ivireguet namayepi da ỹataqta 'eesa da ỹaỹaten 'enauac dam saq cha'api 'eetapeguecpi Ñim Lo'onatac 'Enauacna qataq So Cristo.

2 Corintios 3:12

Qaq de'era ỹataqta saỹaanaqta, ỹoqo'oye huo'o da qanaquitaxac, qataq saishet da huo'o ca sho'oqtaique da sa'aqtaxanaqtac.

1 Corintios 1:5

Qataq nataqa'en chegoqchigui Somaye da Ñim Lo'onatac 'Enauacna qami' ỹanema da saqcha'a nsallaxa, qaq nachera da qara'aqtaxanaxaqui qataq da qarauattonaxanaxaqui,

Hechos 14:3

Qaq so Pablo qataq so Bernabé huera'a ye Iconio ỹataqta huo'oi soua na'axa'te. Ỹataqta ỹauo'o da naquitaxa'c Ñim Lo'onatac 'Enauacna, nache ỹataqta da'aqtaxaatrem na shiỹaxauapi da 'eesa lauotaxanaqtaic Ñimaye. Qaq Ñim Qarataxala' ỹanema da la'añaxa'c da ỹo'o't nam sa qaỹauanapega qataq nam ỹo'ot da na'aalaxa, yaqto' na shiỹaxauapi ỹa'amaqten 'enauac nam la'aqtaxanaxa'c soomaye.

Hechos 9:27

Qalaxaye so Bernabé ỹauec somaye, nache ỹauegueua'alo soua Jesús lamaxa'she. Nache ỹataqta da'aqtaxaatema da 'eetec so Saulo co'ollaq nauane' So Qarataxala' Jesús co'ollaq huangui so nqa'aic, qataq da 'eetec co'ollaq detaqtague' somaye, nataqa'en da 'eetec da ỹataqta saishet da ñe'etapeguelec da ỹa'axattac da le'enaxat So Jesús co'ollaq hueta'a ye nỹecpi ye Damasco.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

2 Corintios 7:4

Qaq ỹataqta qalota da ñaquitaxac qataq ña'amaqteetai' souaxat da qoñiita. Qataq ỹataqta samachiguiñi, na'aictaxa da qalota na seviraxaguet lqalaicpi qalaq aỹem ñanomteguet da ỹa'añaxac qataq aỹem nlaqchigui da ñetonaxac.

2 Corintios 1:11

da qami' qomi' qautauñiita'ape da qomi' qanqouagaxauñiitaleguete. Qaq da saqalota na shiỹaxauapi qomi' nqouagaxaueetaleguete, qaq nache 'ena'am saqalota na ỹaatacot da na'achecỹaxac Ñim Lo'onatac 'Enauacna, souaxat da ltaunaxanaxac qataq 'enauac nam no'on maye qomi' ỹanema.

1 Corintios 2:7

De'era naỹaanec maye sa'axataqtac, damaye naỹaanec saqcha'a maye chegoqo'ot Ñim Lo'onatac 'Enauacna. Damaye nachera da ỹapogoñi laỹaanec Ñim Lo'onatac 'Enauacna maye iqataxanai' co'ollaq saxanaqaca ana 'alhua qataq da huotaique ỹachaxan dam ñeuanaqaua'a da llo'oxoyec maye chochaq tatec.

Romanos 15:30

Qami' ỹaqaỹañicpi, aỹem qami' ñachoxoreetoiguilo souaxat So Qarataxala' Jesucristo, qataq souaxat da nsoxoyec maye qomi' ỹanema So Saqcha'a Na'añaxac Qui'itta, da aỹem qautauañi qome da qanqouagaxauñiỹot Ñim Lo'onatac 'Enauacna da aỹem qanqouagaxauñiitalec.

Hechos 18:26

Nache so Apolo co'ollaq huaigui aca napaxaguenaxaqui na judiopi, nache da'aqtaxaatac, qaica ca ñe'etaique. Qalaxaye co'ollaq na'axaỹaxaategalo somaye aso Priscila qataq so Aquila, nache qandoxottec da qaỹauec, nache ỹataqta qaỹa'aqtaxaatem da llecỹaxac da lo'onataxanaxac Ñim Lo'onatac 'Enauacna.

Hechos 4:13

Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Hechos 2:4

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Hechos 9:29

Nache somaye ỹataqta saishet da ñe'etapeguelec da ỹa'axattac So Qarataxala', nache na'aqtaxaatague' qataq ncotatague' nam judiopi maye ỹaỹate'n naua la'aqtaqa na griegopi. Qalaxaye namayepi co'ollaxa, ỹauotaique da ỹalauat somaye.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

2 Corintios 6:11

Qami' qarqaỹa't maye qarmaye na Corinto, qomi' ỹataqta qaica ca sauoqtaique da qami' setaxasoxoiguilo, ỹataqta imauec da qarquiyaqteỹaxac da qaica ca 'oonolec soxotaqtapiguiñi.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.